FASTag Recharge: ടോയ്ലറ്റുകളിലെ വൃത്തിയില്ലായ്മ റിപ്പോർട്ട് ചെയ്യൂ, 1,000 രൂപയുടെ ഫാസ്ടാഗ് റീചാർജ് സമ്മാനം
NHAI FASTag Reward: 2025 ഒക്ടോബർ 31 വരെ രാജ്യത്തുടനീളമുള്ള എല്ലാ ദേശീയപാതകളിലും ഈ പദ്ധതി തുടരുമെന്ന് പിടിഐ റിപ്പോർട്ട് ചെയ്തു. ഒരേ സ്ഥലത്തുനിന്ന് ഒന്നിലധികം റിപ്പോർട്ടുകൾ ലഭിച്ചാൽ, 'ലഭിക്കുന്ന ആദ്യത്തെ റിപ്പോർട്ട് മാത്രമേ പരിഗണിക്കുകയുള്ളൂ.
FASTag
ഇന്ത്യയിലെ ദേശീയപാതകളിലെ ടോൾ പ്ലാസകളിലും മറ്റ് സൗകര്യകേന്ദ്രങ്ങളിലുമുള്ള പൊതുശൗചാലയങ്ങളിലെ ശുചിത്വക്കുറവ് റിപ്പോർട്ട് ചെയ്യുന്നവർക്ക് 1,000 രൂപയുടെ ഫാസ്ടാഗ് റീചാർജ് സമ്മാനമായി നൽകുന്ന പുതിയ പദ്ധതിയുമായി നാഷണൽ ഹൈവേ അതോറിറ്റി ഓഫ് ഇന്ത്യ. 2025 ഒക്ടോബർ 31 വരെ രാജ്യത്തുടനീളമുള്ള എല്ലാ ദേശീയപാതകളിലും ഈ പദ്ധതി തുടരുമെന്ന് പിടിഐ റിപ്പോർട്ട് ചെയ്തു.
1,000 രൂപയുടെ സൗജന്യ റീചാർജ് എങ്ങനെ നേടാം?
‘രാജ്മാർഗ് യാത്ര’ (Rajmargyatra) ആപ്പിലീടെ പരാതികൾ സമർപ്പിക്കാവുന്നതാണ്.
വൃത്തിയില്ലാത്ത ടോയ്ലറ്റിൻ്റെ ജിയോ-ടാഗ് ചെയ്ത ചിത്രങ്ങൾ അപ്ലോഡ് ചെയ്യുക.
ഉപയോക്താവിൻ്റെ പേര്, സ്ഥലം, വാഹനം രജിസ്റ്റർ ചെയ്ത നമ്പർ, മൊബൈൽ നമ്പർ എന്നിവ നൽകുക.
വാഹനം രജിസ്റ്റർ ചെയ്ത നമ്പറ-ലേക്ക് ലിങ്ക് ചെയ്ത ഫാസ്ടാഗ് അക്കൗണ്ടിലേക്കാണ് 1,000 രൂപയുടെ റീചാർജ് ക്രെഡിറ്റ് ചെയ്യുക.
ALSO READ: വെള്ളി ആള് കൊള്ളാലോ; വില കുതിച്ചു, വിപണിയിൽ അപ്രത്യക്ഷവുമായി!
ശ്രദ്ധിക്കുക…
ഒരു വാഹനം രജിസ്റ്റർ ചെയ്ത നമ്പറിന് ഈ കാലയളവിൽ ഒരിക്കൽ മാത്രമേ സമ്മാനം നേടാൻ അർഹതയുള്ളൂ.
ഒരേ സ്ഥലത്തുനിന്ന് ഒന്നിലധികം റിപ്പോർട്ടുകൾ ലഭിച്ചാൽ, ‘രാജ്മാർഗ് യാത്ര’ ആപ്പിലൂടെ ലഭിക്കുന്ന ആദ്യത്തെ റിപ്പോർട്ട് മാത്രമേ പരിഗണിക്കുകയുള്ളൂ.
ആപ്പ് വഴി എടുത്ത, വ്യക്തവും ജിയോ-ടാഗ് ചെയ്തതും സമയം രേഖപ്പെടുത്തിയതുമായ ചിത്രങ്ങൾ മാത്രമേ പരിഗണിക്കുകയുള്ളൂ. കൃത്രിമം കാണിച്ചതോ, മുൻപ് റിപ്പോർട്ട് ചെയ്തതോ ആയ ചിത്രങ്ങൾ തള്ളിക്കളയും.
