Aviva Baig: ഫോട്ടോഗ്രാഫർ, കോടികളുടെ ബിസിനസ്; പ്രിയങ്ക ഗാന്ധിയുടെ ഭാവി മരുമകൾ ചില്ലറക്കാരിയല്ല!
Who Is Aviva Baig: ഏഴ് വർഷത്തെ പ്രണയത്തിനൊടുവിൽ ഡിസംബർ 29ന് രാജസ്ഥാനിലെ രൺതംബോറിൽ നടന്ന ചടങ്ങിലാണ് ഇരുവരുടെയും വിവാഹ നിശ്ചയം നടത്തപ്പെട്ടത്. വിവാഹം ഉടനുണ്ടാകുമെന്നാണ് വിവരം.
പ്രിയങ്ക ഗാന്ധിയുടെ മകൻ റേഹാൻ വാദ്രയും അവിവ ബൈഗും തമ്മിലുള്ള വിവാഹനിശ്ചയം കഴിഞ്ഞു. ഏഴ് വർഷത്തെ പ്രണയത്തിനൊടുവിൽ ഡിസംബർ 29ന് രാജസ്ഥാനിലെ രൺതംബോറിൽ നടന്ന ചടങ്ങിലാണ് ഇരുവരുടെയും വിവാഹ നിശ്ചയം നടത്തപ്പെട്ടത്. വിവാഹം ഉടനുണ്ടാകുമെന്നാണ് വിവരം.
വിവാഹനിശ്ചയ വാർത്തകൾ പുറത്ത് വന്നതോടെ ആരാണ് പ്രിയങ്ക ഗാന്ധിയുടെ ഭാവി മരുമകളെന്ന് തിരയുകയാണ് ജനങ്ങൾ. തന്റെ കളികൂട്ടുകാരിയെ തന്നെയാണ് റേഹാൻ ജീവിതപങ്കാളിയാക്കുന്നത്. ഡൽഹി സ്വദേശിയായഅവിവ ബൈഗ് ഇന്റീരിയർ ഡിസൈനർ, ഫോട്ടോഗ്രാഫർ, നിർമ്മാതാവ് എന്നീ നിലകളിൽ അറിയപ്പെടുന്നു.
ഡൽഹിയിലെ പ്രശസ്തമായ മോഡേൺ സ്കൂളിൽ നിന്ന് സ്കൂൾ വിദ്യാഭ്യാസം പൂർത്തിയാക്കി, തുടർന്ന് ഒ.പി ജിൻഡാൽ ഗ്ലോബൽ യൂണിവേഴ്സിറ്റിയിൽ നിന്ന് ജേണലിസത്തിലും കമ്മ്യൂണിക്കേഷനിലും ബിരുദം നേടിയിട്ടുണ്ട് അവിവ. നിലവിൽ 'അറ്റലിയർ 11' എന്ന ഫോട്ടോഗ്രാഫി സ്റ്റുഡിയോയുടെയും പ്രൊഡക്ഷൻ കമ്പനിയുടെയും സഹസ്ഥാപകയാണ്.
അവിവയുടെ പിതാവ്, ഇമ്രാൻ ബെയ്ഗ് ഡൽഹിയിലെ പ്രമുഖ ബിസിനസുകാരനാണ്. അന്താരാഷ്ട്ര ബിസിനസിലും ഏർപ്പെട്ടിരിക്കുന്ന കമ്പനിയായ ഇമേജിംഗ് സൊല്യൂഷൻസ് പ്രൈവറ്റ് ലിമിറ്റഡിന്റെ ഡയറക്ടറാണ് അദ്ദേഹം. കൂടാതെ, മറ്റ് നിരവധി ബിസിനസുകളും കൈകാര്യം ചെയ്യുന്നുണ്ടെന്നാണ് വിവരം.
അവീവയുടെ അമ്മ നന്ദിത ബെയ്ഗ് അറിയപ്പെടുന്ന ഇന്റീരിയർ ഡിസൈനറാണ്. യൂത്ത് റീച്ചിന്റെ സഹസ്ഥാപകയായ നന്ദിത ഡൽഹിയിലെ കോൺഗ്രസ് പാർട്ടി ആസ്ഥാനമായ ഇന്ദിര ഭവന്റെ ഇന്റീരിയർ ഡിസൈനിലും സഹകരിച്ചിട്ടുണ്ട്. (Image Credit: Instagram)
