2026 ലെ നിയമസഭാ തിരഞ്ഞെടുപ്പിൽ ഏതൊക്കെ സംസ്ഥാനങ്ങളാണ് വോട്ട് ചെയ്യുന്നത്?

തമിഴ്നാട്, പശ്ചിമ ബംഗാൾ, കേരളം, അസം, പുതുച്ചേരി എന്നിവ 2026 ൽ വോട്ടെടുപ്പ് നടത്താൻ പോകുന്നു.

5 സംസ്ഥാന നിയമസഭാ തിരഞ്ഞെടുപ്പുകളിൽ ആകെ എത്ര സീറ്റുകൾ ഉൾപ്പെടുന്നു?

അഞ്ച് സംസ്ഥാനങ്ങളിലായി ആകെ 824 നിയമസഭാ സീറ്റുകളാണ് മത്സരിക്കുന്നത്.

ഓരോ സംസ്ഥാനത്തും സർക്കാർ രൂപീകരിക്കാൻ ആവശ്യമായ ഭൂരിപക്ഷ എത്രയാണ്?

തമിഴ്നാട്ടിൽ 118, പശ്ചിമ ബംഗാളിൽ 148, കേരളത്തിൽ 71, അസമിൽ 64, പുതുച്ചേരിയിൽ 16 എന്നിങ്ങനെയാണ് ഭൂരിപക്ഷ മാർക്ക്.

തത്സമയ തിരഞ്ഞെടുപ്പ് പോളിംഗ് അപ്ഡേറ്റുകൾ എനിക്ക് എവിടെ പരിശോധിക്കാൻ കഴിയും?

TV9 മലയാളം തിരഞ്ഞെടുപ്പ് പേജിൽ നിങ്ങൾക്ക് തത്സമയ പോളിംഗ് അപ്ഡേറ്റുകൾ, വോട്ടർമാരുടെ പോളിംഗ് ശതമാനം, ഘട്ടം തിരിച്ചുള്ള കവറേജ് എന്നിവ പിന്തുടരാം.

മണ്ഡലം തിരിച്ചുള്ള തത്സമയ ഫലങ്ങളും സീറ്റ് എണ്ണലും എനിക്ക് എങ്ങനെ ട്രാക്ക് ചെയ്യാൻ കഴിയും?

പേജ് തത്സമയ വോട്ടെണ്ണൽ ട്രെൻഡുകൾ, മണ്ഡലം തിരിച്ചുള്ള വിജയികൾ, വോട്ട് മാർജിനുകൾ, പാർട്ടി തിരിച്ചുള്ളതും സഖ്യം തിരിച്ചുള്ളതുമായ സീറ്റ് എണ്ണൽ ഡാഷ്ബോർഡുകൾ എന്നിവ നൽകുന്നു.

മുൻ തിരഞ്ഞെടുപ്പ് ഫലങ്ങളും ചരിത്രപരമായ ഡാറ്റയും ലഭ്യമാകുമോ?

അതെ, ഈ പേജിൽ അഞ്ച് സംസ്ഥാനങ്ങളിലെയും മുൻകാല തിരഞ്ഞെടുപ്പ് ഫലങ്ങൾ, വോട്ട് വിഹിത താരതമ്യം, സീറ്റ് വിതരണ ട്രെൻഡുകൾ, ചരിത്രപരമായ പ്രകടന വിശകലനം എന്നിവ ഉൾപ്പെടുന്നു.

എക്സിറ്റ് പോളുകളും അഭിപ്രായ വോട്ടെടുപ്പുകളും എപ്പോൾ പ്രസിദ്ധീകരിക്കും?

ഓരോ സംസ്ഥാനത്തും പോളിംഗ് അവസാനിച്ച ഉടൻ തന്നെ എക്സിറ്റ് പോൾ ഫലങ്ങളും വിദഗ്ദ്ധ വിശകലനവും പ്രസിദ്ധീകരിക്കും.

ഈ തിരഞ്ഞെടുപ്പുകളിലെ പ്രധാന സ്ഥാനാർത്ഥികളും പ്രധാന രാഷ്ട്രീയ സഖ്യങ്ങളും ആരൊക്കെയാണ്?

പ്രധാന സഖ്യങ്ങൾ, ഉയർന്ന പ്രൊഫൈൽ സ്ഥാനാർത്ഥികൾ, സ്വിംഗ് മണ്ഡലങ്ങൾ, സംസ്ഥാനാടിസ്ഥാനത്തിലുള്ള വലിയ രാഷ്ട്രീയ പോരാട്ടങ്ങൾ എന്നിവ പേജിൽ ഉൾപ്പെടുന്നു.

ഫലത്തിന് ശേഷമുള്ള സർക്കാർ രൂപീകരണ അപ്ഡേറ്റുകൾ എനിക്ക് എങ്ങനെ പിന്തുടരാനാകും?

സഖ്യ ചർച്ചകൾ, നിയമസഭാ പാർട്ടി യോഗങ്ങൾ, ഗവർണർ ക്ഷണങ്ങൾ, സത്യപ്രതിജ്ഞാ ചടങ്ങിന്റെ അപ്ഡേറ്റുകൾ എന്നിവ നിങ്ങൾക്ക് ഈ പേജിൽ തത്സമയം ട്രാക്ക് ചെയ്യാൻ കഴിയും.

ഈ തിരഞ്ഞെടുപ്പ് പേജ് എത്ര തവണ അപ്ഡേറ്റ് ചെയ്യും?

കൃത്യവും പരിശോധിച്ചുറപ്പിച്ചതുമായ തിരഞ്ഞെടുപ്പ് വിവരങ്ങൾ നൽകുന്നതിന് പ്രചാരണം, പോളിംഗ്, വോട്ടെണ്ണൽ, ഫലപ്രഖ്യാപനം എന്നിവയ്ക്കിടെ പേജ് തുടർച്ചയായി അപ്ഡേറ്റ് ചെയ്യും.

U R Pradeep: അഞ്ചു വർഷം ചേലക്കര എംഎൽഎ, പ്രളയ കാലത്തെ ഇടപെടലിൽ നാടിൻറെ പ്രിയപുത്രനായി; ആരാണ് യുആർ പ്രദീപ്

U R Pradeep the CPIM Candidate of Chelakkara: ലോക്സഭാ തെരഞ്ഞെടുപ്പിൽ യുഡിഎഫ് മയമായിരുന്നെങ്കിലും ചേലക്കര നിയോജക മണ്ഡലത്തിൽ അതൊന്നും ബാധിച്ചിരുന്നില്ല. അതിനാൽ, ഇത്തവണ ഏറെ ആത്മവിശ്വാസത്തോടെയാണ് സിപിഎം പ്രദീപിനെ സ്ഥാനാർത്ഥിയായി പ്രഖ്യാപിച്ചിരിക്കുന്നത്.

യുആർ പ്രദീപ് (Image Credits: UR Pradeep)

Nandha Das | Published: 18 Oct 2024 | 10:09 PM

ചേലക്കര: തുടർച്ചയായി ആറ് തവണ സിപിഎം സ്ഥാനാർത്ഥികളെ വിജയിപ്പിച്ച ചേലക്കര നിയോജക മണ്ഡലത്തിൽ ഇത്തവണ മത്സരിക്കാൻ ഇറങ്ങുന്നത് യു ആർ പ്രദീപാണ്. ചേലക്കര മുൻ എംഎൽഎ കൂടിയായ പ്രദീപ് ചരിത്രം ആവർത്തിക്കാൻ തന്നെയാണ് ലക്ഷ്യമിടുന്നത്. ലോക്സഭാ തെരഞ്ഞെടുപ്പിൽ യുഡിഎഫ് മയമായിരുന്നെങ്കിലും ചേലക്കര നിയോജക മണ്ഡലത്തിൽ അതൊന്നും ബാധിച്ചിരുന്നില്ല. അതിനാൽ, ഇത്തവണ ഏറെ ആത്മവിശ്വാസത്തോടെയാണ് സിപിഎം പ്രദീപിനെ സ്ഥാനാർത്ഥിയായി പ്രഖ്യാപിച്ചിരിക്കുന്നത്.

കെ രാധാകൃഷ്ണന്റെ പിൻഗാമിയായി 2016 മുതൽ 2021 വരെ അഞ്ചുവർഷം ചേലക്കര എംഎൽഎ ആയിരുന്നു യു ആർ പ്രദീപ്. ആ കാലയളവിൽ നിരവധി വികസന പ്രവർത്തനങ്ങൾക്ക് നേതൃത്വം നൽകിയ അദ്ദേഹം പ്രളയ സമയത്ത് നടത്തിയ ഇടപെടലിൽ നാടിന്റെ പ്രിയപുത്രനായി മാറി. കോവിഡ് കാലത്തെ ഇടപെടലുകളും ഏറെ ശ്രദ്ദേയമായിരുന്നു. കൂടാതെ, 2022 മുതൽ സംസ്ഥാന പട്ടികജാതി-പട്ടികവർഗ വികസന കോർപറേഷൻ ചെയർമാൻ കൂടിയാണ് പ്രദീപ്. പട്ടികവർഗ വിഭാഗക്കാർക്കായി നിരവധി പദ്ധതികൾ നടപ്പിലാക്കിയ അദ്ദേഹം കോർപറേഷന് ഉണ്ടാക്കി കൊടുത്ത ലാഭം വലുതാണ്.

ALSO READ: ആദ്യ ശ്രമത്തിൽ തന്നെ സിവില്‍ സര്‍വ്വീസ്; 8 വര്‍ഷത്തെ സേവനം; പിന്നാലെ രാജിവച്ച് രാഷ്ട്രീയത്തിലേക്ക്; ആരാണ് ഡോ. പി സരിൻ

ചേലക്കര പാളൂർ തെക്കേപുരക്കൽ പരേതരായ രാമന്റെയും ശാന്തയുടെയും മകനാണ് പ്രദീപ്. അച്ഛൻ സൈന്യത്തിലായിരുന്നത് കൊണ്ട് ഡിഫൻസ് സ്കൂളിലായിരുന്നു സരിൻ പഠിച്ചത്. പിന്നീട്, മദ്രാസ് യൂണിവേഴ്സിറ്റിയിൽ നിന്നും ബിബിഎയും കമ്പ്യൂട്ടർ അപ്ലിക്കേഷനും പൂർത്തിയാക്കിയ അദ്ദേഹം ചെന്നൈയിൽ സ്വകാര്യ കമ്പനിയിൽ ജോലിയിൽ പ്രവേശിച്ചു. തുടർന്ന്, പൊതുപ്രവർത്തകനാവാൻ തീരുമാനിച്ചതോടെ ജോലി ഉപേക്ഷിച്ചു. അങ്ങനെ 1997-ൽ സിപിഐഎം പ്രവർത്തകനായ പ്രദീപ്, 2000-ൽ പാർട്ടി അംഗമായി.

2000-2005 കാലയളവിൽ ദേശമംഗലം പ്രസിഡന്റായിരുന്ന പ്രദീപ് മികച്ച പഞ്ചായത്തിനുള്ള പുരസ്‌കാരം ദേശമംഗലത്തിന് നേടിക്കൊടുത്തു. പഞ്ചായത്തിൽ ഇടത് മുന്നണിക്ക് തുടർ ഭരണം നേടിക്കൊടുത്ത പ്രദീപ് 2005-2010 വരെ പഞ്ചായത്ത് വൈസ് പ്രസിഡന്റായും പ്രവർത്തിച്ചു. അതിനിടെ ദേശമംഗലം സർവീസ് സഹകരണ ബാങ്ക് പ്രസിഡന്റുമായി. 2015-ൽ വീണ്ടും ദേശമംഗലം പഞ്ചായത്ത് പ്രസിഡന്റായ പ്രദീപ്, 2016-ൽ ചേലക്കര നിയോജക മണ്ഡലത്തിൽ നിന്നും മത്സരിച്ച് എംഎൽഎ ആയി. നിലവിൽ പ്രദീപ്, സിപിഐഎം വള്ളത്തോൾ നഗർ ഏരിയ കമ്മിറ്റി അംഗവും, പട്ടികജാതി ക്ഷേമ സമിതി സംസ്ഥാന കമ്മിറ്റി അംഗവും, കെഎസ്കെടിയു ജില്ലാ കമ്മിറ്റി അംഗവും കൂടിയാണ്.