VISL Recruitment 2025: വിഴിഞ്ഞം തുറമുഖത്ത് അവസരം, അപേക്ഷിക്കാന് ഒരാഴ്ച കൂടി മാത്രം
Vizhinjam International Seaport Limited Recruitment 2025: സെന്റർ ഫോർ മാനേജ്മെന്റ് ഡെവലപ്മെന്റ് ആണ് അപേക്ഷകള് ക്ഷണിച്ചത്. കരാര് അടിസ്ഥാനത്തിലാണ് നിയമനം. ഓഗസ്ത് 6 മുതല് അപേക്ഷാ സമര്പ്പണം ആരംഭിച്ചു. ഓഗസ്ത് 19ന് വൈകിട്ട് അഞ്ച് വരെ അപേക്ഷിക്കാം. എല്ലാ തസ്തികയിലും ഓരോ ഒഴിവുകള് വീതമാണുള്ളത്
വിഴിഞ്ഞം തുറമുഖം
വിഴിഞ്ഞം അന്താരാഷ്ട്ര തുറമുഖത്ത് വിവിധ തസ്തികകളില് അവസരം. വിഴിഞ്ഞം ഇന്റർനാഷണൽ സീപോർട്ട് ലിമിറ്റഡിനു വേണ്ടി സെന്റർ ഫോർ മാനേജ്മെന്റ് ഡെവലപ്മെന്റ് (സിഎംഡി) ആണ് അപേക്ഷകള് ക്ഷണിച്ചത്. കരാര് അടിസ്ഥാനത്തിലാണ് നിയമനം. ഓഗസ്ത് 6 മുതല് അപേക്ഷാ സമര്പ്പണം ആരംഭിച്ചു. ഓഗസ്ത് 19ന് വൈകിട്ട് അഞ്ച് വരെ അപേക്ഷിക്കാം. എല്ലാ തസ്തികയിലും ഓരോ ഒഴിവുകള് വീതമാണുള്ളത്. എട്ട് തസ്തികകളിലേക്കാണ് അപേക്ഷകള് ക്ഷണിച്ചത്.
ഓരോ തസ്തികകളെക്കുറിച്ചും അറിയാം
1. സാങ്കേതിക വിദഗ്ദ്ധൻ (റെയില്വേ)
സിവിൽ എഞ്ചിനീയറിംഗിൽ ബി.ഇ./ബി.ടെക്. ഇന്ത്യൻ റെയിൽവേയിൽ നിന്ന് വിരമിച്ച ജീവനക്കാരനായിരിക്കണം. റെയിൽ കണക്റ്റിവിറ്റി പ്രോജക്ടുകൾ, ടണൽ നിർമ്മാണം എന്നിവയിൽ കുറഞ്ഞത് 15 വർഷത്തെ പരിചയവും ഉണ്ടായിരിക്കണം. കുറഞ്ഞത് 5 വർഷമെങ്കിലും സീനിയർ മാനേജീരിയൽ സ്ഥാനത്ത് പ്രവര്ത്തിച്ച് പരിചയം വേണം. പ്രായപരിധി-65. ശമ്പളം-90000 രൂപ
2. മാനേജര് (പ്രോജക്ട്)
സിവിൽ എഞ്ചിനീയറിംഗിൽ ബി.ഇ./ബി.ടെക്. പ്രധാന അടിസ്ഥാന സൗകര്യ പദ്ധതികളുടെ നിർമ്മാണത്തിൽ കുറഞ്ഞത് 10 വർഷത്തെ പരിചയം. പ്രായപരിധി-65. ശമ്പളം-44020 രൂപ
3. അസിസ്റ്റന്റ് മാനേജര് (പ്രോജക്ട്)
സിവിൽ എഞ്ചിനീയറിംഗിൽ ബി.ഇ./ബി.ടെക്. അടിസ്ഥാന സൗകര്യ പദ്ധതികളുടെ നിർമ്മാണത്തിൽ കുറഞ്ഞത് 02 വർഷത്തെ പരിചയം. പ്രായപരിധി-30. ശമ്പളം-36000 രൂപ
4. ഫിനാന്സ് ഓഫീസര്
ബികോമും സിഎ ഇന്റര്മീഡിയേറ്റും. അക്കൗണ്ട്സ് പ്രവർത്തനത്തിൽ കുറഞ്ഞത് 10 വർഷത്തെ പരിചയം. പ്രായപരിധി-45. ശമ്പളം-40000 രൂപ
5. ജൂനിയര് പ്രോജക്ട് ഓഫീസര് (റെയില് കണക്ടിവിറ്റി)
സിവിൽ എഞ്ചിനീയറിംഗിൽ ബി.ഇ./ബി.ടെക്, ടണൽ നിർമ്മാണ പദ്ധതികളിൽ (മെട്രോ റെയിൽ പദ്ധതികൾ പോലുള്ളവ) കുറഞ്ഞത് 3 വർഷം പരിചയം. അല്ലെങ്കില് സിവില് എഞ്ചിനീയറിംഗിൽ ഡിപ്ലോമ, ടണൽ നിർമ്മാണ പദ്ധതികളിൽ (മെട്രോ റെയിൽ പദ്ധതികൾ പോലുള്ളവ) കുറഞ്ഞത് 5 വർഷം പരിചയം. പ്രായപരിധി-45. ശമ്പളം-35000 രൂപ
6. കമ്മ്യൂണിക്കേഷന് എക്സിക്യൂട്ടീവ്
കമ്മ്യൂണിക്കേഷൻസ്/ജേണലിസത്തിൽ ബിരുദാനന്തര ബിരുദം, കമ്പ്യൂട്ടറില് മികച്ച പ്രാവീണ്യം. മികച്ച എഴുത്ത്, എഡിറ്റിംഗ് കഴിവുകൾ. സോഷ്യൽ മീഡിയ പ്ലാറ്റ്ഫോമുകളെക്കുറിച്ച് മികച്ച ധാരണ ഉണ്ടായിരിക്കണം. മീഡിയ റിലേഷൻസിൽ കുറഞ്ഞത് 2 വർഷത്തെ പരിചയം (വെബ് പബ്ലിഷിംഗ്, ഡിജിറ്റൽ ഡിസൈൻ സോഫ്റ്റ്വെയർ എന്നിവയിൽ പ്രാവീണ്യമുള്ളതും വെബ് പരിജ്ഞാനമുള്ളതുമായ ഉദ്യോഗാർത്ഥികൾക്ക് മുൻഗണന). പ്രായപരിധി-35. ശമ്പളം-30995 രൂപ.
7. ജൂനിയര് പ്രോജക്ട് ഓഫീസര് (ബ്രേക്ക്വാട്ടര് കണ്സ്ട്രക്ഷന്)
സിവിൽ എഞ്ചിനീയറിംഗിൽ ബി.ഇ./ബി.ടെക്, തുറമുഖങ്ങൾ, വിമാനത്താവളങ്ങൾ, ഹൈവേകൾ, ജലസേചനം തുടങ്ങിയ മേഖലകളിലെ സംസ്ഥാന/കേന്ദ്ര സർക്കാർ അടിസ്ഥാന സൗകര്യ പദ്ധതികളിൽ 3 വർഷത്തിൽ കുറയാത്ത പരിചയം. അല്ലെങ്കില് സിവില് എഞ്ചിനീയറിംഗിൽ ഡിപ്ലോമ, തുറമുഖങ്ങൾ, വിമാനത്താവളങ്ങൾ, ഹൈവേകൾ, ജലസേചനം തുടങ്ങിയ മേഖലകളിലെ സംസ്ഥാന/കേന്ദ്ര സർക്കാർ അടിസ്ഥാന സൗകര്യ പദ്ധതികളിൽ 5 വർഷത്തിൽ കുറയാത്ത പരിചയം. പ്രായപരിധി-45. ശമ്പളം-35000 രൂപ.
8. ഫീല്ഡ് എഞ്ചിനീയര്
സിവിൽ എഞ്ചിനീയറിംഗിൽ ബി.ഇ./ബി.ടെക്. മാരിടം ജോലികളില് കുറഞ്ഞത് ഒരു വര്ഷത്തെ അനുബന്ധ പ്രവര്ത്തിപരിചയം. അല്ലെങ്കില് സിവില് എഞ്ചിനീയറിംഗിൽ ഡിപ്ലോമ, മാരിടം ജോലികളില് കുറഞ്ഞത് 3 വര്ഷത്തെ അനുബന്ധ പ്രവര്ത്തിപരിചയം. പ്രായപരിധി-30. ശമ്പളം-25000 രൂപ.
എങ്ങനെ അപേക്ഷിക്കാം?
cmd.kerala.gov.in എന്ന വെബ്സൈറ്റിലൂടെയാണ് അപേക്ഷിക്കേണ്ടത്. ഈ വെബ്സൈറ്റില് നല്കിയിരിക്കുന്ന വിശദമായ വിജ്ഞാപനം വായിച്ച് മനസിലാക്കിയതിന് ശേഷം മാത്രം അയയ്ക്കുക.
