Jeeva-Aparna Divorce : ഇനിമുതൽ ‘ഞങ്ങൾ’ എന്നൊന്നില്ല, ആ ആധ്യായം അടഞ്ഞു! വേർപിരിയൽ വെളിപ്പെടുത്തി ജീവയും അപർണയും

Jeeva Aparna Thomas Divorce

അങ്ങനെ കുറച്ചു ദിവസങ്ങളായി ഈ സമൂഹമാധ്യമങ്ങളിൽ വലിയ രീതിയിൽ പ്രചരിക്കപ്പെട്ട അഭ്യൂഹങ്ങൾക്ക് വിരാമം ആയിരിക്കുകയാണ്. സെലിബ്രിറ്റി ദമ്പതികളായ ജീവ ജോസഫും അപർണ തോമസും തമ്മിൽ വേർപിരിയുകയാണ്. ഇക്കാര്യം ജീവയും അപർണയും തങ്ങളുടെ ഇൻസ്റ്റഗ്രാം അക്കൗണ്ടിലൂടെയാണ് വെളിപ്പെടുത്തിയത്. ആദ്യം ജീവയുടെ പോസ്റ്റാണ് ഇൻസ്റ്റഗ്രാമിൽ വന്നത്.

ഇനിമുതൽ ഞങ്ങളെല്ല, ജീവയും അപർണയും മാത്രമാണ് എന്നും ഈ വാർത്ത പങ്കുവെക്കുക എന്നത് തന്നെ സംബന്ധിച്ച് ഒട്ടും എളുപ്പമുള്ള കാര്യമല്ല എന്നും ജീവ തന്റെ പോസ്റ്റിൽ കുറിച്ചു. വളരെ വിഷമത്തോടെയാണ് കാര്യം നിങ്ങളോട് പങ്കുവയ്ക്കുന്നത്, എന്റെ കരിയറിലും സന്തോഷങ്ങളിലും വിഷമഘട്ടങ്ങളിലും എല്ലാം നിങ്ങളിൽ പലരും എന്റെ കൂടെ ഉണ്ടായിരുന്നു. ദമ്പതികൾ എന്ന നിലയിൽ തങ്ങളെ ഒരുപാട് പേർ ഇഷ്ടപ്പെട്ടിരുന്നതായി ജീവ പോസ്റ്റിൽ കുറിച്ചു.

Also Read : അമ്മ ഒന്നു വന്നു പോലും നോക്കുന്നില്ല, ഭയങ്കര മനസ്സാണ്! അമ്മൂമ്മയെ നോക്കാൻ ആളെ വേണം, സഹിക്കാനാവുന്നില്ലെന്ന് തൻവി

ജീവയുടെ ഇൻസ്റ്റഗ്രാം പോസ്റ്റ്

ഈ പോസ്റ്റ് വന്ന് മിനിറ്റുകൾക്ക് ഉള്ളിൽ തന്നെ അപർണയും പരസ്പരം വേർതിരിയിൽ സ്ഥിരീകരിച്ചുകൊണ്ട് രംഗത്തെത്തുകയുണ്ടായി. അപർണയും ഇൻസ്റ്റാഗ്രാം പോസ്റ്റിലൂടെയാണ് ഇക്കാര്യം വെളിപ്പെടുത്തിയത്. പലരും തന്റെ പ്രതികരണത്തിനായി കാത്തിരിക്കുകയാണ് എന്ന് മനസ്സിലാക്കിയതുകൊണ്ടാണ് ഇത്തരത്തിൽ ഒരു പോസ്റ്റ് ഇടുന്നത് എന്ന് അപർണ ആമുഖത്തിൽ തന്നെ വ്യക്തമാക്കിയിട്ടുണ്ട്. വിവാഹബന്ധം അവസാനിച്ചു എന്നും ബന്ധം വിജയിച്ചില്ല എന്നും അപർണ പോസ്റ്റിൽ പറയുന്നു. വേർപിരിയൽ എന്നത് എളുപ്പമുള്ള തീരുമാനമായിരുന്നില്ല, എന്റെ കാര്യം മാത്രമല്ല ജീവക്കും അങ്ങനെ തന്നെ ആയിരുന്നിരിക്കണം. താൻ സന്തോഷവതി ആണെന്നും മനസ്സിൽ നിന്ന് വലിയൊരു ഭാരം ഇറങ്ങിയത് പോലുള്ള ആശ്വാസം അനുഭവപ്പെടുന്നതായും ഇനി മുന്നോട്ട് സമാധാനത്തോടെ ജീവിക്കാനാണ് താൻ ആഗ്രഹിക്കുന്നതെന്നും അപർണ തന്റെ പോസ്റ്റിൽ പറയുന്നു. തങ്ങളുടെ സ്വകാര്യതയെ ദയവായി മാനിക്കണം എന്ന് കൂടി പറഞ്ഞാണ് അപർണ പോസ്റ്റ് അവസാനിപ്പിക്കുന്നത്.

അപർണയുടെ ഇൻസ്റ്റഗ്രാം പോസ്റ്റ്

English Summary

Thus, an end has been put to the rumors that had been circulating widely on social media for the past few days. celebrity couple Jeeva Joseph and Aparna Thomas are separating. Jeeva and Aparna revealed this news through their respective Instagram accounts.