Uyir Movie Teaser: ‘ജോസഫി’ന് ശേഷം മറ്റൊരു ത്രില്ലറുമായി എം. പത്മകുമാർ; റോഷൻ മാത്യു നായകനാകുന്ന ‘ഉയിർ’ ടീസർ പുറത്ത്
A Dead Body and Missing Women: Roshan Mathew’s 'Uyir' Teaser Promises an Intense Ride!: കണ്ണൂർ ജില്ലയുടെ പശ്ചാത്തലത്തിലാണ് കഥ നടക്കുന്നത്. ഒരു കിണറ്റിൽ നിന്നും മൃതദേഹം കണ്ടെത്തുന്നതും, തുടർന്ന് നടക്കുന്ന അന്വേഷണങ്ങളുമാണ് ടീസറിൽ കാണാൻ സാധിക്കുന്നത്. ജില്ലയിൽ കാണാതായ സ്ത്രീകളുടെ തിരോധാനവും ഈ കേസുമായി ബന്ധപ്പെട്ടിരിക്കുന്നുവെന്ന സൂചനകളും ടീസറിലുണ്ട്.
Roshan Mathew in Uyir
വർഗ്ഗം, വാസ്തവം, ശിക്കാർ, ജോസഫ് തുടങ്ങിയ ഹിറ്റ് ചിത്രങ്ങൾക്ക് ശേഷം എം. പത്മകുമാർ സംവിധാനം ചെയ്യുന്ന പുതിയ ഇൻവെസ്റ്റിഗേഷൻ ത്രില്ലർ ‘ഉയിരി’ൻ്റെ ടീസർ പുറത്തിറങ്ങി. യഥാർത്ഥ സംഭവങ്ങളെ ആസ്പദമാക്കി ഒരുക്കുന്ന ചിത്രത്തിൽ യുവനടൻ റോഷൻ മാത്യുവാണ് നായകനായി എത്തുന്നത്. പ്രേക്ഷകരിൽ ഉദ്വേഗം നിറക്കുന്ന ഒരു ക്രൈം ത്രില്ലറായിരിക്കും ചിത്രമെന്ന സൂചനകളാണ് ടീസർ നൽകുന്നത്.
കണ്ണൂർ ജില്ലയുടെ പശ്ചാത്തലത്തിലാണ് കഥ നടക്കുന്നത്. ഒരു കിണറ്റിൽ നിന്നും മൃതദേഹം കണ്ടെത്തുന്നതും, തുടർന്ന് നടക്കുന്ന അന്വേഷണങ്ങളുമാണ് ടീസറിൽ കാണാൻ സാധിക്കുന്നത്. ജില്ലയിൽ കാണാതായ സ്ത്രീകളുടെ തിരോധാനവും ഈ കേസുമായി ബന്ധപ്പെട്ടിരിക്കുന്നുവെന്ന സൂചനകളും ടീസറിലുണ്ട്. 
‘ഇലവീഴാപൂഞ്ചിറ’ എന്ന ചിത്രത്തിൻ്റെ സഹ തിരക്കഥാകൃത്തും പോലീസ് ഉദ്യോഗസ്ഥനുമായ ഷാജി മാറാടും, ഗായകനും നടനുമായ നിഖിൽ കെ മേനോനും ചേർന്നാണ് ചിത്രത്തിന് തിരക്കഥയും സംഭാഷണവും ഒരുക്കിയിരിക്കുന്നത്. ബൈജു സന്തോഷ് ഒരു മുഴുനീള പോലീസ് കഥാപാത്രത്തെ അവതരിപ്പിക്കുന്ന ചിത്രത്തിൽ ബോളിവുഡ് താരങ്ങളായ സയാമി ഖേർ, മഹേഷ് ഷെട്ടി എന്നിവർ അതിഥി വേഷങ്ങളിൽ എത്തുന്നുണ്ട്. വിനീത് തട്ടിൽ, ദിവ്യ എം നായർ, സന്തോഷ് ത്രിവിക്രമൻ, ഷാജു ശ്രീധർ, ശ്രീകാന്ത് മുരളി, വിനോദ് സാഗർ, അതുല്യ ചന്ദ്ര, ശ്രുതി മേനോൻ തുടങ്ങിയവരാണ് മറ്റ് പ്രധാന താരങ്ങൾ.
Also Read: Mammootty : മമ്മൂട്ടിയെ കണ്വിന്സ് ചെയ്യാന് എഴ് മാസമെടുത്തു, ധനുഷ് നായകനാകുന്ന ‘ഓം’ സിനിമയെക്കുറിച്ച് സംവിധായകന്
വൗ സിനിമാസിൻ്റെ ബാനറിൽ സന്തോഷ് ത്രിവിക്രമനാണ് ചിത്രം നിർമ്മിക്കുന്നത്. പൊറിഞ്ചു മറിയം ജോസ്, ഗരുഡൻ തുടങ്ങിയ ചിത്രങ്ങൾക്ക് ക്യാമറ ചലിപ്പിച്ച അജയ് ഡേവിഡ് കാച്ചപ്പിള്ളിയാണ് ഛായാഗ്രഹണം. രഞ്ജൻ എബ്രഹാം ചിത്രസംയോജനവും നിർവ്വഹിക്കുന്നു. മണികണ്ഠൻ അയ്യപ്പയാണ് സംഗീതവും പശ്ചാത്തല സംഗീതവും ഒരുക്കിയിരിക്കുന്നത്. കൂർഗ്, തലശ്ശേരി, പാലക്കാട്, കൊച്ചി, മുംബൈ എന്നിവിടങ്ങളിലായി ചിത്രീകരണം പൂർത്തിയാക്കിയ സിനിമ ഉടൻ തന്നെ തിയേറ്ററുകളിലെത്തും.
English Summary
The teaser for M. Padmakumar’s upcoming Malayalam investigation thriller Uyir is out. Starring Roshan Mathew, the film is based on real-life events. The gripping plot revolves around a dead body found in a well, mysteriously linked to several missing women. Co-written by real-life cop Shaji Marad, it promises raw authenticity. Featuring Baiju Santhosh and Bollywood actors Saiyami Kher and Mahesh Shetty in cameos, Uyir will hit theaters soon.
