Asian Games 2026: അമ്പെയ്ത്തിൽ സ്വർണം; ഏഷ്യൻ ഗെയിംസിൽ കുമ്കുമിന് ചരിത്രനേട്ടം
Kumkum Mohod Shoots India Into History With Asian Games Gold: അഞ്ച് സെറ്റുകൾ പൂർത്തിയായപ്പോൾ ഇരുതാരങ്ങളും 5-5 എന്ന നിലയിൽ സമനിലയിലായിരുന്നു. തുടർന്ന് നടന്ന ഷൂട്ടൗട്ടിലാണ് കുമ്കുമ വിജയം ഉറപ്പിച്ചത്. ഇതോടെ ഈ ഏഷ്യൻ ഗെയിംസിൽ കുമ്കുമയുടെ മെഡൽ നേട്ടം മൂന്ന് ആയി. രണ്ട് സ്വർണവും ഒരു വെള്ളിയും താരത്തിന്റെ പേരിലുണ്ട്. വനിതകളുടെ ടീം റികർവിലും കുമ്കുമ സ്വർണം നേടിയിരുന്നു. മിക്സഡ് ടീം ഇനത്തിൽ വെള്ളിയും സ്വന്തമാക്കിയിരുന്നു.
കുമ്കുമ മഹോദ്
ഐച്ചി-നഗോയ: ഏഷ്യൻ ഗെയിംസ് 2026ന്റെ അവസാനദിനത്തിന് ഇന്ത്യക്ക് സ്വർണത്തുടക്കം. വനിതകളുടെ വ്യക്തിഗത റികർവ് അമ്പെയ്ത്തിൽ കുമ്കുമ മഹോദ് ചരിത്രനേട്ടം സ്വന്തമാക്കി. ദക്ഷിണ കൊറിയയുടെ ഓ യെജിനെ ഷൂട്ടൗട്ടിൽ മറികടന്നാണ് 17കാരിയായ താരം സ്വർണം നേടിയത്. ഏഷ്യൻ ഗെയിംസിലെ വനിതകളുടെ വ്യക്തിഗത റികർവ് വിഭാഗത്തിൽ സ്വർണം നേടുന്ന ആദ്യ ഇന്ത്യൻ താരമെന്ന നേട്ടവും ഇതോടെ കുമ്കുമ സ്വന്തമാക്കി.
അഞ്ച് സെറ്റുകൾ പൂർത്തിയായപ്പോൾ ഇരുതാരങ്ങളും 5-5 എന്ന നിലയിൽ സമനിലയിലായിരുന്നു. തുടർന്ന് നടന്ന ഷൂട്ടൗട്ടിലാണ് കുമ്കുമ വിജയം ഉറപ്പിച്ചത്. ഇതോടെ ഈ ഏഷ്യൻ ഗെയിംസിൽ കുമ്കുമയുടെ മെഡൽ നേട്ടം മൂന്ന് ആയി. രണ്ട് സ്വർണവും ഒരു വെള്ളിയും താരത്തിന്റെ പേരിലുണ്ട്. വനിതകളുടെ ടീം റികർവിലും കുമ്കുമ സ്വർണം നേടിയിരുന്നു. മിക്സഡ് ടീം ഇനത്തിൽ വെള്ളിയും സ്വന്തമാക്കിയിരുന്നു.
അമ്പെയ്ത്തിൽ കൂടുതൽ പ്രതീക്ഷ
കുമ്കുമയുടെ ചരിത്ര സ്വർണത്തിന് പിന്നാലെ അമ്പെയ്ത്തിൽ ഇന്ത്യക്ക് കൂടുതൽ മെഡലുകൾക്കുള്ള അവസരമുണ്ട്. പുരുഷന്മാരുടെ വ്യക്തിഗത റികർവ് വിഭാഗത്തിൽ ധീരജ് ബൊമ്മദേവരയും നീരജ് ചൗഹാനും മത്സരരംഗത്തുണ്ട്. വിവിധ ഘട്ടങ്ങളിലെ മത്സരഫലത്തെ ആശ്രയിച്ചായിരിക്കും ഇവരുടെ അടുത്ത റൗണ്ട് തീരുമാനിക്കുക.
അമ്പെയ്ത്താണ് ഇത്തവണ ഇന്ത്യക്ക് ഏറ്റവും കൂടുതൽ സ്വർണങ്ങൾ സമ്മാനിച്ച കായിക ഇനങ്ങളിലൊന്ന്. റികർവ്, കമ്പൗണ്ട് വിഭാഗങ്ങളിലായി ഇന്ത്യ ഇതിനകം നിരവധി മെഡലുകൾ നേടിയിട്ടുണ്ട്.
ഇന്ത്യയുടെ മെഡൽ നില
കുമ്കുമ മഹോദിന്റെ സ്വർണത്തോടെ ഇന്ത്യയുടെ ആകെ മെഡൽ നേട്ടം 77 ആയി ഉയർന്നു. ഇതിൽ 17 സ്വർണം, 25 വെള്ളി, 35 വെങ്കലം എന്നിവ ഉൾപ്പെടുന്നു. അവസാനദിനത്തിൽ ക്രിക്കറ്റിലും ഹോക്കിയിലും ഉൾപ്പെടെ നിരവധി സ്വർണ മെഡൽ മത്സരങ്ങൾ ബാക്കിയുള്ളതിനാൽ ഇന്ത്യയുടെ മെഡൽ പട്ടിക ഇനിയും മാറാൻ സാധ്യതയുണ്ട്.
Also Read: Asian Games 2026 Final: ചരിത്രമെഴുതി പെൺപട! ചൈനയെ തകർത്ത് 44 വർഷത്തിന് ശേഷം ഇന്ത്യക്ക് സ്വർണം
ഹോക്കിയിലും സ്വർണപ്പോരാട്ടം
പുരുഷ ഹോക്കിയിൽ ഇന്ത്യയും മലേഷ്യയും തമ്മിലാണ് ഫൈനൽ. ഇന്ത്യൻ സമയം വൈകിട്ട് 3.30നാണ് മത്സരം. ഏഷ്യൻ ഗെയിംസിലെ നിലവിലെ ചാമ്പ്യന്മാരായ ഇന്ത്യക്ക് കിരീടം നിലനിർത്താനുള്ള അവസരമാണിത്.
ഇതിന് പുറമെ ഗുസ്തി, അമ്പെയ്ത്ത്, ഗോൾഫ് തുടങ്ങിയ ഇനങ്ങളിലും ഇന്ത്യയുടെ താരങ്ങൾ മെഡൽ പ്രതീക്ഷയുമായി മത്സരരംഗത്തുണ്ട്. വനിതാ ഗോൾഫിൽ പ്രണവി ഉർസ് അവസാന റൗണ്ടിൽ മെഡൽ പോരാട്ടത്തിലാണ്. ആദ്യ ഘട്ടത്തിൽ ഒന്നാം സ്ഥാനത്തായിരുന്ന താരം പിന്നീട് വെള്ളി മെഡൽ സ്ഥാനത്തേക്ക് പിന്തള്ളപ്പെട്ടെങ്കിലും മത്സരം കടുത്ത നിലയിലാണ്.
English Summary
Kumkum Mohod created history by winning India’s first women’s individual recurve gold at the Asian Games 2026. Her victory marked a major milestone for Indian archery on Day 15 of the continental event.
