8th Pay Commission: ദുര്‍ഗാപൂജയ്ക്ക് മുമ്പ് കേന്ദ്ര ജീവനക്കാർക്ക് ബോണസ്? 8ാം ശമ്പള കമ്മീഷന് മുന്നിൽ പുതിയ ആവശ്യം
Central Employees Seek Changes in Bonus Rules Before Durga Puja: ഏഴ് തപാല്‍ ജീവനക്കാരുടെ സംഘടനകളുടെ കൂട്ടായ്മയായ ജോയിന്റ് കൗണ്‍സില്‍ ഓഫ് പോസ്റ്റല്‍ എംപ്ലോയീസ് സെപ്റ്റംബര്‍ 26ന് തപാല്‍ വകുപ്പ് സെക്രട്ടറിക്ക് കത്ത് നല്‍കി. 2025-26 വര്‍ഷത്തെ ഉല്‍പ്പാദനക്ഷമതാ ബന്ധിത ബോണസ് ഒക്ടോബര്‍ 17നോ അതിന് മുമ്പോ വിതരണം ചെയ്യണമെന്നാണ് സംഘടന ആവശ്യപ്പെട്ടത്.
കേന്ദ്ര സര്‍ക്കാര്‍ ജീവനക്കാര്‍ക്ക് ഉത്സവകാലത്ത് ലഭിക്കുന്ന ഉല്‍പ്പാദനക്ഷമതാ ബന്ധിത ബോണസ് അഥവാ പ്രൊഡക്ടിവിറ്റി ലിങ്ക്ഡ് ബോണസ് സംബന്ധിച്ച് പുതിയ ആവശ്യം ശക്തമാകുന്നു. 2025-26 സാമ്പത്തിക വര്‍ഷത്തെ ബോണസ് ദുര്‍ഗാപൂജയ്ക്ക് മുമ്പ് തന്നെ വിതരണം ചെയ്യണമെന്നാണ് ജീവനക്കാരുടെ സംഘടനകള്‍ ആവശ്യപ്പെടുന്നത്. അതേസമയം, ബോണസ് കണക്കാക്കുന്നതിനുള്ള നിലവിലെ വേതന പരിധിയില്‍ മാറ്റം വരുത്തണമെന്ന ആവശ്യവും ഉയര്‍ന്നിട്ടുണ്ട്.
ദുര്‍ഗാപൂജയ്ക്ക് മുമ്പ് ബോണസ് വേണം
ഏഴ് തപാല്‍ ജീവനക്കാരുടെ സംഘടനകളുടെ കൂട്ടായ്മയായ ജോയിന്റ് കൗണ്‍സില്‍ ഓഫ് പോസ്റ്റല്‍ എംപ്ലോയീസ് സെപ്റ്റംബര്‍ 26ന് തപാല്‍ വകുപ്പ് സെക്രട്ടറിക്ക് കത്ത് നല്‍കി. 2025-26 വര്‍ഷത്തെ ഉല്‍പ്പാദനക്ഷമതാ ബന്ധിത ബോണസ് ഒക്ടോബര്‍ 17നോ അതിന് മുമ്പോ വിതരണം ചെയ്യണമെന്നാണ് സംഘടന ആവശ്യപ്പെട്ടത്.
ഈ വര്‍ഷം ഒക്ടോബര്‍ 17നാണ് ദുര്‍ഗാപൂജ ആരംഭിക്കുന്നത്. ഒക്ടോബര്‍ 21ന് ദസറയും നടക്കും. ഉത്സവകാലത്ത് ജീവനക്കാരുടെയും കുടുംബങ്ങളുടെയും ചെലവ് വര്‍ധിക്കുന്നതിനാല്‍ ബോണസ് നേരത്തെ ലഭിക്കുന്നത് സാമ്പത്തികമായി സഹായകരമാകുമെന്നാണ് സംഘടനയുടെ നിലപാട്. എന്നാല്‍ ഇത് നിലവില്‍ സര്‍ക്കാര്‍ പ്രഖ്യാപിച്ച ബോണസ് തീയതിയല്ല. 2025-26 വര്‍ഷത്തെ ബോണസ് വിതരണം സംബന്ധിച്ച് തപാല്‍ വകുപ്പ് ഔദ്യോഗിക ഉത്തരവ് ഇതുവരെ പുറപ്പെടുവിച്ചിട്ടില്ല.
Also Read: DA hike 2027: കേന്ദ്ര ജീവനക്കാര്‍ക്ക് വീണ്ടും ശമ്പള വര്‍ധന? ജനുവരി മുതല്‍ എത്ര രൂപ അധികം ലഭിക്കും
ബോണസ് കണക്കാക്കുന്ന പരിധിയില്‍ മാറ്റം വേണം
ബോണസ് നേരത്തെ നല്‍കണമെന്ന ആവശ്യത്തിന് പുറമെ, ബോണസ് കണക്കാക്കാന്‍ ഉപയോഗിക്കുന്ന വേതനപരിധി ഉയര്‍ത്തണമെന്ന ആവശ്യവും ജീവനക്കാരുടെ സംഘടനകള്‍ ഉന്നയിക്കുന്നു. നിലവിലെ വ്യവസ്ഥപ്രകാരം, അര്‍ഹനായ ജീവനക്കാരന്റെ പ്രതിമാസ വേതനം 7,000 രൂപയില്‍ കൂടുതലാണെങ്കില്‍ ബോണസ് കണക്കാക്കുന്നത് 7,000 രൂപയോ കേന്ദ്ര സര്‍ക്കാര്‍ നിശ്ചയിച്ച കുറഞ്ഞ വേതനമോ, ഇതില്‍ ഏതാണ് കൂടുതല്‍ അതിന്റെ അടിസ്ഥാനത്തിലാണ്.
എന്നാല്‍ കേന്ദ്ര സര്‍ക്കാരിന്റെ കുറഞ്ഞ വേതനം 21,000 രൂപയായ സാഹചര്യത്തില്‍ ബോണസ് കണക്കാക്കുന്നതിനുള്ള പരിധിയും 21,000 രൂപയായി ഉയര്‍ത്തണമെന്നാണ് നാഷണല്‍ കൗണ്‍സില്‍ ജോയിന്റ് കണ്‍സള്‍ട്ടേറ്റീവ് മെഷിനറിയുടെ സ്റ്റാഫ് സൈഡ് ആവശ്യപ്പെട്ടിരിക്കുന്നത്. ബോണസ് കണക്കാക്കുന്നതിനുള്ള പരിധി ഒഴിവാക്കുന്നതിന് പുറമെ, കുറഞ്ഞത് 30 ദിവസത്തെ വേതനത്തിന് തുല്യമായ ബോണസ് ഉറപ്പാക്കണമെന്നും ചില സംഘടനകള്‍ ആവശ്യപ്പെട്ടിട്ടുണ്ട്.
English Summary
Central government employees are seeking payment of the productivity-linked bonus before Durga Puja. Employee organisations have also raised demands for changes in the bonus calculation rules under the 8th Pay Commission.
