Viral Monalisa’s malayalam movie: കുംഭമേള വൈറൽ സുന്ദരി മോണാലിസ ഇനി മലയാള സിനിമയിലേക്ക്, ആദ്യ ചിത്രം ‘നാഗമ്മ’
kumbha mela viral girl Monalisa Bhosle to malayalam film industry: മധ്യപ്രദേശിലെ ഖാര്ഗോണ് ജില്ലയില് നിന്നുള്ള 16 വയസ്സുകാരിയായ മോണാലിസ, പ്രയാഗ്രാജ് മഹാകുംഭ് മേളയില് വെച്ച് ഒരു കണ്ടന്റ് ക്രിയേറ്റര് എടുത്ത വീഡിയോയിലൂടെയാണ് പ്രശസ്തയായത്.
കൊച്ചി: മഹാകുംഭമേളയില് മാലകള് വിറ്റ് ശ്രദ്ധ നേടിയ ഇന്ഡോര് സ്വദേശിനി, കൗമാരക്കാരിയായ മോണാലിസ ഭോസ്ലെ മലയാള സിനിമയില് അരങ്ങേറ്റം കുറിക്കുന്നു. ‘നാഗമ്മ’ എന്ന് പേരിട്ടിരിക്കുന്ന ചിത്രത്തിന്റെ പൂജ കഴിഞ്ഞു എന്നാണ് വിവരം. പി. ബിനു വര്ഗ്ഗീസ് സംവിധാനം ചെയ്യുന്ന ഈ സിനിമയില് കൈലാഷാണ് നായകന്.
കൊച്ചിയില് വെച്ച് നടന്ന പൂജാ ചടങ്ങില് പ്രശസ്ത സംവിധായകന് സിബി മലയില് പങ്കെടുത്തു. സെപ്റ്റംബര് അവസാനത്തോടെ സിനിമയുടെ ചിത്രീകരണം ആരംഭിക്കുമെന്നാണ് റിപ്പോര്ട്ടുകള്.
മധ്യപ്രദേശിലെ ഖാര്ഗോണ് ജില്ലയില് നിന്നുള്ള 16 വയസ്സുകാരിയായ മോണാലിസ, പ്രയാഗ്രാജ് മഹാകുംഭ് മേളയില് വെച്ച് ഒരു കണ്ടന്റ് ക്രിയേറ്റര് എടുത്ത വീഡിയോയിലൂടെയാണ് പ്രശസ്തയായത്. പെട്ടെന്നുണ്ടായ ഈ പ്രശസ്തി കാരണം ഉപദ്രവങ്ങള് നേരിടേണ്ടി വന്നതിനാല് കുടുംബം പ്രയാഗ്രാജ് വിട്ട് പോയിരുന്നു.
നേരത്തെ, കോഴിക്കോടുള്ള ചെമ്മണ്ണൂര് ജ്വല്ലറി ഷോറൂം ഉദ്ഘാടനം ചെയ്യാനും മോണാലിസ കേരളത്തിലെത്തിയിരുന്നു. ഇതിനുപുറമെ, ‘ദി ഡയറി ഓഫ് മണിപ്പൂര്’ എന്ന ഹിന്ദി സിനിമയിലും മോണാലിസ നായികയായി അഭിനയിക്കുന്നുണ്ട്. ബോളിവുഡ് നടന് രാജ്കുമാര് റാവുവിന്റെ സഹോദരന് അമിത് റാവു ഈ സിനിമയിലൂടെ അരങ്ങേറ്റം കുറിക്കും.
