Shreyas Iyer: ശ്രേയസ് അയ്യര്ക്ക് അര്ഷ്ദീപ് പണി കൊടുത്തു; 12 ലക്ഷം രൂപ പോകും; കാരണം ഇതാണ്
Shreyas Iyer fined Rs 12 lakh for slow-over rate: ശ്രേയസ് അയ്യര്ക്ക് 12 ലക്ഷം രൂപ പിഴ ചുമത്തി. ഗുജറാത്ത് ടൈറ്റന്സിനെതിരെ നടന്ന കുറഞ്ഞ ഓവര് നിരക്കിന്റെ പേരിലാണ് ശ്രേയസിനെതിരെ നടപടി സ്വീകരിച്ചത്. ഐപിഎല് കോഡ് ഓഫ് കണ്ടക്ടിലെ ആര്ട്ടിക്കിള് 2.2 പ്രകാരമാണ് നടപടി. അർഷ്ദീപ് സിംഗ് എറിഞ്ഞ അവസാന ഓവറാണ് സ്ലോ ഓവർ നിരക്കിന് പിന്നിലെ വലിയ കാരണം.
Shreyas Iyer
മൊഹാലി: പഞ്ചാബ് കിങ്സ് ക്യാപ്റ്റന് ശ്രേയസ് അയ്യര്ക്ക് 12 ലക്ഷം രൂപ പിഴ ചുമത്തി. ഗുജറാത്ത് ടൈറ്റന്സിനെതിരെ നടന്ന മത്സരത്തിലെ കുറഞ്ഞ ഓവര് നിരക്കിന്റെ പേരിലാണ് ശ്രേയസിനെതിരെ നടപടി സ്വീകരിച്ചത്. ഐപിഎല് കോഡ് ഓഫ് കണ്ടക്ടിലെ ആര്ട്ടിക്കിള് 2.2 പ്രകാരമാണ് നടപടി. അർഷ്ദീപ് സിംഗ് എറിഞ്ഞ അവസാന ഓവറാണ് സ്ലോ ഓവർ നിരക്കിന് പിന്നിലെ വലിയ കാരണം.
അവസാന ഓവറില് നാലു വൈഡും, ഒരു നോബോളും വഴങ്ങിയ അര്ഷ്ദീപ് 11 പന്തുകളാണ് എറിഞ്ഞത്. ഏതാണ്ട് രണ്ടോവര് എറിയുന്നതിനു വേണ്ട സമയമാണ് ഈ ഒറ്റ ഓവറില് പോയത്. ഇത് കുറഞ്ഞ ഓവര് നിരക്കിലേക്കും നയിച്ചു.
Also Read: IPL 2026: ഇവനോ സഞ്ജുവിന് പകരക്കാരന്? ഒരു സിക്സ് പോലുമില്ല; ഗില്ലിനെ എയറിലാക്കി ആരാധകര്
മത്സരത്തില് സംഭവിച്ചത്
അര്ഷ്ദീപ് എക്സ്ട്രാസ് വാരികൂട്ടിയെങ്കിലും, മത്സരത്തില് പഞ്ചാബ് വിജയിച്ചു. അഞ്ചു പന്തുകള് ബാക്കിനില്ക്കെ മൂന്ന് വിക്കറ്റിനായിരുന്നു ജയം. പുറത്താകാതെ 44 പന്തില് 72 റണ്സെടുത്ത കൂപ്പര് കോണോലിയുടെ പ്രകടനമികവിലാണ് പഞ്ചാബ് 163 റണ്സ് വിജയലക്ഷ്യം മറികടന്നത്. കൂപ്പര് കോണോലിക്ക് പുറമെ 24 പന്തില് 37 റണ്സെടുത്ത പ്രഭ്സിമ്രാന് സിങും പഞ്ചാബിനായി ഭേദപ്പെട്ട പ്രകടനം പുറത്തെടുത്തു. മറ്റ് ബാറ്റര്മാര് നിരാശപ്പെടുത്തി.
ഗുജറാത്ത് ബാറ്റര്മാരില് ഒരാള്ക്ക് പോലും അര്ധ ശതകം നേടാനായില്ല. 27 പന്തില് 39 റണ്സെടുത്ത ക്യാപ്റ്റന് ശുഭ്മാന് ഗില്ലാണ് ടോപ് സ്കോറര്. പഞ്ചാബിനായി വിജയ്കുമാര് വൈശാഖ് മൂന്നു വിക്കറ്റ് വീഴ്ത്തി.
