IPL 2026: പഞ്ചാബിന്റെ പഞ്ചില് പതറി ഗുജറാത്ത്; നേടാനായത് 162 റണ്സ് മാത്രം
IPL 2026 PBKS vs GT Match Updates: പഞ്ചാബ് കിങ്സിന് 163 റണ്സ് വിജയലക്ഷ്യം. 27 പന്തില് 39 റണ്സ് നേടിയ ശുഭ്മാന് ഗില്ലാണ് ഗുജറാത്തിന്റെ ടോപ് സ്കോറര്. 33 പന്തില് 38 റണ്സ് നേടിയ ജോസ് ബട്ട്ലര്, 17 പന്തില് 25 റണ്സ് നേടിയ ഗ്ലെന് ഫിലിപ്സ് എന്നിവരും തരക്കേടില്ലാത്ത പ്രകടനം പുറത്തെടുത്തു.
IPL 2026 PBKS vs GT
മൊഹാലി: ഗുജറാത്ത് ടൈറ്റന്സിനെതിരായ മത്സരത്തില് പഞ്ചാബ് കിങ്സിന് 163 റണ്സ് വിജയലക്ഷ്യം. 27 പന്തില് 39 റണ്സ് നേടിയ ക്യാപ്റ്റന് ശുഭ്മാന് ഗില്ലാണ് ഗുജറാത്തിന്റെ ടോപ് സ്കോറര്. 33 പന്തില് 38 റണ്സ് നേടിയ ജോസ് ബട്ട്ലര്, 17 പന്തില് 25 റണ്സ് നേടിയ ഗ്ലെന് ഫിലിപ്സ് എന്നിവരും തരക്കേടില്ലാത്ത പ്രകടനം പുറത്തെടുത്തു.
സായ് സുദര്ശന്-11 പന്തില് 13, വാഷിങ്ടണ് സുന്ദര്-16 പന്തില് 18, ഷാരൂഖ് ഖാന്-ആറു പന്തില് നാല്, രാഹുല് തെവാട്ടിയ-10 പന്തില് 11 നോട്ടൗട്ട്, റാഷിദ് ഖാന്-0 നോട്ടൗട്ട് എന്നിങ്ങനെയാണ് മറ്റ് ഗുജറാത്ത് ബാറ്റര്മാരുടെ സ്കോറുകള്. ഒരു ഗുജറാത്ത് ബാറ്റ്സ്മാനെ പോലും 50 കടക്കാന് പഞ്ചാബ് ബൗളര്മാര് അനുവദിച്ചില്ല.
പഞ്ചാബിനു വേണ്ടി വിജയ്കുമാര് വൈശാഖ് മൂന്ന് വിക്കറ്റ് വീഴ്ത്തി. യുസ്വേന്ദ്ര ചാഹല് രണ്ടും, മാര്ക്കോ യാന്സന് ഒരു വിക്കറ്റും സ്വന്തമാക്കി. അവസാന ഓവറില് അര്ഷ്ദീപ് സിങ് നാല് വൈഡും, ഒരു നോബോളും വഴങ്ങി. ടോസ് നേടിയ പഞ്ചാബ് ക്യാപ്റ്റന് ശ്രേയസ് അയ്യര് ഫീല്ഡിങ് തിരഞ്ഞെടുക്കുകയായിരുന്നു.
പ്ലേയിങ് ഇലവന്
ഗുജറാത്ത് ടൈറ്റൻസ്: ശുഭ്മാൻ ഗിൽ, സായ് സുദർശൻ, ജോസ് ബട്ട്ലർ, വാഷിംഗ്ടൺ സുന്ദർ, ഗ്ലെൻ ഫിലിപ്സ്, ഷാരൂഖ് ഖാൻ, രാഹുൽ തെവാട്ടിയ, റാഷിദ് ഖാൻ, കാഗിസോ റബാഡ, അശോക് ശർമ, മുഹമ്മദ് സിറാജ്.
ഇംപാക്റ്റ് പ്ലേയർമാർ -പ്രസിദ് കൃഷ്ണ, ജേസൺ ഹോൾഡർ, ജയന്ത് യാദവ്, മാനവ് സുതാർ, കുമാർ കുശാഗ്ര.
പഞ്ചാബ് കിംഗ്സ്: പ്രഭ്സിമ്രാൻ സിംഗ്, കൂപ്പർ കനോലി, ശ്രേയസ് അയ്യർ, നെഹാൽ വധേര, ശശാങ്ക് സിംഗ്, മാർക്കസ് സ്റ്റോയിനിസ്, മാർക്കോ യാൻസെൻ, സേവ്യർ ബാർട്ട്ലെറ്റ്, വിജയ്കുമാർ വൈശാഖ്, അർഷ്ദീപ് സിംഗ്, യുസ്വേന്ദ്ര ചാഹൽ.
ഇംപാക്റ്റ് പ്ലേയർമാർ – പ്രിയാൻഷ് ആര്യ, പ്രവീൺ ദുബെ, വിഷ്ണു വിനോദ്, ഹർപ്രീത് ബ്രാർ, സൂര്യൻഷ് ഷെഡ്ഗെ.
