Lord Krishna’s Idol: വീട്ടിൽ കൃഷ്ണ വിഗ്രഹം ഈ ദിശയിലാണോ? ആപത്ത് വിടാതെ പിന്തുടരും!

കൃഷ്ണ വിഗ്രഹം

വീട്ടിലെ പൂജാമുറിയിലെ സ്ഥിരം സാനിധ്യമാണ് കൃഷ്ണ വി​ഗ്രഹം. വീട്ടിലെ ഐശ്വര്യത്തിനായാണ് ശ്രീകൃഷ്ണ വി​ഗ്രഹം നാം വയ്ക്കുന്നത്. ശ്രീ കൃഷ്ണ വി​ഗ്രഹം വീട്ടിൽ വയ്ക്കുമ്പോൾ ശ്ര​ദ്ധിക്കേണ്ട ചില കാര്യങ്ങളുണ്ട്. അവ എന്തെല്ലാമെന്ന് നോക്കാം

കൃഷ്ണ വി​ഗ്രഹം വയ്ക്കേണ്ട ദിശ

കൃഷ്ണ വി​ഗ്രഹം വയ്ക്കേണ്ട ദിശയാണ് ഏറ്റവും പ്രധാനം. ഒരു കാരണവശാലും വി​ഗ്രഹം തെക്കോട്ട് വയ്ക്കരുത്. പടിഞ്ഞാറും നല്ലതല്ല. വാസ്തു ശാസ്ത്രം പ്രകാരം കിഴക്കോട്ടോ വടക്കോട്ടോ ദർശനമായി വയ്ക്കുന്നതാണ് ഉചിതം. വടക്ക് കിഴക്ക് മൂലയിൽ വീടിന്റെ ഈശാനകോണില്‍ കൃഷ്ണ വി​ഗ്രഹം വയ്ക്കുന്നത് ഏറെ ഉത്തമമാണ്.

പൂജാമുറി

പൂജാമുറിയിൽ വി​ഗ്രഹം വയ്ക്കുന്നതാണ് ഉത്തമമം. ഹാളിലും വയ്ക്കാം. എന്നാൽ ഒരിക്കലും അടുക്കളയിലോ ബെഡ്റൂമിലോ വി​ഗ്രഹം വയ്ക്കരുത്. അതുപോലെ വെറും തറയിലും അരുത്. ഒരു പീഠത്തില്‍ മഞ്ഞപ്പട്ട് വിരിച്ച് അതില്‍ വിഗ്രഹം വയ്ക്കുന്നതാണ് അത്യുത്തമമം.

അലങ്കാരം

തലയ്ക്ക് മുകളിൽ വരുന്ന സ്ഥാനത്ത് വി​ഗ്രഹം വയ്ക്കരുത്. അതുപോലെ കൈ ഉയർത്തി എടുക്കേണ്ട വിധത്തിലും ആകരുത്. മഞ്ഞപ്പട്ട്, മയില്‍പ്പീലി, ഓടക്കുഴല്‍, മഞ്ചാടിക്കുരു, കുന്നിക്കുരു എന്നിവയെല്ലാം കൃഷ്ണ വി​ഗ്രഹത്തിന് മുന്നിൽ താലത്തിൽ ഭഗവാന് അലങ്കാരമായി വയ്ക്കാം.

സൂക്ഷിക്കുക

പൊട്ടിയതോ വിള്ളലുള്ളതോ ആയ കൃഷ്ണ വി​ഗ്രഹങ്ങൾ വീട്ടിൽ വയ്ക്കരുത്. അത് ദോഷകരമാണ്. ശ്രീ കൃഷ്ണ വി​ഗ്രഹം മാത്രമല്ല, ചിത്രങ്ങളാണെങ്കിലും മറ്റ് വി​ഗ്രഹങ്ങളാണെങ്കിലും ഇക്കാര്യങ്ങൾ ശ്രദ്ധിക്കുക. കൂടാതെ പൊടി തട്ടാതെ വൃത്തിയായി സൂക്ഷിക്കുകയും വേണം.

(നിരാകരണം: ഇവിടെ നൽകിയിരിക്കുന്ന വിവരങ്ങൾ പൊതുവായ വിശ്വാസങ്ങളെ മാത്രം അടിസ്ഥാനമാക്കിയുള്ളതാണ്, ഇത് ടീവി-9 മലയാളം സ്ഥിരീകരിക്കുന്നില്ല)