Gold Rate: പിന്നോട്ടില്ല… ചരിത്രവില തൊട്ട് സ്വർണം, ഇന്ന് ഒരു പവന് നൽകേണ്ടത് ഇത്രയും!

Kerala Gold, Silver Rate: ഒരു ദിവസം രണ്ട്, മൂന്ന് തവണ വരെ നിരക്കിൽ മാറ്റങ്ങൾ സംഭവിക്കുന്നുണ്ട്. ഇന്നലെയും രണ്ട് തവണയാണ് സ്വർണനിരക്ക് മാറിയത്. ജനുവരി 7ന് പവന് 1,02,280 നിരക്കിലായിരുന്നു വ്യാപാരം നടന്നത്.

Gold RateImage Credit source: Getty Images

Nithya Vinu | Updated On: 10 Jan 2026 | 09:38 AM

തിരുവനന്തപുരം: വന്നു, കൊതിപ്പിച്ചു, കടന്നുകളഞ്ഞു… ഇതാണ് സ്വർണത്തിന്റെ കാര്യത്തിൽ സംസ്ഥാനത്തെ സ്ഥിതി. വില കുറച്ച് സാധാരണക്കാരെ ആശ്വസിപ്പിച്ചെങ്കിലും പൊന്ന് വീണ്ടും മുന്നോട്ട് കുതിക്കുകയാണ്. ഒരു ദിവസം രണ്ട്, മൂന്ന് തവണ വരെ നിരക്കിൽ മാറ്റങ്ങൾ സംഭവിക്കുന്നുണ്ട്. ഇന്നലെയും രണ്ട് തവണയാണ് സ്വർണനിരക്ക് മാറിയത്. ജനുവരി 7ന് പവന് 1,02,280 നിരക്കിലായിരുന്നു വ്യാപാരം നടന്നത്. തൊട്ടടുത്ത ദിവസം വില 1,01,000ലേക്ക് താഴ്ന്നിരുന്നു. എന്നാൽ ഇന്നലെ വൈകിട്ട് വില വീണ്ടും 1,02,000 കടന്നു.

ഇപ്പോഴിതാ, സ്വർണം വീണ്ടും ചരിത്രവില മറി കടന്നിരിക്കുകയാണ്. ഇന്നലെ സംസ്ഥാനത്ത് സ്വർണവില പവന് 1,02,160 രൂപയും ഗ്രാമിന് 12,770 രൂപയുമായിരുന്നു. എന്നാൽ ഇന്ന് 840 രൂപയുടെ വർദ്ധനവാണ് രേഖപ്പെടുത്തിയത്. ഇതോടെ സംസ്ഥാനത്ത് ഒരു പവൻ സ്വർണവില 1,03,000 രൂപയായി ഉയർന്നു. ഒരു ഗ്രാമിന് 12,875 രൂപയാണ് നൽകേണ്ടത്.

വിപണി വില 1,03,000 രൂപയാണെങ്കിലും മൂന്ന് ശതമാനം ജിഎസ്ടിയും പണിക്കൂലിയും ഹാൾമാർക്കിങ് ചാർജും ചേരുമ്പോൾ വില വീണ്ടും മുന്നോട്ട് കുതിക്കും. വിവാഹ സീസണിലെ ഈ കുതിപ്പ് വലിയ ആശങ്ക സൃഷ്ടിക്കുന്നുണ്ട്. സ്വർണത്തോടൊപ്പം വെള്ളി വിലയും കുതിക്കുകയാണ്. ഇന്ന് കേരളത്തിൽ വെള്ളിയുടെ വില ഗ്രാമിന് 275 രൂപയും കിലോഗ്രാമിന് 2,75,000 രൂപയുമാണ്.

ALSO READ: സ്വര്‍ണം പറക്കും പുതുചരിത്രം പിറക്കും; 2026ല്‍ വില അല്‍പം കനത്തില്‍ തന്നെയാകും