Suryakumar Yadav to lead T20I: സൂര്യകുമാർ യാദവ് ടി20 ടീമിനെ നയിക്കും

ന്യൂഡൽഹി: ശ്രീലങ്കയ്‌ക്കെതിരായ ടി20 പരമ്പരയിലെ ഇന്ത്യൻ ക്രിക്കറ്റ് ടീമിനെ സൂര്യകുമാർ യാദവ് നയിക്കും. തുടർന്നുള്ള ഏകദിന പരമ്പരയിലും രോഹിത് ശർമ്മയുടെ കയ്യിലാകും കടിഞ്ഞാൺ. ജൂലായ് 27 മുതൽ മൂന്ന് ടി20യും മൂന്ന് ഏകദിന പരമ്പരയുമാണ് ഇന്ത്യ കളിക്കുക. അവിടെ നിന്നാകും പുതുതായി നിയമിതനായ ഗൗതം ഗംഭീർ മുഖ്യ പരിശീലകനായി ജോലി ആരംഭിക്കുക. കഴിഞ്ഞ മാസം ടീമിനെ ലോകകപ്പ് വിജയത്തിലേക്ക് നയിച്ചതിന് ശേഷം രോഹിത് ശർമ്മ ടി20 യിൽ നിന്ന് വിരമിച്ചതോടെ, ഹാർദിക് പാണ്ഡ്യയും യാദവുമായിരുന്നു ക്യാപ്റ്റനാകാനുള്ള മുൻനിരക്കാർ.

ALSO READ: ശ്രീലങ്കയ്ക്കെതിരായ ഏകദിന ടീമിനെ രോഹിത് തന്നെ നയിക്കും; കോലിക്കും ബുംറയ്ക്കും വിശ്രമം

രാഹുൽ ദ്രാവിഡിൻ്റെ പരിശീലകനായിരുന്ന സമയത്ത് ടീമിൻ്റെ വൈസ് ക്യാപ്റ്റൻ പാണ്ഡ്യയായതിനാൽ, അദ്ദേഹം പോൾ പൊസിഷനിൽ എത്തുമെന്നാണ് ആദ്യം കരുതിയിരുന്നത്. എന്നാൽ, അദ്ദേഹത്തിന് ഫിറ്റ്‌നസ് സംബന്ധമായ വിഷയത്തിൽ ഈ സ്ഥാനത്തേക്ക് എത്താനായില്ല. ജൂലൈ 27നാണ് ആദ്യ ടി20 മത്സരം. 28, 30, ഓഗസ്റ്റ് 2, 4 തീയതികളിലാണ് മറ്റ് മത്സരങ്ങൾ നടക്കുന്നത്. ഏകദിന മത്സരങ്ങൾ ഓ​ഗസ്റ്റ് 2, 4, 7 തീയതികളിലും നടക്കും. മലയാളി താരം സഞ്ജു സാംസൺ ടി20 പോരാട്ടത്തിനുള്ള ടീമിൽ ഇടമുണ്ട്. ശ്രേയസ് അയ്യർ ഏകദിന ടീമിൽ തിരിച്ചെത്തി എന്നത് മറ്റൊരു പ്രത്യേകത.

ടി20 ഐ ടീം

സൂര്യകുമാർ യാദവ് (സി), ശുഭ്മാൻ ഗിൽ (വിസി), യശസ്വി ജയ്‌സ്വാൾ, റിങ്കു സിംഗ്, റിയാൻ പരാഗ്, റിഷഭ് പന്ത് (ഡബ്ല്യുകെ), സഞ്ജു സാംസൺ (ഡബ്ല്യുകെ), ഹാർദിക് പാണ്ഡ്യ, ശിവം ദുബെ, അക്സർ പട്ടേൽ, വാഷിംഗ്ടൺ സുന്ദർ, രവി ബിഷ്ണോയി , അർഷ്ദീപ് സിംഗ്, ഖലീൽ അഹമ്മദ്, മൊഹമ്മദ്. സിറാജ്.ഏകദിന ടീം: രോഹിത് ശർമ്മ (സി), ഹബ്മാൻ ഗിൽ (വിസി), വിരാട് കോഹ്‌ലി, കെഎൽ രാഹുൽ (ഡബ്ല്യുകെ), ഋഷഭ് പന്ത് (ഡബ്ല്യുകെ), ശ്രേയസ് അയ്യർ, ശിവം ദുബെ, കുൽദീപ് യാദവ്, മൊഹമ്മദ്. സിറാജ്, വാഷിംഗ്ടൺ സുന്ദർ, അർഷ്ദീപ് സിംഗ്, റിയാൻ പരാഗ്, അക്സർ പട്ടേൽ, ഖലീൽ അഹമ്മദ്, ഹർഷിത് റാണ.