UAE School Spring Break 2026: യുഎഇയിൽ അവധിക്ക് തുടക്കം; സ്കൂളുകൾക്കും സർവകലാശാലകൾക്കും ഇന്ന് മുതൽ അവധി
UAE School Spring Break 2026 Starts Today : അവധി നേരത്തെ പ്രഖ്യാപിച്ചത് പ്രവാസി കുടുംബങ്ങൾക്ക് തങ്ങളുടെ യാത്രാ പ്ലാനുകൾ മുൻകൂട്ടി ക്രമീകരിക്കാൻ വലിയ സഹായകമായിട്ടുണ്ട്.
Holiday
ദുബായ്: യുഎഇയിലെ വിദ്യാഭ്യാസ സ്ഥാപനങ്ങളിൽ ഇന്നുമുതൽ വസന്തകാല അവധി ആരംഭിച്ചു. മേഖലയിലെ നിലവിലെ ആഗോള പ്രതിസന്ധികളും സുരക്ഷാ മുൻകരുതലുകളും കണക്കിലെടുത്ത് മുൻ നിശ്ചയിച്ച തീയതികളിൽ മാറ്റം വരുത്തിയാണ് അധികൃതർ അവധി പ്രഖ്യാപിച്ചത്. സുരക്ഷാ മുൻകരുതലുകളുടെ ഭാഗമായി മാർച്ച് 6 വരെ ക്ലാസുകൾ ഓൺലൈൻ രീതിയിലേക്ക് മാറ്റിയിരുന്നു.
നേരത്തെ മാർച്ച് 16 മുതൽ 29 വരെയായിരുന്നു വസന്തകാല അവധി നിശ്ചയിച്ചിരുന്നത്. എന്നാൽ വിദ്യാർത്ഥികളുടെ സുരക്ഷയ്ക്കും മാനസിക ഉല്ലാസത്തിനും മുൻഗണന നൽകിക്കൊണ്ട് ഒരാഴ്ച മുൻപേ അവധി ആരംഭിക്കാൻ അധികൃതർ തീരുമാനിക്കുകയായിരുന്നു. മാർച്ച് 9 തിങ്കളാഴ്ച മുതൽ മാർച്ച് 22 ഞായറാഴ്ച വരെയാണ് അവധിക്കാലം. മാർച്ച് 23 തിങ്കളാഴ്ച ക്ലാസുകൾ പുനരാരംഭിക്കും.
ALSO READ: ഇന്ത്യയില് നിന്ന് മടങ്ങിയ ഇറാന് കപ്പല് യുഎസ് മുക്കി; 87 മരണം
2025-ൽ നടപ്പിലാക്കിയ ഏകീകൃത സ്കൂൾ കലണ്ടർ അനുസരിച്ച് രാജ്യത്തെ എല്ലാ സ്കൂളുകൾക്കും ഒരേ സമയത്താണ് അവധി നൽകുന്നത്. അക്കാദമിക്, അഡ്മിനിസ്ട്രേറ്റീവ് ജീവനക്കാർക്കും ഈ അവധി ഒരുപോലെ ബാധകമാണ്.
പ്രവാസികൾക്ക് ആശ്വാസം
അവധി നേരത്തെ പ്രഖ്യാപിച്ചത് പ്രവാസി കുടുംബങ്ങൾക്ക് തങ്ങളുടെ യാത്രാ പ്ലാനുകൾ മുൻകൂട്ടി ക്രമീകരിക്കാൻ വലിയ സഹായകമായിട്ടുണ്ട്. യുഎഇ വിദ്യാഭ്യാസ, മനുഷ്യ വികസന, കമ്മ്യൂണിറ്റി വികസന കൗൺസിലാണ് പുതിയ തീരുമാനത്തിന് അംഗീകാരം നൽകിയത്.
മാർച്ച് 23-ന് ക്ലാസുകൾ പുനരാരംഭിക്കുമ്പോൾ സമയക്രമത്തിലോ രീതിയിലോ മാറ്റമുണ്ടോ എന്നറിയാൻ രക്ഷിതാക്കൾ സ്കൂളുകളിൽ നിന്നുള്ള ഔദ്യോഗിക അറിയിപ്പുകൾ ശ്രദ്ധിക്കണമെന്നും അധികൃതർ നിർദ്ദേശിച്ചു.
