Chennai Super Kings: ചെന്നൈ സൂപ്പര് കിങ്സിന്റെ പ്ലേ ഓഫ് സാധ്യതകള് തുലാസില്; എല്ലാം തുലച്ചത് റുതുരാജിന്റെ ആ പ്ലാനോ?
CSK Playoff Chances Diminish: ലഖ്നൗ സൂപ്പര് ജയന്റ്സിനോട് തോല്വി വഴങ്ങിയതിന് പിന്നാലെ ചെന്നൈ സൂപ്പര് കിങ്സിന്റെ പ്ലേ ഓഫ് സാധ്യതകള് തുലാസിലായിരിക്കുകയാണ്. ലഖ്നൗവിനോട് ഏഴു വിക്കറ്റിനാണ് ചെന്നൈ തോറ്റത്. 188 റണ്സ് വിജയലക്ഷ്യം 20 പന്തുകള് ബാക്കിനില്ക്കെ ലഖ്നൗ മറികടന്നു.
Chennai Super Kings
CSK IPL 2026: ലഖ്നൗ സൂപ്പര് ജയന്റ്സിനോട് കനത്ത തോല്വി വഴങ്ങിയതിന് പിന്നാലെ മുന് ചാമ്പ്യന്മാരായ ചെന്നൈ സൂപ്പര് കിങ്സിന്റെ പ്ലേ ഓഫ് സാധ്യതകള് തുലാസിലായിരിക്കുകയാണ്. ലഖ്നൗവിനോട് ഏഴു വിക്കറ്റിനാണ് ചെന്നൈ തോറ്റത്. 188 റണ്സ് വിജയലക്ഷ്യം 20 പന്തുകള് ബാക്കിനില്ക്കെ ലഖ്നൗ മറികടന്നു. പ്ലേ ഓഫ് കാണാതെ പുറത്തായ ലഖ്നൗ പോകുന്ന പോക്കില് ചെന്നൈയ്ക്കും പണി കൊടുത്തിരിക്കുകയാണ്. 12 മത്സരങ്ങളില് നിന്ന് ആറു ജയവുമായി ചെന്നൈ പോയിന്റ് ടേബിളില് ആറാമതാണ്. നാല് വിജയം മാത്രമുള്ള ലഖ്നൗ ഏറ്റവും അവസാന സ്ഥാനത്തും.
ചെന്നൈ തോറ്റതിന് പിന്നാലെ ക്യാപ്റ്റന് റുതുരാജ് ഗെയ്ക്വാദിനെ വിമര്ശിച്ച് മുന് താരം സുബ്രഹ്മണ്യം ബദരീനാഥ് രംഗത്തെത്തി. ഈ സീസണിൽ ടീം തിരഞ്ഞെടുപ്പിലെ പിഴവുകൾ കാരണം സിഎസ്കെ തോൽക്കുന്നത് ഒരു പതിവായി മാറുകയാണ്. ഇങ്ങനെയൊരു പിച്ചിൽ അക്കീൽ ഹൊസൈനെ ഒഴിവാക്കിയത് ഒട്ടും യുക്തിസഹമല്ല. മറ്റൊരു അവസരം കൂടി ചെന്നൈ നഷ്ടപ്പെടുത്തിയെന്ന് ബദരിനാഥ് വിമര്ശിച്ചു.
ബദരിനാഥിന്റെ ട്വീറ്റ്
CSK losing because of team selection errors is becoming a pattern this season. Leaving out Akeal Hosein on this track made zero sense. Another game, another missed opportunity. #LSGvCSK
— S.Badrinath (@s_badrinath) May 15, 2026
ബൗളര്മാരെ വിമര്ശിച്ച് റുതുരാജ്
തോല്വിക്ക് പിന്നാലെ ബൗളര്മാരെ വിമര്ശിച്ച് റുതുരാജ് രംഗത്തെത്തി. ബൗളിങ് യൂണിറ്റിന്റെ മോശം പ്രകടനമാണ് തോല്വിക്ക് കാരണമെന്നായിരുന്നു റുതുരാജിന്റെ വിമര്ശനം. ലഖ്നൗ വെറും 16.4 ഓവറിലാണ് ഈ ലക്ഷ്യം മറികടന്നത്. അടുത്ത രണ്ട് മത്സരങ്ങളിൽ ശ്രദ്ധ കേന്ദ്രീകരിക്കാനും അദ്ദേഹം സഹതാരങ്ങളോട് ആവശ്യപ്പെട്ടു.
Also Read: IND vs AFG: അഫ്ഗാനെതിരായ പരമ്പരയില് സഞ്ജുവിനെ അവഗണിക്കും? ഏകദിന ടീം പ്രഖ്യാപനം ഉടന്
“ഫാസ്റ്റ് ബൗളർമാർക്ക് അനുകൂലമായ ചിലത് പിച്ചിൽ ഉണ്ടായിരുന്നുവെന്ന് തോന്നി. ഞങ്ങൾ ബാറ്റ് ചെയ്തപ്പോൾ ഹാർഡ് ലെങ്തുകളിൽ നിന്ന് റൺസ് കണ്ടെത്താൻ ബുദ്ധിമുട്ടിയിരുന്നു. ലഖ്നൗ ബൗളർമാർ അത് വളരെ നന്നായി നടപ്പിലാക്കി. എങ്കിലും ഞങ്ങൾ 160 അല്ലെങ്കിൽ 170 റൺസാണ് പ്രതീക്ഷിച്ചിരുന്നത്. എന്നാൽ 180 റൺസ് നേടാൻ കഴിഞ്ഞു. അതുകൊണ്ട് ബാറ്റിംഗിന്റെ ഭാഗത്ത് നിന്ന് നോക്കുമ്പോൾ ഇതിലും മികച്ചതായി ഒന്നും ചെയ്യാനില്ലായിരുന്നു എന്നാണ് തോന്നുന്നത്. പക്ഷേ ക്രെഡിറ്റ് ലഖ്നൗവിന് നല്കണം. അവർ വളരെ മികച്ച രീതിയിൽ ബാറ്റ് ചെയ്തു. പിന്നീട് പിച്ച് കൂടുതൽ മെച്ചപ്പെട്ടോ ഇല്ലയോ എന്ന് പറയാൻ കഴിയില്ല. പക്ഷേ അവർ അസാധാരണമായ ചില ഷോട്ടുകൾ കളിച്ചു,” അദ്ദേഹം പറഞ്ഞു.
ചെന്നൈയ്ക്ക് ഇനി സാധ്യതയുണ്ടോ?
ചെന്നൈയുടെ പ്ലേ ഓഫ് സാധ്യതകള് പൂര്ണമായും അവസാനിച്ചിട്ടില്ല. ഇനി അവശേഷിക്കുന്ന രണ്ട് മത്സരങ്ങളിൽ വിജയിക്കുകയാണെങ്കിൽ 16 പോയിന്റുകൾ ലഭിക്കും. ചെന്നൈയ്ക്ക് ടോപ് ഫോറില് ഇടം നേടാൻ ഇത് മതിയായേക്കും. എന്നാല്, മറ്റ് അഞ്ച് ടീമുകൾക്ക് കൂടി 16 പോയിന്റോ അതിൽ കൂടുതലോ നേടാനുള്ള അവസരം ഉള്ളതിനാൽ, സിഎസ്കെയെ സംബന്ധിച്ചിടത്തോളം ഇത് വളരെ ബുദ്ധിമുട്ടേറിയ ഒരു സാഹചര്യമായി മാറിയേക്കാം.
അടുത്ത രണ്ട് കളികളും ജയിച്ചതുകൊണ്ട് മാത്രം ചെന്നൈ സൂപ്പര് കിങ്സിന് അടുത്ത ഘട്ടത്തിലേക്ക് കടക്കാൻ സാധിക്കില്ല. സൺറൈസേഴ്സ് ഹൈദരാബാദ്, പഞ്ചാബ് കിംഗ്സ്, രാജസ്ഥാൻ റോയൽസ് എന്നീ ടീമുകളില് ഏതെങ്കിലും ഒരു ടീമെങ്കിലും പരാജയപ്പെടേണ്ടത് ചെന്നൈയ്ക്ക് അനിവാര്യമാണ്. പഞ്ചാബ് തങ്ങളുടെ ബാക്കി മത്സരങ്ങൾ ജയിക്കുകയാണെങ്കിൽ, അവർ 17 പോയിന്റിൽ എത്തും. ഈയൊരു നേട്ടത്തിനൊപ്പം എത്താൻ സിഎസ്കെയ്ക്ക് കഴിയില്ല.
English Summary
Chennai Super Kings lost to Lucknow Super Giants by 7 wickets. This defeat makes CSK’s path to the IPL 2026 playoffs difficult. Subramaniam Badrinath heavily criticized skipper Ruturaj Gaikwad’s team selection. Ruturaj Gaikwad remained calm and urged his team to win their remaining matches.
