Kerala SSLC Results 2025: എസ്എസ്എൽസി പരീക്ഷാഫലം; തിരുവനന്തപുരം ഇത്തവണയും പുറകിൽ
Thiruvananthapuram SSLC Pass Percentage: ഏറ്റവും കൂടുതൽ വിജയ ശതമാനമുള്ള ജില്ലാ കണ്ണൂരാണ്. 99.87 ശതമാനമാണ് വിജയം. വിജയശതമാനം ഏറ്റവും കുറഞ്ഞ ജില്ലാ തിരുവനന്തപുരമാണ്, 98.59 ശതമാനം. തിരുവനന്തപുരം: 2024-25 അധ്യയന വർഷത്തെ എസ്എസ്എൽസി പരീക്ഷാഫലം പ്രഖ്യാപിച്ചു. വിദ്യാഭ്യാസ മന്ത്രി വി ശിവൻകുട്ടിയാണ് ഫലപ്രഖ്യാപനം നടത്തിയത്. ഇക്കുറി വിജയശതമാനം 99.5 ആയി കുറഞ്ഞു
തിരുവനന്തപുരം: 2024-25 അധ്യയന വർഷത്തെ എസ്എസ്എൽസി പരീക്ഷാഫലം പ്രഖ്യാപിച്ചു. വിദ്യാഭ്യാസ മന്ത്രി വി ശിവൻകുട്ടിയാണ് ഫലപ്രഖ്യാപനം നടത്തിയത്. ഇക്കുറി വിജയശതമാനം 99.5 ആയി കുറഞ്ഞു. 4,27,021 വിദ്യാർഥികൾ പരീക്ഷ എഴുതിയതിൽ 4,24,583 വിദ്യാർത്ഥികളും ഉപരിപഠനത്തിന് യോഗ്യത നേടി. 61,449 കുട്ടികളാണ് മുഴുവൻ വിഷയങ്ങൾക്കും എ പ്ലസ് നേടിയത്. ഔദ്യോഗിക വെബ്സൈറ്റുകളിലൂടെ വിദ്യാർത്ഥികൾക്ക് ഫലം പരിശോധിക്കാവുന്നതാണ്.
ഏറ്റവും കൂടുതൽ വിജയ ശതമാനമുള്ള ജില്ലാ കണ്ണൂരാണ്. 99.87 ശതമാനമാണ് വിജയം. വിജയശതമാനം ഏറ്റവും കുറഞ്ഞ ജില്ലാ തിരുവനന്തപുരമാണ്, 98.59 ശതമാനം. കഴിഞ്ഞ വർഷവും തിരുവനന്തപുരം തന്നെയായായിരുന്നു വിജയ ശതമാനത്തിൽ പുറകിൽ. 2024ൽ തിരുവനന്തപുരം ജില്ലയിൽ 99.08 ശതമാനമായിരുന്നു വിജയം. ഇത്തവണ അതിൽ നിന്നും വീണ്ടും വിജയശതമാനം കുറയുകയാണ് ചെയ്തത്.
കഴിഞ്ഞ ഏതാനും വർഷങ്ങളായി വിജയശതമാനത്തിൽ പുറകിലായിരുന്നത് വയനാട് ജില്ലയായിരുന്നു. 2023ൽ 98.41 ശതമാനം, 2022ൽ 92.07 ശതമാനം, 2021ൽ 98.13 ശതമാനം, 2020ൽ 95.04 ശതമാനം എന്നിങ്ങനെ ആയിരുന്നു വയനാട് ജില്ലയിലെ കഴിഞ്ഞ അഞ്ച് വർഷത്തെ വിജയ ശതമാനം. എന്നാൽ, കഴിഞ്ഞ വർഷം മുതൽ തിരുവനന്തപുരം ജില്ലയാണ് ഏറ്റവും പുറകിൽ. അതേസമയം, കഴിഞ്ഞ വർഷം വിജയശതമാനത്തിൽ മുന്നിൽ കോട്ടയം ജില്ലയായിരുന്നു. 99.92 ശതമാനമായിരുന്നു വിജയം. 2021 മുതൽ 2023 വരെയും കണ്ണൂർ ജില്ലയാണ് ഈ സ്ഥാനം നിലനിർത്തിയിരുന്നത്. 2020ൽ പത്തനംതിട്ട ജില്ലയായിരുന്നു മുന്നിൽ.
ALSO READ: എസ്എസ്എൽസി ഫലം പ്രഖ്യാപിച്ചു; വിജയശതമാനവും ഫുൾ എ പ്ലസുകാരുടെ എണ്ണവും കുറഞ്ഞു
അതേസമയം, വൈകുന്നേരം നാല് മണി മുതൽ എസ്എസ്എൽസി ഫലം വെബ്സൈറ്റുകളിൽ ഫലം ലഭ്യമാകും. വിദ്യാർത്ഥികൾക്ക് ഔദ്യോഗിക പോർട്ടലുകളായ sslcexam.kerala.gov.in, results.kite.kerala.gov.in, pareekshabhavan.kerala.gov.in, prd.kerala.gov.in എന്നിവ വഴി ഫലം പരിശോധിക്കാം. കൂടാതെ, പിആര്ഡി ലൈവ് മൊബൈല് ആപ്പിലൂടെയും, ഡിജിലോക്കറിലൂടെയും ഫലം അറിയാവുന്നതാണ്. പിആര്ഡി ആപ്പ് വഴി ഫലം അറിയാൻ ഹോം പേജിലെ ലിങ്കില് രജിസ്റ്റര് നമ്പര് മാത്രം നല്കിയാല് മതി. ഗൂഗിള് പ്ലേ സ്റ്റോറിലും ആപ്പ് സ്റ്റോറിലും പിആർഡി ലൈവ് ആപ്പ് ലഭ്യമാണ്.
