സെൽഫി കലക്കും! 50MP അൾട്രാ-വൈഡ് ഫ്രണ്ട് ക്യാമറയുമായി ഓപ്പോ F35 5G ഇന്ത്യയിൽ ലോഞ്ച് ചെയ്തു
Oppo F35 5G launched in India: എഫ്35 സീരീസിന് തുടക്കം കുറിച്ചുകൊണ്ട് രണ്ട് സ്മാർട്ട്ഫോണുകൾ ഓപ്പോ ഇന്ത്യയിൽ അ‌വതരിപ്പിച്ചു. ഓപ്പോ എഫ്35 5ജി, ഓപ്പോ എഫ്35 പ്രോ എന്നിവയാണ് അ‌വ. ഓപ്പോ F35 5ജിയുടെ 6GB + 128GB വേരിയന്റിന് 38,999 രൂപയും 8GB + 128GB വേരിയന്റിന് 42,999 രൂപയും ആണ് വില. ലോഞ്ച് ഓഫറിന്റെ ഭാഗമായി 10% ഇൻസ്റ്റന്റ് ക്യാഷ്ബാക്ക് അ‌ടക്കമുള്ള ഓഫറുകൾ ലഭ്യമാണ്.
ഓപ്പോ F35 5ജി ഇന്ത്യയിൽ ലോഞ്ച് ചെയ്തു. തങ്ങളുടെ എഫ് 33 സീരീസിന്റെ പിൻഗാമിയായി പുതിയ എഫ്35 സീരീസിന് തുടക്കം കുറിച്ചുകൊണ്ട് രണ്ട് സ്മാർട്ട്ഫോണുകളാണ് ഓപ്പോ ഇന്ത്യയിൽ അ‌വതരിപ്പിച്ചത്. എഫ്35ന് പുറമേ ഓപ്പോ എഫ്35 പ്രോ ആണ് ഈ സീരീസിൽ എത്തിയ രണ്ടാമത്തെ മോഡൽ. ഡിസ്പ്ലേ വലിപ്പം, റിയർ ക്യാമറ, പ്രോസസർ എന്നീ ഫീച്ചറുകളിൽ ഈ രണ്ട് ഫോണുകളും വ്യത്യാസപ്പെട്ടിരിക്കുന്നു. എന്നാൽ രണ്ട് മോഡലുകളിലും 8000mAh ബാറ്ററിയും 50MP അൾട്രാ-വൈഡ് ഫ്രണ്ട് ക്യാമറയും ഉണ്ട് എന്നത് ശ്രദ്ധേയമാണ്. രണ്ട് മോഡലുകളിലും ഈ ഫീച്ചർ ഉൾപ്പെട്ടത് ശരിക്കും ഗുണം ചെയ്യുക എഫ്35 മോഡൽ വാങ്ങുന്നവർക്ക് തന്നെ. കാരണം കുറഞ്ഞ വിലയിൽ കൂടിയ ഫീച്ചറുകൾ ലഭ്യമാകും.
ഓപ്പോ F35 5ജിയുടെ പ്രധാന ഫീച്ചറുകൾ
6.57 ഇഞ്ച് (2372 x 1080 പിക്സൽ) FHD+ 120Hz AMOLED സ്ക്രീൻ, 1400 നിറ്റ്സ് വരെ പീക്ക് ബ്രൈറ്റ്‌നസ്, 100% DCI-P3 കളർ ഗാമറ്റ്, 2160Hz വരെ ഹൈ-ഫ്രീക്വൻസി PWM ഡിമ്മിംഗ് എന്നിവയാണ് ഡിസ്പ്ലേയുമായി ബന്ധപ്പെട്ട പ്രധാന ഫീച്ചറുകൾ.
Also Raed: ഇതിലും മികച്ച ഡിസ്കൗണ്ട് വേറെ കണ്ടാരുന്നോ; സാംസങ് ഗാലക്സി S25 അ‌ൾട്ര ഗ്രേറ്റ് ഇന്ത്യൻ ഫെസ്റ്റിവൽ ഡീൽ
ഒക്ടാ-കോർ മീഡിയടെക് ഡൈമൻസിറ്റി 6360 മാക്സ് 6nm പ്രോസസർ (2x Cortex-A76 @ 2.4GHz, 6x Cortex-A55 @ 2GHz) ആണ് ഈ ഓപ്പോ ഫോണിന്റെ കരുത്ത്. ഒപ്പം ആം മാലി G57 MC2 GPU, 6GB / 8GB LPDDR4X റാം, 128GB UFS 2.2 സ്റ്റോറേജ്, മൈക്രോ എസ്ഡി വഴി സ്റ്റോറേജ് വർധിപ്പിക്കാനുള്ള സൗകര്യം എന്നിവയും ഉണ്ട്.
ഇതിന്റെ റിയർ ക്യാമറ സജ്ജീകരണത്തിൽ 50MP മെയിൻ ക്യാമറ (f/1.9 അപ്പേർച്ചർ), 2MP സെക്കൻഡറി മോണോക്രോം ക്യാമറ (f/2.4 അപ്പേർച്ചർ), LED ഫ്ലാഷ്, 2.5K 30fps വീഡിയോ റെക്കോർഡിംഗ് പിന്തുണ (OTA അപ്‌ഡേറ്റ് വഴി) എന്നിവ അ‌ടങ്ങുന്നു. സെൽഫിക്കും മറ്റുമായി 0MP ഓട്ടോഫോക്കസ് ഫ്രണ്ട് ക്യാമറ (100° FoV, f/2.1 അപ്പേർച്ചർ) ഉണ്ട് എന്നതാണ് ഏറ്റവും ശ്രദ്ധേയം.
ആൻഡ്രോയിഡ് 16 അ‌ടിസ്ഥാനമാക്കിയുള്ള കളർഒഎസ് 16.0-ൽ ആണ് പ്രവർത്തനം. ഇൻ-ഡിസ്പ്ലേ ഒപ്റ്റിക്കൽ ഫിംഗർപ്രിന്റ് സെൻസർ, ഇൻഫ്രാറെഡ് സെൻസർ, മിലിട്ടറി-ഗ്രേഡ് ഡ്യൂറബിലിറ്റി (MIL-STD-810H), IP66 + IP68 + IP69 + IP69K റേറ്റിങ്, USB Type-C ഓഡിയോ, സ്റ്റീരിയോ സ്പീക്കറുകൾ, Hi-Res ഓഡിയോ എന്നിവയും ഉണ്ട്.
ഹൈബ്രിഡ് ഡ്യുവൽ സിം (നാനോ + നാനോ / microSD), 5G SA/NSA, ഡ്യുവൽ 4G VoLTE, USB Type-C 2.0. 80W SuperVOOC ഫാസ്റ്റ് ചാർജിംഗുള്ള 8000mAh ബാറ്ററി എന്നിവയാണ് മറ്റ് പ്രധാന ഫീച്ചറുകൾ. വേവ് ബ്ലൂ, ടൈറ്റാനിയം ഗ്രേ, മിസ്റ്റ് പിങ്ക് എന്നീ കളർ ഓപ്ഷനുകളിലാണ് ഇത് എത്തിയിരിക്കുന്നത്. 159.1 × 75.81 × 8.8mm വലിപ്പവും 205 ഗ്രാം ഭാരവും ഈ ഫോണിനുണ്ട്.
വിലയും ലഭ്യതയും
ഓപ്പോ F35 5ജിയുടെ 6GB + 128GB വേരിയന്റിന് 38,999 രൂപയും 8GB + 128GB വേരിയന്റിന് 42,999 രൂപയും ആണ് വില. ലോഞ്ച് ഓഫറിന്റെ ഭാഗമായി 10% ഇൻസ്റ്റന്റ് ക്യാഷ്ബാക്ക് അ‌ടക്കമുള്ള ഓഫറുകൾ ലഭ്യമാണ്. ആമസോൺ, ഫ്ലിപ്പ്കാർട്ട്, ഓപ്പോ ഇന്ത്യ ഇ-സ്റ്റോർ, ഓഫ്‌ലൈൻ റീട്ടെയിൽ ഔട്ട്‌ലെറ്റുകൾ എന്നിവ വഴി ഒക്ടോബർ 11 മുതൽ ഇതിന്റെ വിൽപ്പന ആരംഭിക്കും.
English Summary
The Oppo F35 5G has been launched in India. The 6GB + 128GB variant is priced at Rs. 38,999, while the 8GB + 128GB variant costs Rs. 42,999. Launch offers include a 10% instant cashback. Sales will begin on October 11 via Amazon, Flipkart, the Oppo India e-store, and offline retail outlets.
