South Indian Bank Job: പഠനം കഴിഞ്ഞു ജോലി നോക്കുകയാണോ! സൗത്ത് ഇന്ത്യൻ ബാങ്കിൽ അവസരം; യോ​ഗ്യതയും ഒഴിവുകളും

South Indian Bank

പഠനം കഴിഞ്ഞ് ഒരു ജോലി തേടുന്നവർക്ക് സൗത്ത് ഇന്ത്യൻ ബാങ്കിൽ ഇതാ വമ്പൻ അവസരം. സൗത്ത് ഇന്ത്യൻ ബാങ്കിൻ്റെ ജൂനിയർ ഓഫീസർ, ബിസിനസ് പ്രൊമോഷൻ ഓഫീസർ എന്നീ തസ്തികകളിലേക്കുള്ള വിജ്ഞാപനമാണ് പുറത്തിറക്കിയിരിക്കുന്നത്. യോഗ്യരായ ഉദ്യോഗാർത്ഥികൾക്ക് ഓൺലൈനായി അപേക്ഷ സമർപ്പിക്കാം. മാർച്ച് മൂന്ന് വരെ നിങ്ങൾക്ക് southindianbank.bank.in എന്ന ഔദ്യോഗിക വെബ്‌സൈറ്റിലൂടെ ഓൺലൈനായി അപേക്ഷ സമർപ്പിക്കാവുന്നതാണ്.

അപേക്ഷ സമർപ്പിക്കുന്ന ആൾക്ക് 30 വയസിന് മുകളിൽ പ്രായം അരുത്. സംഭരണ വിഭാ​ഗങ്ങൾക്ക് പ്രായത്തിൽ അഞ്ച് വർഷത്തെ ഇളവ് ലഭിക്കുന്നതാണ്. ഏതെങ്കിലും വിഷയത്തിൽ ബിരുദവും ബാങ്ക്/എൻബിഎഫ്‌സി/ധനകാര്യ സ്ഥാപനങ്ങളിൽ കുറഞ്ഞത് രണ്ട് വർഷത്തെ പ്രവർത്തി പരിചയവും ആവശ്യമാണ്. കരാർ അടിസ്ഥാനത്തിലാണ് നിയമനം.

ALSO READ: ഒരു വർഷം മാറ്റിവെക്കാൻ തയ്യാറാണോ? എസ്ബിഐ യൂത്ത് ഫോർ ഇന്ത്യ ഫെലോഷിപ്പ് ജിസ്ട്രേഷൻ ആരംഭിച്ചു

ബാങ്കിംഗ് മേഖലയിലെ മികച്ച ശമ്പള സ്കെയിലുകളിൽ ഒന്നാണ് സൗത്ത് ഇന്ത്യൻ ബാങ്ക് വാഗ്ദാനം ചെയ്യുന്നത്. പ്രതിവർഷം ഏഴ് ലക്ഷം രൂപയാണ് ശമ്പളമായി പറയുന്നത്. അപേക്ഷാ ഫോം സമർപ്പിക്കുന്നതിന് മുമ്പ് നിങ്ങൾ നൽകേണ്ട എല്ലാ രേഖകളും സമർപ്പിച്ചോ എന്ന് പരിശോധിക്കേണ്ടതാണ്.

അപേക്ഷിക്കേണ്ട വിധം

• ആദ്യം www.southindianbank.com എന്ന വെബ്‌സൈറ്റിൽ പ്രവേശിക്കുക.
• ഹോം പേജിലെ ‘Careers’ എന്ന സെക്ഷൻ ക്ലിക്ക് ചെയ്യുക. അവിടെ “Recruitment of Junior Officers/ Business Promotion Officers 2026” എന്നത് കണ്ടെത്താം.
• ‘Apply Online’ എന്ന ലിങ്കിൽ ക്ലിക്ക് ചെയ്യുക. നിങ്ങളുടെ വ്യക്തകത വിവരങ്ങൾ പൂരിപ്പിക്കുക.
• നിങ്ങളുടെ ഫോട്ടോ, ഒപ്പ് തുടങ്ങിയ രേഖകൾ അപ്‌ലോഡ് ചെയ്യുക.
• ഓൺലൈൻ ബാങ്കിംഗ് ഉപയോഗിച്ച് ഓൺലൈനായി അപേക്ഷാ ഫീസ് അടയ്ക്കാം.
• ഭാവി ആവശ്യങ്ങൾക്കായി അപേക്ഷാ ഫോമും ഫീസ് അടച്ച രസീതും പ്രിന്റ് എടുത്ത് സൂക്ഷിക്കുക.