Oviya Leaked Video: സ്വകാര്യദൃശ്യങ്ങൾ പ്രചരിക്കുന്നു; പരാതി നൽകി ഓവിയ, വിവാദ വീഡിയോ നീക്കം ചെയ്ത് കേരള പോലീസ്
Actress Oviya Leaked Video: എക്സ് പ്ലാറ്റ്ഫോമിലൂടെയാണ് ഓവിയയുടെ ലീക്കായ വീഡിയോ എന്നപേരിൽ 17 സെക്കന്റുള്ള ഒരു വീഡിയോ ദൃശ്യം പ്രചരിച്ചത്. 2007-ൽ പൃഥ്വിരാജ് നായകനായ കങ്കാരുവിലൂടെയാണ് സിനിമാലോകത്തേക്ക് കടന്നുവന്നത്. ബിഗ്ബോസ് തമിഴ് സീസൺ ഒന്നിലൂടെയാണ് ഓവിയ കൂടുതൽ പ്രശസ്തിയിലേക്ക് ഉയർന്നത്.
നടി ഓവിയ. (Image Credits: Instagram)
സ്വകാര്യദൃശ്യങ്ങൾ പ്രചരിക്കുന്നുവെന്ന നടി ഓവിയയുടെ (Actress Oviya) പരാതിയിൽ വിവാദ വീഡിയോ നീക്കം ചെയ്ത് കേരളാ പോലീസ്. നടിയും ബിഗ്ബോസ് താരവുമായ ഓവിയയുടേത് എന്ന പേരിൽ സാമൂഹികമാധ്യമങ്ങളിൽ വ്യാജവീഡിയോ പ്രചരിപ്പിച്ചതിനെതിരെയാണ് ചെന്നൈ പോലീസ് കമ്മീഷണർക്ക് താരം പരാതി നൽകിയത്. ഓവിയയെ മനപ്പൂർവം അപമാനിക്കാനായി ആരോ തയ്യാറാക്കിയ വ്യാജവീഡിയോയാണ് ഇതെന്നാണ് നടിയുമായി ബന്ധപ്പെട്ട വൃത്തങ്ങൾ പറഞ്ഞത്.
തൻ്റെ പേരിൽ പ്രചരിക്കുന്ന അശ്ലീല വീഡിയോ നീക്കം ചെയ്യണമെന്ന് ആവശ്യപ്പെട്ട് നടി ഓവിയ തൃശൂർ പോലീസ് കമ്മീഷണർ ഇളങ്കോയ്ക്ക് ഇമെയിൽ വഴി പരാതി നൽകിയിരുന്നു. എക്സിലും ചില പോൺ വെബ്സൈറ്റുകളിലും തൻ്റെ പേരിൽ പ്രചരിക്കുന്ന വീഡിയോകൾ നീക്കം ചെയ്യാൻ നടപടിയെടുക്കണമെന്ന് അതിൽ സൂചിപ്പിച്ചിരുന്നു. തുടർന്ന്, ഈ വീഡിയോകൾ നീക്കം ചെയ്യണമെന്നാവശ്യപ്പെട്ട് തൃശൂർ കമ്മീഷണർ എക്സിന് കത്തയച്ചു. ഇതനുസരിച്ച് എക്സ് വെബ്സൈറ്റിൽ നിന്നും 3 അശ്ലീല വീഡിയോകളാണ് നീക്കം ചെയ്തിട്ടുള്ളത്.
എക്സ് പ്ലാറ്റ്ഫോമിലൂടെയാണ് ഓവിയയുടെ ലീക്കായ വീഡിയോ എന്നപേരിൽ 17 സെക്കന്റുള്ള ഒരു വീഡിയോ ദൃശ്യം പ്രചരിച്ചത്. പ്രചരിക്കുന്ന വീഡിയോ നടിയുടേതാണെന്നും അവരുടെ കൈയിലെ അതേ ടാറ്റൂവാണ് വീഡിയോയിലുള്ള യുവതിയുടേതെന്നുമാണ് സാമൂഹികമാധ്യമങ്ങളിലെ ചിലർ അവകാശപ്പെട്ടത്. എന്നാൽ, ഇത് ഡീപ് ഫേക്ക് വീഡിയോ ആണെന്ന് വാദവും ഉയരുന്നുണ്ട്.
നെഗറ്റീവ് കമന്റുകളെയൊക്കെ അവജ്ഞയോടെ തള്ളിക്കളഞ്ഞുകൊണ്ടുള്ള ഓവിയയുടെ മറുപടി വൈറലായിരുന്നു. 17 സെക്കൻഡുള്ള വീഡിയോ ഒരെണ്ണം വന്നിട്ടുണ്ട് മാഡം എന്ന പ്രേക്ഷകന്റെ കമന്റിന് ‘ആസ്വദിക്കൂ’ എന്നായിരുന്നു ഓവിയ നൽകിയ മറുപടി. വീഡിയോ എച്ച്ഡി വേണമെന്നും ദൈർഘ്യം കുറഞ്ഞുപോയി എന്നുമുള്ള മറ്റൊരു കമന്റിന് ‘അടുത്ത തവണ ആകട്ടെ’ എന്നായിരുന്നു നടിയുടെ മറുപടി.
ഹെലന നെൽസൺ എന്നാണ് ഓവിയയുടെ യഥാർത്ഥ പേര്. 2007-ൽ പൃഥ്വിരാജ് നായകനായ കങ്കാരുവിലൂടെയാണ് സിനിമാലോകത്തേക്ക് കടന്നുവന്നത്. ബിഗ്ബോസ് തമിഴ് സീസൺ ഒന്നിലൂടെയാണ് ഓവിയ കൂടുതൽ പ്രശസ്തിയിലേക്ക് ഉയർന്നത്. പുതിയമുഖം, മനുഷ്യമൃഗം എന്നീ മലയാള സിനിമകളിൽ അഭിനയിച്ചിട്ടുണ്ട്. കളവാണി, കലകലപ്പ്, യാമിരുക്ക ഭയമേൻ, മറീന തുടങ്ങിയ തമിഴ് ചിത്രങ്ങളിൽ നായികയായി അഭിനയിച്ചിട്ടുണ്ട്.
