മത്സരത്തിനിടെ കുഴഞ്ഞുവീണ്, കെവിൻ കാസ്ട്രോ 25-ാം വയസിൽ അ‌ന്തരിച്ചു; ജീസസ് ഈസ് കിങ് എന്ന് അ‌വസാന സ്റ്റാറ്റസ്!

Quevin Castro Dies At 25 After Collapsing During Friendly Match

ലിസ്ബൺ: ഫുട്ബോൾ ലോകത്തെയാകെ കണ്ണീരിലാഴ്ത്തിക്കൊണ്ട്, പോർച്ചുഗീസ് ഫുട്ബോൾ താരം കെവിൻ കാസ്ട്രോ (Quevin Castro – 25) കളിക്കിടെ കുഴഞ്ഞുവീണ് മരിച്ചു. പോർച്ചുഗലിലെ ലിസ്ബണിൽ റയൽ സ്പോർട്ട് ക്ലബ്ബും എസ്ട്രെല ഡ അമാഡോറയും തമ്മിൽ നടന്ന സൗഹൃദ മത്സരത്തിനിടെയാണ് ദാരുണമായ സംഭവം നടന്നത്. ഇംഗ്ലീഷ് ക്ലബ്ബായ വെസ്റ്റ് ബ്രോംവിച്ച് ആൽബിയന്റെ മുൻ മധ്യനിര താരമായിരുന്നു കാസ്ട്രോ. മറ്റ് നിരവധി ക്ലബ്ബുകൾക്കായും കളിച്ചിട്ടുണ്ട്. ഈ സീസണിലാണ് അദ്ദേഹം പോർച്ചുഗലിലേക്ക് മടങ്ങിയെത്തി റയൽ സ്പോർട്ട് ക്ലബ്ബിൽ ചേർന്നത്. ലിസ്ബൺ ഫുട്ബോൾ അസോസിയേഷനും ക്ലബ്ബും താരത്തിന്റെ വിയോഗ വാർത്ത ഔദ്യോഗികമായി സ്ഥിരീകരിച്ചു.

വിവിധ ക്ലബ്ബുകൾക്കായി കളിച്ചിട്ടുള്ള കെവിൻ കാസ്ട്രോ ഒടുവിൽ യാദൃശ്ചികമായി തന്റെ സ്വന്തം രാജ്യത്തെ ക്ലബ്ബിലേക്ക് തിരിച്ചെത്തിയെങ്കിലും മരണം അ‌ദ്ദേഹത്തെ കളിക്കളത്തിൽ നിന്നും കൂട്ടിക്കൊണ്ട് പോയത് സഹതാരങ്ങളെ അ‌തീവ ദുഖത്തിലാഴ്ത്തിയിരിക്കുകയാണ്. കഴിഞ്ഞ ദിവസം തന്റെ ഇൻസ്റ്റഗ്രാം അ‌ക്കൗണ്ടിൽ കെവിൻ പോസ്റ്റ് ചെയ്ത ജീസസ് ഈസ് കിങ് എന്ന സ്റ്റോറി അ‌ദ്ദേഹത്തിന്റെ അ‌വസാന സ്റ്റോറിയായി മാറി. ഇതും അ‌ദ്ദേഹത്തിന്റെ ആരാധകരെ ദുഃഖത്തിലാഴ്ത്തുന്നു.

ALSO READ: ആ ബസ്റ്റ്! ഇത്തവണയും കപ്പ് അടിച്ചത് തന്നെ! മാഞ്ചസ്റ്റർ യുണൈറ്റഡിനെ തകർത്ത് ഹൾ സിറ്റി

പോർച്ചുഗീസ് ഫോർത്ത് ഡിവിഷൻ ക്ലബ്ബായ റയൽ സ്പോർട് ക്ലബ്ബിന്റെ താരമാണ് ഇപ്പോൾ കെവിൻ കാസ്ട്രോ. ടോപ്പ് ഡിവിഷൻ ടീമായ എസ്ട്രെല ഡാ അമാഡോറയ്‌ക്കെതിരെ സൗഹൃദ മത്സരം കളിക്കുന്നതിനിടെ, മത്സരം തുടങ്ങി ഏതാനും മിനിറ്റുകൾക്കകം കെവിൻ കാസ്ട്രോയ്ക്ക് പെട്ടെന്ന് ശാരീരിക അസ്വസ്ഥത അനുഭവപ്പെടുകയും കളിക്കളത്തിൽ കുഴഞ്ഞുവീഴുകയുമായിരുന്നു.

Quevin Castro Dies At 25

ഉടൻതന്നെ വൈദ്യസംഘം ഡിഫൈബ്രിലേറ്റർ ഉപയോഗിച്ച് പ്രാഥമിക ചികിത്സ നൽകുകയും തുടർന്ന് ആശുപത്രിയിലേക്ക് മാറ്റുകയും ചെയ്തെങ്കിലും ജീവൻ രക്ഷിക്കാനായില്ല. 2021-ൽ വെസ്റ്റ് ബ്രോം അക്കാദമിയിലൂടെ ഉയർന്നുവന്ന കെവിൻ കാസ്ട്രോ ആഴ്സണലിനെതിരെയുള്ള ലീഗ് കപ്പ് മത്സരത്തിലൂടെയാണ് സീനിയർ ടീമിൽ അരങ്ങേറിയത്. പിന്നീട് ബർട്ടൺ ആൽബിയൻ, നോട്സ് കൗണ്ടി, ഗേറ്റ്സ്ഹെഡ് തുടങ്ങിയ ക്ലബ്ബുകൾക്കായും ലോണിൽ കളിച്ചിട്ടുണ്ട്.

തന്റെ കരിയറിന്റെ ഭൂരിഭാഗവും ഇംഗ്ലണ്ടിലാണ് കാസ്ട്രോ ചെലവഴിച്ചത്. വെസ്റ്റ് ബ്രോംവിച്ച് ആൽബിയോൺ, നോട്സ് കൗണ്ടി എന്നിവയ്ക്ക് പുറമേ, ചെൽസിയുടെ അണ്ടർ-23 ടീം തുടങ്ങിയ പ്രമുഖ ക്ലബ്ബുകൾക്കായി അദ്ദേഹം ബൂട്ടണിഞ്ഞിട്ടുണ്ട്. ഈ സീസണിലാണ് അദ്ദേഹം പോർച്ചുഗലിലേക്ക് മടങ്ങിയെത്തി റയൽ സ്പോർട്ട് ക്ലബ്ബിൽ ചേർന്നത്.

Portuguese Footballer Quevin Castro

തങ്ങളുടെ മുൻ താരത്തിന്റെ പെട്ടെന്നുള്ള വേർപാടിൽ വെസ്റ്റ് ബ്രോം ക്ലബ്ബ് കടുത്ത ദുഃഖം രേഖപ്പെടുത്തി. ബേൺലിക്കെതിരെ നടക്കാനിരിക്കുന്ന അടുത്ത മത്സരത്തിൽ കറുത്ത ബാഡ്ജ് ധരിച്ച് താരത്തിന് ആദരമർപ്പിക്കുമെന്ന് വെസ്റ്റ് ബ്രോം അധികൃതർ അറിയിച്ചു. കാസ്ട്രോയുടെ മരണത്തിൽ റയൽ സ്പോർട്ട് ക്ലബ്ബും ഗാഢമായ ദുഃഖവും അനുശോചനവും രേഖപ്പെടുത്തി. തങ്ങളുടെ ക്ലബ്ബ് കുടുംബത്തിലെ ഒഴിവാക്കാനാവാത്ത ഒരംഗമായിരുന്നു കാസ്ട്രോയെന്നും അദ്ദേഹത്തിന്റെ വേർപാട് വലിയൊരു നഷ്ടമാണെന്നും ക്ലബ്ബ് ഔദ്യോഗിക പ്രസ്താവനയിലൂടെ വ്യക്തമാക്കി.

English Summary

Portuguese footballer Quevin Castro (25) has died after collapsing during a match. The tragic incident took place during a friendly match between Real Sport Club and Estrela da Amadora in Lisbon, Portugal. Castro was a former midfielder for English club West Bromwich Albion. He has also played for several other clubs. He returned to Portugal this season and joined Real Sport Club.