Business Ideas: ശമ്പളത്തിന് പുറമെ വരുമാനം നേടാം; ജോലിക്കൊപ്പം തുടങ്ങാവുന്ന 5 ചെറിയ ബിസിനസുകള്‍
5 Small Businesses You Can Start Alongside Your Job for Extra Income: ചെറിയ സ്ഥാപനങ്ങള്‍ക്കും പ്രാദേശിക കടകള്‍ക്കും സമൂഹമാധ്യമങ്ങളില്‍ സാന്നിധ്യം ഉറപ്പാക്കേണ്ടത് ഇപ്പോള്‍ പ്രധാനമാണ്. എന്നാല്‍ പല സ്ഥാപനങ്ങള്‍ക്കും ഇതിനായി പ്രത്യേകമായി സമയം ചെലവഴിക്കാന്‍ കഴിയാറില്ല. ഇത്തരം സ്ഥാപനങ്ങളുടെ സമൂഹമാധ്യമ പേജുകള്‍ കൈകാര്യം ചെയ്യുന്നത് അധിക വരുമാനത്തിനുള്ള നല്ലൊരു മാര്‍ഗമാണ്.
പ്രതീകാത്മക ചിത്രം
ഇന്നത്തെ കാലത്ത് ഒരു ശമ്പളം കൊണ്ട് മാത്രം വീട്ടുചെലവുകളും മറ്റ് സാമ്പത്തിക ആവശ്യങ്ങളും മുന്നോട്ട് കൊണ്ടുപോകുന്നത് പലര്‍ക്കും ബുദ്ധിമുട്ടാണ്. അതിനാല്‍ തന്നെ അധിക വരുമാനം നേടാനുള്ള വഴികള്‍ തേടുന്നവരുടെ എണ്ണം വര്‍ധിച്ചുവരികയാണ്. എന്നാല്‍ ഇതിനായി ജോലി ഉപേക്ഷിക്കേണ്ടതില്ല. കുറഞ്ഞ നിക്ഷേപത്തില്‍, സ്ഥിരം ജോലിക്കൊപ്പം ചെയ്യാന്‍ കഴിയുന്ന നിരവധി ചെറിയ ബിസിനസുകളുണ്ട്.
സമൂഹമാധ്യമ പേജുകള്‍ നോക്കാം
ചെറിയ സ്ഥാപനങ്ങള്‍ക്കും പ്രാദേശിക കടകള്‍ക്കും സമൂഹമാധ്യമങ്ങളില്‍ സാന്നിധ്യം ഉറപ്പാക്കേണ്ടത് ഇപ്പോള്‍ പ്രധാനമാണ്. എന്നാല്‍ പല സ്ഥാപനങ്ങള്‍ക്കും ഇതിനായി പ്രത്യേകമായി സമയം ചെലവഴിക്കാന്‍ കഴിയാറില്ല. ഇത്തരം സ്ഥാപനങ്ങളുടെ സമൂഹമാധ്യമ പേജുകള്‍ കൈകാര്യം ചെയ്യുന്നത് അധിക വരുമാനത്തിനുള്ള നല്ലൊരു മാര്‍ഗമാണ്.
വീട്ടിലെ ഭക്ഷണ വിതരണ സേവനം
പാചകത്തില്‍ താല്‍പര്യവും കഴിവുമുള്ളവര്‍ക്ക് വീട്ടില്‍ തയാറാക്കുന്ന ഭക്ഷണ വിതരണ സേവനം ആരംഭിക്കാം. ഓഫീസുകളില്‍ ജോലി ചെയ്യുന്നവര്‍, വിദ്യാര്‍ഥികള്‍, വീട്ടില്‍ നിന്ന് മാറി താമസിക്കുന്നവര്‍ തുടങ്ങിയവര്‍ക്ക് വൃത്തിയുള്ളതും രുചികരവുമായ ഭക്ഷണം നല്‍കാം. തുടക്കത്തില്‍ കുറച്ച് ഉപഭോക്താക്കളെ മാത്രം ഉള്‍പ്പെടുത്തി ആരംഭിക്കാം.
Also Read: Business Ideas: ലക്ഷങ്ങൾ വേണ്ട; 10,000ൽ തുടങ്ങാവുന്ന 7 ബിസിനസ് ആശയങ്ങൾ
ഓണ്‍ലൈന്‍ പുനര്‍വില്‍പ്പന
വലിയ നിക്ഷേപമില്ലാതെ ആരംഭിക്കാന്‍ കഴിയുന്ന മറ്റൊരു മേഖലയാണ് ഓണ്‍ലൈന്‍ പുനര്‍വില്‍പ്പന. വസ്ത്രങ്ങള്‍, ആഭരണങ്ങള്‍, ഫാഷന്‍ ഉപകരണങ്ങള്‍, വീട്ടുപകരണങ്ങള്‍ തുടങ്ങിയവ ഉപഭോക്താക്കള്‍ക്ക് വില്‍ക്കാം. സ്വന്തമായി വലിയ തോതില്‍ സാധനങ്ങള്‍ വാങ്ങി സൂക്ഷിക്കേണ്ട സാഹചര്യമില്ലാത്ത രീതികളും നിലവിലുണ്ട്. ഉപഭോക്താവില്‍നിന്ന് ഓര്‍ഡര്‍ ലഭിച്ചശേഷം വിതരണക്കാരില്‍നിന്ന് സാധനം എത്തിക്കുന്ന രീതിയില്‍ പ്രവര്‍ത്തിക്കാം. വ
സമ്മാനങ്ങളുടെ ബിസിനസ്
ജന്മദിനം, വിവാഹവാര്‍ഷികം, ഉത്സവങ്ങള്‍ തുടങ്ങിയ അവസരങ്ങളില്‍ വ്യക്തിഗത രൂപകല്‍പ്പനയുള്ള സമ്മാനങ്ങള്‍ക്ക് ആവശ്യക്കാരുണ്ട്. പേരുകളോ ചിത്രങ്ങളോ ഉള്‍പ്പെടുത്തി തയ്യാറാക്കുന്ന കപ്പുകള്‍, തലയണകള്‍, ഫോട്ടോ ഫ്രെയിമുകള്‍ തുടങ്ങിയവ വില്‍ക്കാം.
ഓണ്‍ലൈന്‍ ക്ലാസുകള്‍
ഗ്രാഫിക് രൂപകല്‍പ്പന, ഭാഷ, ആശയവിനിമയം, കമ്പ്യൂട്ടര്‍ പ്രോഗ്രാമിങ് തുടങ്ങിയ മേഖലകളില്‍ കഴിവുള്ളവര്‍ക്ക് ഓണ്‍ലൈന്‍ ക്ലാസുകള്‍ നടത്താം. സ്ഥിരം ജോലിക്ക് ശേഷം വൈകുന്നേരങ്ങളിലും വാരാന്ത്യങ്ങളിലും ക്ലാസുകള്‍ എടുക്കാന്‍ സാധിക്കും.
English Summary
Several low-investment businesses can be started alongside a full-time job to generate additional income. Social media management, tiffin services, online reselling, customized gifts and online classes are flexible options that can gradually grow into steady income sources.
