“ഇനി നീ മൈക്കിൽ പറഞ്ഞില്ലെങ്കിൽ ഞാൻ അഭിനയിക്കില്ല എന്ന് ദുൽഖർ പറഞ്ഞു”; സംഭവം വിവരിച്ച് അയാം ഗെയിം സംവിധായകൻ
Nahas Hidayath Opens Up About Directing Dulquer Salman: ആർ.ഡി.എക്സ് എന്ന സിനിമക്ക് ശേഷമാണ് ദുൽഖറിലേക്ക് ആക്സസ് കിട്ടുന്നത്. ആ സമയത്ത് ദുൽഖർ തെലുങ്കിലും തമിഴിലുമായി തിരക്കിലായിരുന്നു. ഇപ്പോൾ ഒരു കഥ കേട്ടാൽ ആ സിനിമ എപ്പോൾ സംഭവിക്കും എന്ന് ഉറപ്പ് പറയാനാകില്ല എന്നതായിരുന്നു അദ്ദേഹത്തെ അലട്ടിയിരുന്നത്
ദുൽകർ സൽമാൻ, നഹാസ് ഹിദായത്ത്
കിംഗ് ഓഫ് കൊത്ത എന്ന സിനിമക്ക് ശേഷം മലയാളത്തിൽ നിന്നും നീണ്ട ഇടവേളയെടുത്ത ദുൽഖർ മടങ്ങിവന്ന സിനിമയാണ് അയാം ഗെയിം. തീയറ്ററുകളിൽ മികച്ച പ്രതികരണവുമായി സിനിമ മുന്നേറുകയാണ്. ചിത്രത്തിൻ്റെ വേൾഡ് വൈഡ് ഗ്രോസ് കളക്ഷൻ 40 കോടി കടന്നിട്ടുണ്ട്. സിനിമയുടെ സക്സസ് ട്രെയിലർ കഴിഞ്ഞ ദിവസം അറിയറ പ്രവർത്തകർ പുറത്തുവിടിരുനു. ഇപ്പോഴിതാ സിനിമാ ചിത്രീകരണത്തിൻ്റെ പിന്നാമ്പുറ കഥകൾ തുറന്നുപറയുകയാണ് സംവിധായകൻ നഹാസ് ഹിദായത്ത്.
സിനിമക്കായി അദ്യം സമീപിച്ചപ്പോൾ ദുൽഖർ ഒഴിഞ്ഞുമാറിയിരുന്നു എന്നും തൻ്റെ നിർബ്ബന്ധത്തിന് വഴങ്ങിയാണ് ഒടുവിൽ കഥ കേൾക്കാൻ തയ്യാറായത് എന്നും ക്ലബ്ബ് എഫ്.എമ്മിന് നൽകിയ അഭിമുഖത്തിൽ നഹാസ് പറയുന്നു. ആർ.ഡി.എക്സ് എന്ന സിനിമക്ക് ശേഷമാണ് ദുൽഖറിലേക്ക് ആക്സസ് കിട്ടുന്നത്. ആ സമയത്ത് ദുൽഖർ തെലുങ്കിലും തമിഴിലുമായി തിരക്കിലായിരുന്നു. ഇപ്പോൾ ഒരു കഥ കേട്ടാൽ ആ സിനിമ എപ്പോൾ സംഭവിക്കും എന്ന് ഉറപ്പ് പറയാനാകില്ല എന്നതായിരുന്നു അദ്ദേഹത്തെ അലട്ടിയിരുന്നത് അദ്ദേഹത്തെ അലട്ടിയിരുന്നത്. അക്കാരണം കൊണ്ടുതന്നെ അദ്ദേഹം അടുക്കുന്നുണ്ടായിരുന്നില്ല എന്ന് നഹാസ് തുറന്ന് പറയുന്നു.
കഥ ഒന്ന് കേട്ടു നോക്കണം എന്ന് താൻ അദ്ദേഹത്തെ നിർബ്ബന്ധിക്കുകയായിരുന്നു എന്ന് സംവിധായകൻ വെളിപ്പെടുത്തി. ചെന്നൈയിൽ വച്ച് ആദ്യം വൺലൈനാണ് പറഞ്ഞത്. എങ്ങനെയാണ് ഇത് ചെയ്യാൻ ഉദ്ദേശിക്കുന്നത് എന്ന് ദുൽഖർ ചോദിച്ചു. അഭിനയിച്ചൊക്കെയാണ് അത് കാണിച്ചുകൊടുത്തത്. അന്ന് തന്നെ സിനിമ ചെയ്യാം എന്ന് ദുൽഖർ സമ്മതിച്ചു എന്ന് നഹാസ് പറയുന്നു. തൊട്ടടുത്ത ദിവസം വിളിച്ച് സിനിമ താൻ തന്നെ പ്രൊഡ്യൂസ് ചെയ്യാമെന്ന് ദൂൽഖർ പറയുകയായിരുന്നു എന്നും സംവിധായകൻ വ്യക്തമാക്കി.
ഒരു സ്റ്റാറിനെ എങ്ങനെ ഡീൽ ചെയ്യാം എന്നതിൽ ആശങ്കയുണ്ടായിരുന്നു, എന്നാൽ ദുൽഖർ തന്നെ അത് ഇല്ലാതാക്കി എന്നും നഹാസ് പറയുന്നുണ്ട്. “റീ ടേക്ക് പോകേണ്ട സാഹചര്യം വരുമ്പോൾ ആദ്യമൊക്കെ ഞാൻ ഓടി അടുത്തുപോയാണ് അത് പറഞ്ഞിരുന്നത്. ‘നീ മൈക്കിൽ പറയെടാ’ എന്ന് ദുൽഖർ ആദ്യമേ പറഞ്ഞിരുന്നു. മൂന്നാമത്തെ ദിവസവും അതേ രീതി തുടർന്നതോടെ ‘ഇനി നീ മൈക്കിൽ പറഞ്ഞില്ലെങ്കിൽ ഞാൻ അഭിനയിക്കില്ല’ എന്ന് ദുൽഖർ പറയുകയായിരുന്നു.” താൻ ഒരു ദുൽഖർ ഫാനാണെന്നും അദ്ദേഹത്തെ കാണാനായി സെറ്റിൽ പോയപ്പോഴാണ് ‘കമ്മട്ടിപ്പടം’ എന്ന സിനിമയിൽ ജൂനിയർ ആർട്ടിസ്റ്റായി അഭിനയിച്ചത് എന്നും നഹാസ് കൂട്ടിച്ചേർത്തു.
English Summary
Director Nahas Hidayath Revealed that Dulquer Salman Playfully Demanded him to use mic instead of Whispering On the sets of I’m Game
