Kerala Story 2: ടീസർ പിൻവലിക്കാം എന്ന് നിർമ്മാതാക്കൾ! കേരള സ്റ്റോറിയുടെ രണ്ടാം ഭാഗം ഹൈക്കോടതി നാളെ കാണും

Kerala Story 2

വിവാദമായ ഡി കേരള സ്റ്റോറിയുടെ രണ്ടാം ഭാഗം ഹൈക്കോടതി നാളെ കാണും. സിനിമ നാളെ കാണാം എന്ന് ജസ്റ്റിസ് ബെച്ചു കുര്യൻ തോമസ് അറിയിച്ചു. കേരളം എന്ന പേരാണ് സിനിമയ്ക്ക് എന്നുള്ളതിനാൽ തന്നെ ഹർജിക്കാരുടെ ആശങ്കകൾ അവഗണിക്കാൻ സാധിക്കില്ല എന്നും കോടതി വ്യക്തമാക്കി.

സാധാരണയായി സിനിമയുടെ കാര്യങ്ങളിൽ ഇടപെടാറില്ല. അത് കലാകാരന്മാരുടെ സ്വാതന്ത്ര്യമാണ്. എന്നാൽ യഥാർത്ഥമായ സംഭവങ്ങളിൽ നിന്നും ആശയം ഉൾക്കൊണ്ടു എന്ന് പറയുകയും അതിനെ കേരളത്തിലെ കേരളം എന്ന സംസ്ഥാനത്തിന്റെ പേര് നൽകുകയും ചെയ്യുമ്പോൾ അവ സംഘർഷങ്ങൾക്ക് ഇടയാക്കില്ലേ എന്നും കോടതി ചോദിച്ചു.

സെൻസർ ബോർഡിന്റെ അനുമതി ഇല്ലാതെയാണ് ടീസർ റിലീസ് ചെയ്തത് എന്നും ഹർജിയിൽ വാദിച്ചിട്ടുണ്ട്. അതേസമയം ടീസറിലുള്ള എല്ലാ കാര്യങ്ങളും സിനിമയിൽ ഇല്ല എന്നാണ് നിർമ്മാതാക്കൾ വാദിക്കുന്നത്. മാത്രമല്ല സിനിമയിലെ ടീസർ നീക്കം ചെയ്യാം എന്നും നിർമാതാക്കൾ അറിയിച്ചു.

കേരള സ്റ്റോറിയുടെ രണ്ടാം ഭാഗത്തിന്റെ ടീസർ പുറത്തിറങ്ങിയതോടെ വലിയ വിവാദങ്ങൾക്കാണ് തിരികൊളുത്തിയത്. സോഷ്യൽ മീഡിയയിൽ അടക്കം വലിയ ചർച്ചകൾക്കാണ് ഇത് കാരണമായത്. മാത്രമല്ല സിനിമ മേഖലയിലെ പല പ്രമുഖരും കേരള സ്റ്റോറിയുടെ ഈ ടീസറിനെതിരെ രംഗത്തെത്തിയിരുന്നു.