Kerala DA: ഡി എ കുടിശ്ശിക ഏപ്രിൽ ശമ്പളത്തോടൊപ്പം, അക്കൗണ്ടിൽ എത്ര കിട്ടും?
Kerala DA Arrears: ഫെഡറേഷൻ ഓഫ് ഓൾ കേരള യൂണിവേഴ്സിറ്റി എംപ്ലോയീസ് ഓർഗനൈസേഷൻസ് സംസ്ഥാന പ്രസിഡന്റ് എൻ. മഹേഷ് നൽകിയ ഹർജിയിലാണ് വിശദീകരണം. എട്ട് ഗഡുവായി കുടിശ്ശിക നൽകുമെന്ന് സർക്കാർ പ്രഖ്യാപിച്ചിട്ടും തുടർ നടപടിയുണ്ടായില്ലെന്നാരോപിച്ചായിരുന്നു കോടതിയെ സമീപിച്ചത്. ക്ഷാമബത്ത കുടിശ്ശികയുടെ ഒരു ഗഡുവെങ്കിലും മാർച്ച് 31നകം നൽകാനാകുമോ എന്നും കോടതി ചോദിച്ചു.
പ്രതീകാത്മക ചിത്രം
കൊച്ചി: സംസ്ഥാന സർക്കാർ ജീവനക്കാർക്ക് ആശ്വസിക്കാം. ഏപ്രിൽ മാസത്തെ ശമ്പളത്തിൽ ഡിഎ കുടിശ്ശികയും ഉൾപ്പെടുത്തിയേക്കും. ജീവനക്കാർക്കും അധ്യാപകർക്കും അനുവദിച്ച ഡി എയുടെ അവസാന ഗഡു ഏപ്രിൽ മാസത്തെ ശമ്പളത്തോടൊപ്പം നൽകുമെന്ന് സർക്കാർ ഹൈക്കോടതിയിൽ അറിയിച്ചു. കുടിശ്ശിക 2026 – 27 സാമ്പത്തിക വർഷം മുതൽ നൽകുമെന്ന് സർക്കാരിന് വേണ്ടി ഗവ. പ്ലീഡർ അറിയിച്ചു.
ഫെഡറേഷൻ ഓഫ് ഓൾ കേരള യൂണിവേഴ്സിറ്റി എംപ്ലോയീസ് ഓർഗനൈസേഷൻസ് സംസ്ഥാന പ്രസിഡന്റ് എൻ. മഹേഷ് നൽകിയ ഹർജിയിലാണ് വിശദീകരണം. എട്ട് ഗഡുവായി കുടിശ്ശിക നൽകുമെന്ന് സർക്കാർ പ്രഖ്യാപിച്ചിട്ടും തുടർ നടപടിയുണ്ടായില്ലെന്നാരോപിച്ചായിരുന്നു കോടതിയെ സമീപിച്ചത്.
അതേസമയം, ക്ഷാമബത്ത കുടിശ്ശികയുടെ ഒരു ഗഡുവെങ്കിലും മാർച്ച് 31നകം നൽകാനാകുമോ എന്നും കോടതി ചോദിച്ചു. ഇക്കാര്യത്തിൽ ബന്ധപ്പെട്ട വകുപ്പിന്റെ നിലപാട് തേടേണ്ടതുണ്ടെന്നും അതിന് വേണ്ടി സമയം അനുവദിക്കണമെന്നും ഗവ. പ്ലീഡർ പറഞ്ഞു. ഏപ്രിൽ എട്ടിന് ഹർജി വീട്ടും പരിഗണിക്കാൻ മാറ്റിയതായി ജസ്റ്റിസ് വിജു എബ്രഹാം അറിയിച്ചു.
