Ahana Krishna : ദ്രൗപതി മുർമുവിനും നരേന്ദ്ര മോദിജിക്കും നന്ദി, അഭിനന്ദനങ്ങൾ അച്ഛാ…. കൃഷ്ണകുമാറിനു ആശംസകൾ നേർന്ന് അഹാന
Ahana Krishna Congratulates Father Krishna Kumar: ഇൻസ്റ്റഗ്രാമിലൂടെയാണ് അഹാന തന്റെ സന്തോഷം അറിയിച്ചത്. അച്ഛന്റെ കഠിനാധ്വാനവും ലക്ഷ്യബോധവുമാണ് അദ്ദേഹത്തെ ഈ പദവിയിൽ എത്തിച്ചതെന്ന് അഹാന കുറിച്ചു. ഒരു കുടുംബമെന്ന നിലയിൽ നിങ്ങളുടെ ഈ പുതിയ യാത്ര കാണുന്നതിൽ ഞങ്ങൾ വളരെ ആവേശത്തിലാണ്. ഇന്ത്യൻ സിനിമയുടെ വികസനത്തിനും ക്ഷേമത്തിനും വേണ്ടി പ്രവർത്തിക്കാൻ ലഭിച്ച ഈ അവസരം വിലമതിക്കാനാവാത്തതാണ്.
ന്യൂഡൽഹി: ദേശീയ ചലച്ചിത്ര വികസന കോർപ്പറേഷൻ ചെയർമാനായി പ്രമുഖ നടൻ കൃഷ്ണകുമാർ ഇന്ന് ചുമതലയേറ്റു. കേന്ദ്രമന്ത്രി അശ്വനി വൈഷ്ണവിന്റെ സാന്നിധ്യത്തിലായിരുന്നു സ്ഥാനാരോഹണം. അച്ഛന്റെ ഈ പുതിയ നേട്ടത്തിൽ ആവേശവും അഭിമാനവും പങ്കുവെച്ച് മകളും നടിയുമായ അഹാന കൃഷ്ണ രംഗത്തെത്തി.
ഇൻസ്റ്റഗ്രാമിലൂടെയാണ് അഹാന തന്റെ സന്തോഷം അറിയിച്ചത്. അച്ഛന്റെ കഠിനാധ്വാനവും ലക്ഷ്യബോധവുമാണ് അദ്ദേഹത്തെ ഈ പദവിയിൽ എത്തിച്ചതെന്ന് അഹാന കുറിച്ചു. ഒരു കുടുംബമെന്ന നിലയിൽ നിങ്ങളുടെ ഈ പുതിയ യാത്ര കാണുന്നതിൽ ഞങ്ങൾ വളരെ ആവേശത്തിലാണ്. ഇന്ത്യൻ സിനിമയുടെ വികസനത്തിനും ക്ഷേമത്തിനും വേണ്ടി പ്രവർത്തിക്കാൻ ലഭിച്ച ഈ അവസരം വിലമതിക്കാനാവാത്തതാണ്. നിങ്ങൾ ചെയ്യുന്ന ഏതൊരു കാര്യത്തിലും പരമാവധി നൽകാറുള്ളതുപോലെ, ഈ പുതിയ ഉത്തരവാദിത്വവും നിങ്ങൾ മികച്ച രീതിയിൽ നിർവ്വഹിക്കുമെന്ന് എനിക്ക് ഉറപ്പുണ്ട്, – അഹാന കൃഷ്ണ കുറിച്ചു.
തന്റെ അച്ഛനെ ഇത്രയും അഭിമാനകരമായ ഒരു പദവിയിലേക്ക് തിരഞ്ഞെടുത്തതിന് രാഷ്ട്രപതി ദ്രൗപതി മുർമുവിനും പ്രധാനമന്ത്രി നരേന്ദ്ര മോദിക്കും അഹാന പ്രത്യേകമായി നന്ദി രേഖപ്പെടുത്തി. അച്ഛന്റെ ഉള്ളിലെ സ്ഥിരോത്സാഹമാണ് അദ്ദേഹത്തെ ഇന്ന് ഈ നിലയിൽ എത്തിച്ചതെന്നും താരം കൂട്ടിച്ചേർത്തു.
കേന്ദ്ര ഇൻഫർമേഷൻ & ബ്രോഡ്കാസ്റ്റിങ് മന്ത്രി അശ്വനി വൈഷ്ണവിനൊപ്പം കൃഷ്ണകുമാർ ചുമതലയേൽക്കുന്ന ചിത്രങ്ങളും സോഷ്യൽ മീഡിയയിൽ വൈറലായിട്ടുണ്ട്. കലാരംഗത്തെ കൃഷ്ണകുമാറിന്റെ ദീർഘകാലത്തെ പരിചയം എൻഎഫ്ഡിസിയുടെ പ്രവർത്തനങ്ങൾക്ക് പുതിയ ദിശാബോധം നൽകുമെന്നാണ് വിലയിരുത്തപ്പെടുന്നത്.
അഹാനയുടെ ഇൻസ്റ്റഗ്രാം പോസ്റ്റ്
View this post on Instagram
