Sweep – In FD: നിക്ഷേപിക്കുന്ന തുകയ്ക്ക് കൂടുതൽ പലിശ; ‘സ്വീപ്-ഇൻ എഫ്ഡി’ എന്താണെന്ന് അറിയാമോ?

പ്രതീകാത്മക ചിത്രം

സാധാരണ ഒരു സേവിങ്സ് അക്കൗണ്ടിൽ പണം നിക്ഷേപിക്കുമ്പോൾ നിങ്ങൾക്ക് കുറഞ്ഞ പലിശ മാത്രമാണ് ലഭിക്കുന്നത്. എന്നാൽ ഫിക്സ്ഡ് ഡിപ്പോസിറ്റ് ആണെങ്കിലോ? നിങ്ങൾക്ക് ഉയർ‍ന്ന പലിശ നൽകുന്നു. ബാങ്കുകൾ സേവിംഗ്സ് അക്കൗണ്ടുകളുടെ പലിശ നിരക്കുകൾ കുറയ്ക്കുമ്പോൾ , ലിക്വിഡിറ്റി നഷ്ടപ്പെടുത്താതെ മിച്ച സമ്പാദ്യത്തിൽ നിന്ന് പരമാവധി വരുമാനം നേടുന്നതിന് നിക്ഷേപകർക്ക് സ്വീപ്പ്-ഇൻ ഫിക്സഡ് ഡെപ്പോസിറ്റുകൾ പരിഗണിക്കാവുന്നതാണ്.

സ്വീപ്പ്-ഇൻ ഒരു ഫിക്സഡ് ഡിപ്പോസിറ്റ്

നിങ്ങളുടെ സേവിംഗ്സ് അക്കൗണ്ടിനെയോ കറന്റ് അക്കൗണ്ടിനെയോ ഒരു ഫിക്സഡ് ഡിപ്പോസിറ്റ് അക്കൗണ്ടുമായി ബന്ധിപ്പിക്കുന്ന രീതിയെയാണ് സ്വീപ്പ്-ഇൻ ഫിക്സഡ് ഡിപ്പോസിറ്റ് എന്ന് പറയുന്നത്. ഇവിടെ നിങ്ങളുടെ സേവിങ്സ് അക്കൗണ്ടിൽ അധിക പണം എത്തിയാൽ, അധികം വന്ന പണം ഓട്ടോമാറ്റിക്കായി എഫ്ഡിയായി മാറും. ആ അധിക പണത്തിന് എഫ്ഡി പലിശയും ലഭിക്കും. നേരെമറിച്ച്, നിങ്ങളുടെ സേവിംഗ്സ് ബാലൻസ് പരിധിക്ക് താഴെയാണെങ്കിൽ, ആവശ്യമുള്ള ബാലൻസ് നിലനിർത്തുന്നതിന് എഫ്ഡിയിൽ നിന്ന് പണം തിരികെ ലഭിക്കാറുമുണ്ട്.

ഉദാഹരണത്തിന്, നിങ്ങളുടെ സേവിംഗ്സ് അക്കൗണ്ടിന് ₹50,000 പരിധി നിശ്ചയിച്ചിട്ടുണ്ടെന്ന് കരുതുക. നിങ്ങൾക്ക് ₹75,000 ലഭിക്കുകയാണെങ്കിൽ, അധികമായുള്ള ₹25,000 സ്വയമേവ നിങ്ങളുടെ ലിങ്ക് ചെയ്ത എഫ്ഡി-യിലേക്ക് മാറ്റപ്പെടും, ഇത് നിങ്ങൾക്ക് ഉയർന്ന പലിശ നേടിത്തരും. പിന്നീട്, നിങ്ങളുടെ സേവിംഗ്സ് അക്കൗണ്ടിൽ നിന്ന് ₹30,000 പിൻവലിച്ചാൽ, ₹50,000 പരിധി നിലനിർത്താൻ എഫ്ഡി-യിൽ നിന്ന് ₹5,000 തിരികെ ലഭിക്കും.

സ്വീപ്പ്-ഇൻ ഫിക്സഡ് ഡിപ്പോസിറ്റ് എങ്ങനെ തുറക്കാം

അക്കൗണ്ട് ലിങ്കേജ് : ആദ്യം, നിങ്ങളുടെ സേവിംഗ്സ് അക്കൗണ്ടോ കറന്റ് അക്കൗണ്ടോ ഒരേ ബാങ്കിലെ ഒരു എഫ്ഡി അക്കൗണ്ടുമായി ലിങ്ക് ചെയ്യേണ്ടതുണ്ട്.

പരിധി നിശ്ചയിക്കൽ : സേവിംഗ്സ് അക്കൗണ്ടിൽ നിലനിർത്താൻ ആഗ്രഹിക്കുന്ന ബാലൻസിനായി ഒരു പരിധി നിശ്ചയിക്കേണ്ടതുണ്ട്. ഈ പരിധിക്ക് മുകളിലുള്ള ഏതൊരു തുകയും നിങ്ങളുടെ ലിങ്ക് ചെയ്ത എഫ്ഡി അക്കൗണ്ടിലേക്ക് സ്വയമേവ നിക്ഷേപിക്കപ്പെടുന്നതാണ്.

സവിശേഷതകൾ

കുറഞ്ഞ നിക്ഷേപം : ഒരു സ്വീപ്പ്-ഇൻ എഫ്ഡി തുറക്കാൻ ആവശ്യമായ ഏറ്റവും കുറഞ്ഞ തുക ഏകദേശം ₹25,000 മുതൽ ആരംഭിക്കുന്നു.

കാലാവധി : സാധാരണ എഫ്‌ഡികളുടേതിന് സമാനമായി, സ്വീപ്പ്-ഇൻ എഫ്‌ഡികൾക്ക് സാധാരണയായി 1 മുതൽ 5 വർഷം വരെ കാലാവധിയുണ്ട്. ചില ബാങ്കുകൾ 6 മാസമോ അതിൽ കൂടുതലോ കുറഞ്ഞ കാലാവധിയും വാഗ്ദാനം ചെയ്തേക്കാം.

ഉയർന്ന പലിശ : മിച്ച ഫണ്ടുകൾ ഒരു എഫ്‌ഡിയിലേക്ക് സ്വയമേവ മാറ്റുന്നതിലൂടെ, ഒരു സാധാരണ സേവിംഗ്‌സ് അക്കൗണ്ടിനെ അപേക്ഷിച്ച് നിങ്ങൾക്ക് ഉയർന്ന പലിശ നേടാൻ കഴിയും. സ്വീപ്പ്-ഇൻ എഫ്‌ഡികൾക്കുള്ള പലിശ നിരക്കുകൾ, കാലാവധി അനുസരിച്ച്, സ്റ്റാൻഡേർഡ് എഫ്‌ഡികളുടേതിന് സമാനമാണ്.

ലിക്വിഡിറ്റി : മുഴുവൻ നിക്ഷേപവും മുടക്കാതെ തന്നെ നിങ്ങൾക്ക് എഫ്ഡിയിൽ നിന്ന് ഫണ്ട് പിൻവലിക്കാൻ കഴിയും. ഇത് ഒരു സേവിംഗ്സ് അക്കൗണ്ടിന് സമാനമായ ലിക്വിഡിറ്റി നൽകുന്നു.

സ്വീപ്പ്-ഇൻ എഫ്ഡി തുറക്കുന്നതിന് ആവശ്യമായ രേഖകൾ

തിരിച്ചറിയൽ രേഖ (ആധാർ കാർഡ്, പാൻ കാർഡ്, പാസ്‌പോർട്ട് മുതലായവ)

വിലാസം തെളിയിക്കുന്ന രേഖ (യൂട്ടിലിറ്റി ബിൽ, വാടക കരാർ, പാസ്‌പോർട്ട് മുതലായവ)

അടുത്തിടെ എടുത്ത ഫോട്ടോ

ലിങ്ക് ചെയ്‌ത സേവിംഗ്‌സ് അല്ലെങ്കിൽ കറന്റ് അക്കൗണ്ട് വിശദാംശങ്ങൾ