8th Pay Commission: എട്ടാം ശമ്പള കമ്മീഷൻ വൈകിയാൽ ജീവനക്കാർക്ക് എത്ര നഷ്ടം? കണക്കുകൾ ഇങ്ങനെ
8th Pay Commission Salary Hike Delay Could Affect Employee Allowances: എട്ടാം ശമ്പള കമ്മീഷന്റെ പരിഷ്‌കരിച്ച അടിസ്ഥാന ശമ്പളം 2026 ജനുവരി 1 മുതല്‍ പ്രാബല്യത്തില്‍ വരുമെന്നാണ് നിലവിലെ പ്രതീക്ഷ. അതിനാല്‍ വിജ്ഞാപനം വൈകിയാലും ഈ കാലയളവിലെ കുടിശിക ലഭിക്കുമെന്ന ചര്‍ച്ചയുണ്ട്. എന്നാല്‍ മുന്‍ ശമ്പള കമ്മീഷനുകളുടെ രീതിയനുസരിച്ച് കുടിശിക പ്രധാനമായും അടിസ്ഥാന ശമ്പളത്തെ അടിസ്ഥാനമാക്കിയായിരിക്കും കണക്കാക്കുക.
രാജ്യത്തെ അഞ്ച് കോടിയിലധികം കേന്ദ്ര സര്‍ക്കാര്‍ ജീവനക്കാര്‍ പ്രതീക്ഷയോടെ കാത്തിരിക്കുന്നതാണ് എട്ടാം ശമ്പള കമ്മീഷന്‍. കമ്മീഷന്‍ നിശ്ചിത 18 മാസത്തിനുള്ളില്‍ റിപ്പോര്‍ട്ട് സമര്‍പ്പിക്കുമെന്നാണ് പ്രതീക്ഷ. എന്നാല്‍ റിപ്പോര്‍ട്ട് ലഭിച്ച ശേഷമുള്ള പരിശോധന, സര്‍ക്കാര്‍ തീരുമാനം, പുതിയ ശമ്പള ഘടന സംബന്ധിച്ച വിജ്ഞാപനം എന്നിവയ്ക്കും മാസങ്ങള്‍ വേണ്ടിവന്നേക്കാം. ഇതോടെ ശമ്പള പരിഷ്‌കരണത്തിനൊപ്പം ലഭിക്കേണ്ട ആനുകൂല്യങ്ങളിലും കാലതാമസം ഉണ്ടാകാന്‍ സാധ്യതയുണ്ട്.
എട്ടാം ശമ്പള കമ്മീഷന്റെ പരിഷ്‌കരിച്ച അടിസ്ഥാന ശമ്പളം 2026 ജനുവരി 1 മുതല്‍ പ്രാബല്യത്തില്‍ വരുമെന്നാണ് നിലവിലെ പ്രതീക്ഷ. അതിനാല്‍ വിജ്ഞാപനം വൈകിയാലും ഈ കാലയളവിലെ കുടിശിക ലഭിക്കുമെന്ന ചര്‍ച്ചയുണ്ട്. എന്നാല്‍ മുന്‍ ശമ്പള കമ്മീഷനുകളുടെ രീതിയനുസരിച്ച് കുടിശിക പ്രധാനമായും അടിസ്ഥാന ശമ്പളത്തെ അടിസ്ഥാനമാക്കിയായിരിക്കും കണക്കാക്കുക.
അലവന്‍സുകളില്‍ എന്ത് സംഭവിക്കും?
അടിസ്ഥാന ശമ്പള പരിഷ്‌കരണം വൈകുന്നതോടെ ഡിഎ, എച്ച്ആര്‍എ, യാത്ര അലവന്‍സ് തുടങ്ങിയ ആനുകൂല്യങ്ങളിലും വ്യത്യാസമുണ്ടാകാം. വിജ്ഞാപനം വൈകുന്ന കാലയളവിലേക്ക് ഈ അലവന്‍സുകളുടെ പുതുക്കിയ നിരക്കിലുള്ള മുഴുവന്‍ തുകയും നേരിട്ട് കുടിശികയായി ലഭിക്കണമെന്നില്ല.
ലെവല്‍ 7 ജീവനക്കാരന് എത്ര വ്യത്യാസം?
നിലവില്‍ ലെവല്‍ 7 ജീവനക്കാരന്റെ അടിസ്ഥാന ശമ്പളം 44,900 ആണ്. 2.1 എന്ന ഫിറ്റ്‌മെന്റ് ഘടകം ബാധകമാകുമെന്ന് കരുതിയാല്‍ പരിഷ്‌കരിച്ച അടിസ്ഥാന ശമ്പളം ഏകദേശം 94,290 ആയി ഉയരാം. അതായത് അടിസ്ഥാന ശമ്പളത്തില്‍ ഏകദേശം 49,390യുടെ വര്‍ധനയുണ്ടാകുമെന്നാണ് കണക്ക്. നിലവിലെ 24 ശതമാനം എച്ച്ആര്‍എ നിരക്ക് പരിഗണിച്ചാല്‍ 44,900 അടിസ്ഥാന ശമ്പളത്തിന് ഏകദേശം 10,776 എച്ച്.ആര്‍.എ ലഭിക്കും. 2.1 ഫിറ്റ്‌മെന്റ് ഘടകം പ്രകാരം അടിസ്ഥാന ശമ്പളം പരിഷ്‌കരിച്ചാല്‍ ഇത് ഏകദേശം 22,630 ആയി ഉയരാം. അതുപോലെ നിലവിലെ 3,600 യാത്രാ അലവന്‍സ് പരിഷ്‌കരിച്ചാല്‍ ഏകദേശം 7,560 ആയി ഉയരുമെന്നാണ് കണക്കാക്കുന്നത്.
Also Read: 8th Pay Commission: പ്രതിമാസം 68,000 രൂപ വരെ പെൻഷൻ? വിരമിക്കുമ്പോൾ സർക്കാർ ജീവനക്കാർക്ക് വൻ നേട്ടം
2027ലോ 2028ലോ നടപ്പാക്കിയാല്‍?
എട്ടാം ശമ്പള കമ്മീഷന്‍ 2027 മെയ്, 2027 ഓഗസ്റ്റ്, 2028 ജനുവരി തുടങ്ങിയ സമയങ്ങളില്‍ നടപ്പാക്കുകയാണെങ്കില്‍ യഥാക്രമം 17, 20, 25 മാസത്തോളം കാലതാമസം ഉണ്ടാകാം. നിലവിലെ ചില കണക്കുകൂട്ടലുകള്‍ പ്രകാരം, ഇത്തരമൊരു കാലതാമസം അലവന്‍സുകളില്‍ ലഭിക്കേണ്ട വര്‍ധനയെ ബാധിച്ചേക്കാം. ചില അനുമാനങ്ങളില്‍ ഈ വ്യത്യാസം ഏകദേശം 3.32 ലക്ഷം വരെ എത്താമെന്നും കണക്കാക്കുന്നു.
എന്നാല്‍ ഈ കണക്കുകള്‍ അനുമാനങ്ങള്‍ മാത്രമാണ്. എട്ടാം ശമ്പള കമ്മീഷന്റെ അന്തിമ ഫിറ്റ്‌മെന്റ് ഘടകം, പുതിയ ശമ്പള സ്‌കെയില്‍, എച്ച്ആര്‍എ, യാത്രാ അലവന്‍സ് നിരക്കുകള്‍, ഔദ്യോഗികമായി പരിഷ്‌കരണം നടപ്പാക്കുന്ന തീയതി എന്നിവ പ്രഖ്യാപിച്ച ശേഷമേ ജീവനക്കാര്‍ക്ക് ഉണ്ടാകുന്ന യഥാര്‍ഥ സാമ്പത്തിക വ്യത്യാസം വ്യക്തമാകൂ.
English Summary
The delay in implementing the 8th Pay Commission could affect the revised allowances of central government employees. An estimated calculation shows how the financial difference could vary depending on the implementation date, fitment factor and revised allowance rates.
