Apsara Rathnakaran: ‘ഡിവോഴ്സ് ഒട്ടും സന്തോഷവും സുഖവും തരില്ല, വിവാഹമെന്ന ആശയത്തോട് ഭയമാണ്’
Apsara Rathnakaran about marriage: ഡിവോഴ്സ് എന്ന പ്രോസസ് ഒട്ടും സന്തോഷവും സുഖവും തരില്ലെന്ന് അപ്സര രത്നാകരന്. ഒരാളെ കണ്ട് ഇഷ്ടപ്പെട്ടതിന്റെ പേരില് ചാടിക്കയറി വിവാഹം കഴിക്കരുതെന്നും അപ്സര.
ഡിവോഴ്സ് എന്ന പ്രോസസ് ഒട്ടും സന്തോഷവും സുഖവും തരില്ലെന്ന് നടി അപ്സര രത്നാകരന്. ഒരാളെ കണ്ട് ഇഷ്ടപ്പെട്ടതിന്റെ പേരില് ചാടിക്കയറി വിവാഹം കഴിക്കരുതെന്നും താരം പറഞ്ഞു. മൂവി വേള്ഡ് മീഡിയ എന്ന യൂട്യൂബ് ചാനലിനോട് സംസാരിക്കുകയായിരുന്നു അപ്സര. നമ്മുടെ ദുഃഖത്തിലും സുഃഖത്തിലും, നമ്മുടെ കാര്യങ്ങള് ഷെയര് ചെയ്യാനും ഒരാളെ വേണം. പിന്നീട് ഈ വ്യക്തി തീരെ പറ്റില്ലെന്ന സാഹചര്യം വരുമ്പോള് ‘സമൂഹം നമ്മളെ കൊല്ലും’ എന്ന ഭയത്തില് ആ ബന്ധം തുടരുന്ന കുറേ പേര് ഇപ്പോഴുമുണ്ടെന്ന് അപ്സര പറഞ്ഞു.
പണ്ടുള്ളവരെ അപേക്ഷിച്ച്, ഇപ്പോഴത്തെ പിള്ളേര് കുറേ മാറിയിട്ടുണ്ട്. വിവാഹം എന്ന ആശയത്തോട് ഇപ്പോള് ഭയമാണ്. കാരണം താന് അതില് നേരിടേണ്ടി വന്ന കുറേ കാര്യങ്ങളുണ്ട്. ആ ബന്ധം വേണ്ടെന്ന് വരുന്ന സിറ്റുവേഷനില് അനുഭവിക്കേണ്ടി വരുന്ന ഒരു ട്രോമയുണ്ട്. പുറത്തുനിന്നുള്ള ആള്ക്കാരാകാം ആ ട്രോമ കൂടുതല് തരുന്നതെന്നും അപ്സര അഭിമുഖത്തില് പറഞ്ഞു.
50 ആര്ട്ടിസ്റ്റുകള് കല്യാണം കഴിച്ചിട്ടുണ്ടെങ്കില് അതില് പത്ത് പേര് മാത്രമാകാം ഡിവോഴ്സ് ആകുന്നത്. ആര്ട്ടിസ്റ്റുകളുടെ വിവാഹത്തിന് മീഡിയയില് പബ്ലിസിറ്റി വരും. ഇപ്പോഴും നല്ല വിവാഹജീവിതവുമായി മുന്നോട്ടുപോകുന്ന ആര്ട്ടിസ്റ്റുകള് പോലും വിവാഹിതരായ സമയത്ത് ‘ഇത് എത്ര കാലം പോകും’ എന്ന കമന്റ് വന്നിട്ടുണ്ട്. രണ്ട് വര്ഷം തികയ്ക്കില്ലെന്നും കമന്റുകള് ചെയ്യുന്നവരുണ്ട്. മീഡിയയില് വരുന്ന വാര്ത്തകളെക്കാള് ഇങ്ങനെ കമന്റ് ചെയ്യുന്നവരോടാണ് ദേഷ്യവും അമര്ഷവും വെറുപ്പും തോന്നിയിട്ടുള്ളതെന്നും അപ്സര വ്യക്തമാക്കി.
തനിക്കെതിരെ താന് ചിന്തിക്കുക പോലും ചെയ്യാത്ത വാര്ത്തകള് വരുമ്പോള്, അതിലെ കമന്റുകള് നോക്കാറില്ല. പക്ഷേ, ചില സുഹൃത്തുക്കള് ആ കമന്റുകളുടെ സ്ക്രീന്ഷോട്ട് അയച്ചുതരും. എന്ത് അടിസ്ഥാനത്തിലാണ് ഇങ്ങനെ കമന്റുകള് ചെയ്യുന്നതെന്ന് അറിയില്ല. നമ്മള് അനുഭവിക്കേണ്ടി വരുന്ന വിഷമം ഭീകരമായിരിക്കും. മീഡിയയില് വരുന്ന എല്ലാം വിശ്വസിക്കരുതെന്ന് മാത്രമേ ജനങ്ങളോട് പറയാനുള്ളൂവെന്നും താരം തുറന്നുപറഞ്ഞു.
അഭിമുഖത്തിന്റെ പൂര്ണരൂപം
