Black coffee benefits: എഴുന്നേറ്റാലുടൻ കട്ടൻ കാപ്പി നിർബന്ധമാണോ? എങ്കിൽ സന്തോഷിക്കാൻ വകുപ്പുണ്ട്
Morning Black Coffee Is Actually Good: കട്ടൻ കാപ്പിയിലടങ്ങിയിരിക്കുന്ന ശക്തമായ ആന്റി ഓക്സിഡന്റുകൾ മലാശയ അർബുദം, കരളിലെ അർബുദം, എൻഡോമെട്രിയൽ കാൻസർ എന്നിവ വരാനുള്ള സാധ്യത കുറയ്ക്കുന്നു.
രാവിലെ എഴുന്നേറ്റാലുടൻ ഒരു ഗ്ലാസ് കട്ടൻ കാപ്പി കുടിച്ച് ദിവസം തുടങ്ങുന്നവരാണോ നിങ്ങൾ? എങ്കിൽ അറിഞ്ഞോളൂ, ഈ ശീലം നിങ്ങൾക്ക് നൽകുന്നത് മികച്ച ആരോഗ്യഗുണങ്ങളാണ്. കഫീൻ, ആന്റി ഓക്സിഡന്റുകൾ എന്നിവയാൽ സമ്പന്നമായ കട്ടൻ കാപ്പി വെറും വയറ്റിൽ കുടിക്കുന്നത് ശരീരത്തിന് എങ്ങനെയൊക്കെ ഗുണകരമാകുന്നു എന്ന് നോക്കാം.
കട്ടൻ കാപ്പിയിലെ കഫീൻ ശരീരത്തിന് പെട്ടെന്ന് ഊർജ്ജം നൽകുകയും ഉന്മേഷം വർദ്ധിപ്പിക്കുകയും ചെയ്യുന്നു. കുറഞ്ഞ കാലറി മാത്രമുള്ള കട്ടൻ കാപ്പി ശരീരത്തിലെ ഉപാപചയ പ്രവർത്തനം വേഗത്തിലാക്കുന്നു. ഇത് ശരീരഭാരം നിയന്ത്രിക്കാൻ ആഗ്രഹിക്കുന്നവർക്ക് വലിയ സഹായമാണ്.
പതിവായി കട്ടൻ കാപ്പി കുടിക്കുന്നത് ഫാറ്റി ലിവർ, ലിവർ സിറോസിസ്, ലിവർ കാൻസർ തുടങ്ങിയ രോഗാവസ്ഥകൾ തടയാൻ സഹായിക്കുമെന്ന് പഠനങ്ങൾ വ്യക്തമാക്കുന്നു. ശരീരത്തിലെ വീക്കം കുറയ്ക്കുന്നതിലൂടെ രക്തസമ്മർദ്ദം നിയന്ത്രിക്കാനും ഹൃദ്രോഗം, പക്ഷാഘാതം എന്നിവയുടെ സാധ്യത കുറയ്ക്കാനും കട്ടൻ കാപ്പിക്ക് കഴിയും.
കട്ടൻ കാപ്പിയിലടങ്ങിയിരിക്കുന്ന ശക്തമായ ആന്റി ഓക്സിഡന്റുകൾ മലാശയ അർബുദം, കരളിലെ അർബുദം, എൻഡോമെട്രിയൽ കാൻസർ എന്നിവ വരാനുള്ള സാധ്യത കുറയ്ക്കുന്നു.
കോശങ്ങളെ സംരക്ഷിക്കുന്നതിലൂടെ പ്രായമാകുമ്പോൾ ഉണ്ടാകുന്ന ഓർമ്മക്കുറവ്, അൽഷിമേഴ്സ് തുടങ്ങിയ മറവി രോഗങ്ങളെ ഒരു പരിധിവരെ തടയാൻ കട്ടൻ കാപ്പി സഹായിക്കുന്നു. ഇത് കേന്ദ്രനാഡീവ്യവസ്ഥയെ ഉത്തേജിപ്പിക്കുകയും ചെയ്യുന്നു.
