Kerala Blasters: പീറ്റര് ഹാര്ട്ട്ലി കേരള ബ്ലാസ്റ്റേഴ്സിലേക്ക്? സഹപരിശീലകനായേക്കും
Kerala Blasters New Assistant Coach: പീറ്റര് ഹാര്ട്ട്ലി കേരള ബ്ലാസ്റ്റേഴ്സിന്റെ സഹപരിശീലകനായേക്കുമെന്ന് അഭ്യൂഹം. ഇക്കാര്യത്തില് ഔദ്യോഗിക പ്രഖ്യാപനം ഉടനുണ്ടായേക്കും. ഇംഗ്ലണ്ടുകാരനായ ഈ 38-കാരന് 2020 മുതല് 2023 വരെ ജംഷെദ്പുര് താരമായിരുന്നു. ഈ സീസണില് വളരെ മോശം പ്രകടനമാണ് ബ്ലാസ്റ്റേഴ്സ് പുറത്തെടുക്കുന്നത്.
Peter Hartley Kerala Blasters: മുന് ജംഷെദ്പുര് എഫ്സി താരം പീറ്റര് ഹാര്ട്ട്ലി കേരള ബ്ലാസ്റ്റേഴ്സിന്റെ സഹപരിശീലകനായേക്കുമെന്ന് അഭ്യൂഹം. ഇക്കാര്യത്തില് ഔദ്യോഗിക പ്രഖ്യാപനം ഉടനുണ്ടായേക്കും. ഇംഗ്ലണ്ടുകാരനായ ഈ 38-കാരന് 2020 മുതല് 2023 വരെ ജംഷെദ്പുര് താരമായിരുന്നു. 2000-ല് സന്ഡര്ലാന്ഡിലൂടെയാണ് അദ്ദേഹം യൂത്ത് കരിയര് ആരംഭിച്ചത്.
2006-ല് സന്ഡര്ലാന്ഡിന്റെ സീനിയര് ടീമിലെത്തി. ചെസ്റ്റര്ഫീല്ഡ്, ഹാര്ട്ട്ലെപൂള്, സ്റ്റീവനേജ്, പ്ലൈമാത്ത് ആര്ഗൈല്, ബ്രിസ്റ്റല് റോവേഴ്സ്, ബ്ലാക്ക്പൂള്, മദര്വെല് തുടങ്ങിയ ക്ലബുകള്ക്കു വേണ്ടിയും കളിച്ചിട്ടുണ്ട്. 2023-ല് ജംഷെദ്പുര് വിട്ടതിന് ശേഷം അദ്ദേഹം ഹാര്ട്ട്ലെപൂളിലേക്ക് മടങ്ങി. 2023ല് ഇന്റര് കാശി താരമായി വീണ്ടും ഇന്ത്യയിലേക്ക് മടങ്ങിയെത്തി. 2024-ലാണ് അദ്ദേഹം ആദ്യമായി സഹപരിശീലകനാകുന്നത്. 2024 മുതല് സെന്റ് മിറെന് എഫ്സി ബിയുടെ സഹപരിശീലകനായിരുന്നു.
ഐഎസ്എല്ലിലെ ഈ സീസണില് വളരെ മോശം പ്രകടനമാണ് ബ്ലാസ്റ്റേഴ്സ് പുറത്തെടുക്കുന്നത്. കളിച്ച ഏഴു മത്സരങ്ങളില് ആറിലും തോറ്റ കേരള ബ്ലാസ്റ്റേഴ്സ് 13-ാം സ്ഥാനത്താണ്. മോശം പ്രകടനത്തില് പ്രതിഷേധിച്ച് ആരാധക്കൂട്ടായ്മയായ മഞ്ഞപ്പട ബ്ലാസ്റ്റേഴ്സിന്റെ മത്സരങ്ങള് ബഹിഷ്കരിച്ചിരുന്നു. മോശം പ്രകടനത്തെ തുടര്ന്ന് പരിശീലകന് ഡേവിഡ് കാറ്റാലയെ നീക്കിയ ബ്ലാസ്റ്റേഴ്സ്, ആഷ്ലി വെസ്റ്റ്വുഡിനെ കോച്ചായി നിയമിച്ചിരുന്നു.
