Athira Madhav: “അനുമോളുടെ കൂടെ നടക്കുന്നത് കാശുണ്ടാക്കാനാണ്”; വൈറൽ കമൻ്റിന് ആതിരയുടെ മാസ് മറുപടി
Athira Madhav About Friendship With Anumol: ഓ ഇപ്പോൾ അനുമോളുടെ കൂടെയാണോ എൻ്റെ ബാക്കിയുള്ള പഴയ സുഹൃത്തുക്കൾ ഇപ്പോൾ എവിടെയാണ് എന്നൊക്കെയാണ്. ഞാൻ കാശ് ഉണ്ടാക്കാനാണ് അനുമോളുടെ കൂടെ നടക്കുന്നതെന്നും ചിലർ കമന്റ് ചെയ്യാറുണ്ട്.
മിനിസ്ക്രീൻ പ്രേക്ഷകരുടെ പ്രിയപ്പെട്ട ഷോയായ സ്റ്റാർ മാജിക്കിലൂടെ മലയാളികളുടെ ഹൃദയം കവർന്ന താരങ്ങളാണ് അനുമോളും ആതിര മാധവും. ഓൺസ്ക്രീനിലെ കെമിസ്ട്രി പോലെ തന്നെ ഓഫ്സ്ക്രീനിലും ഇരുവരും നല്ല സുഹൃത്തുക്കളാണ്. അനുമോൾ ബിഗ് ബോസിൽ പോയപ്പോഴും ആതിരയുടെ പിന്തുണ വൈറലായിരുന്നു. എന്നാൽ ഇരുവരുടെയും സൗഹൃദത്തെ പണവുമായും പ്രശസ്തിയുമായും ബന്ധിപ്പിച്ചു വരുന്ന നെഗറ്റീവ് കമൻ്റുകളോട് ശക്തമായി പ്രതികരിച്ചിരിക്കുകയാണ് ഇപ്പോൾ ആതിര മാധവ്.
അധികം സുഹൃത്തുക്കളില്ലാത്ത തനിക്ക് ലഭിച്ച ഏറ്റവും നല്ല കൂട്ടാണ് ആതിരയെന്ന് അനുമോൾ നേരത്തെ പറഞ്ഞിരുന്നു. ഇരുവരും ഒന്നിച്ചുള്ള ഇൻസ്റ്റാഗ്രാം റീൽസുകൾക്കും വ്ലോഗുകൾക്കും വലിയ ആരാധകരാണുള്ളത്. ഈ വീഡിയോകൾക്ക് താഴെയാണ് സൗഹൃദത്തെ ചോദ്യം ചെയ്ത് ചില കമൻ്റുകൾ വരുന്നത്. “കാശുണ്ടാക്കാനാണ് അനുമോളുടെ കൂടെ നടക്കുന്നത്” എന്ന രീതിയിലുള്ള ചില നെഗറ്റീവ് കമന്റുകൾക്കാണ് ആതിര സഹികെട്ട് മറുപടി നൽകിയിരിക്കുന്നത്.
ALSO READ: അശ്വിന്റെ കുടുംബത്തിനും ആഗ്രഹമില്ലേ…ദിയക്കെതിരെ വിമർശനം, പ്രതികരിച്ച് താരം
“നെഗറ്റീവ് പറയുന്നവർ അത് പറഞ്ഞു കൊണ്ടേയിരിക്കും, അതൊന്നും ഞങ്ങളെ ബാധിക്കില്ല… എന്നാണ് ആതിരയുടെ മറുപടി. ഒരു സുഹൃത്ത് എന്ന നിലയിൽ പരസ്പരം നൽകുന്ന പിന്തുണയെ കാശുണ്ടാകാനെന്ന കണ്ണിലൂടെ കാണുന്നവർക്കുള്ള മറുപടിയാണ് ആതിര നൽകുന്നത്. “ഓ ഇപ്പോൾ അനുമോളുടെ കൂടെയാണോ എൻ്റെ ബാക്കിയുള്ള പഴയ സുഹൃത്തുക്കൾ ഇപ്പോൾ എവിടെയാണ് എന്നൊക്കെയാണ്. ഞാൻ കാശ് ഉണ്ടാക്കാനാണ് അനുമോളുടെ കൂടെ നടക്കുന്നതെന്നും ചിലർ കമന്റ് ചെയ്യാറുണ്ട്.
ആതിരയെ താനാണ് വിളിക്കുന്നത് എന്നായിരുന്നു ഒപ്പമുണ്ടായിരുന്ന അനുമോളുടെ പ്രതികരണം. നമ്മളൊരു പഴക്കടയിൽ പോയാൽ നല്ല പഴങ്ങൾ നോക്കി എടുക്കാറില്ലേ. സുഹൃത്തുക്കളെ തിരഞ്ഞെടുക്കുന്നതും അതുപോലെയാണ്. ചീത്തയാണെന്ന് മനസിലായാൽ മാറ്റിനിർത്തണം. പറഞ്ഞ് മനസിലാക്കാൻ പറ്റുമെങ്കിൽ അങ്ങനെ ചെയ്യണം”, അനുമോൾ കൂട്ടിച്ചേർത്തു.
