Jananayagan:ജനനായകന്റെ പതിപ്പ് ലീക്ക്; മൂന്നുമണിക്കൂർ നീളമുള്ള വീഡിയോയുടെ ക്ലിപ്പുകൾ ഇന്റർനെറ്റിൽ

വിജയ് നായനാകുന്ന ജനനായകന്റെ പതിപ്പ് ഇന്റർനെറ്റിൽ. മൂന്നു മണിക്കൂറോളം നീളമുള്ള സിനിമയുടെ വീഡിയോയുടെ പല ഭാഗങ്ങളായി കട്ട് ചെയ്താണ് ഇന്റർനെറ്റിലൂടെ പ്രചരിക്കുന്നത്. സിനിമയുടെ ഇൻട്രോയും ക്ലൈമാക്സും അടക്കമുള്ള രംഗങ്ങൾ ഇപ്പോൾ സോഷ്യൽ മീഡിയയിൽ പ്രചരിക്കുകയാണ്. സിനിമയുടെ റിലീസ് തീയതി പോലും തീരുമാനിക്കുന്നതിന് മുമ്പ് ഇത്തരത്തിൽ വീഡിയോ ക്ലിപ്പുകൾ ലീക്ക് ചെയ്തത് സിനിമ മേഖലയെ മുഴുവൻ ഞെട്ടിച്ചിരിക്കുകയാണ്.

വിജയുടെ രാഷ്ട്രീയ പ്രവേശനവുമായി ബന്ധപ്പെട്ട് അവസാനമായി റിലീസ് ചെയ്യുന്ന ചിത്രമായാണ് ജനനായകൻ ഇറങ്ങാൻ ഇരുന്നത്. ഇതുമായി ബന്ധപ്പെട്ട് നിരവധി വിവാദങ്ങളും റിലീസുമായി ബന്ധപ്പെട്ട് പ്രതിസന്ധിയും നേരിടുന്നതിനിടയിലാണ് ഇത്തരത്തിൽ സിനിമയുടെ ക്ലിപ്പുകൾ പ്രചരിക്കുന്നത്.

ALSO READ: “അവർ ഭയക്കുന്നു, സിനിമ തെരഞ്ഞെടുപ്പിനെ സ്വാധീനിക്കുമെന്ന് പേടി”; ജനനായകൻ വിവാദത്തിൽ വിജയ്

എച്ച് വിനോദ സംവിധാനം ചെയ്യുന്ന ജനനായകൻ സിനിമയിൽ വിജയിക്കൊപ്പം വലിയൊരു താരനിര തന്നെയാണ് അണിനിരക്കുന്നത്. ബോബി ഡിയോൾ, പൂജാ ഹെഡ്ഗെ, പ്രകാശ് രാജ്, ഗൗതം വാസുദേവ് മേനോൻ, നരേൻ, പ്രിയാമണി, മമിതാ ബൈജു തുടങ്ങി വമ്പൻ താരനിരയാണ് ജനനായകനിൽ ഉള്ളത്.

അതേസമയം സിനിമയുടെ ക്ലിപ്പുകൾ ലീക്കായതിന് ഉത്തരവാദികളായവർക്കെതിരെ കർശനമായ നടപടിയെടുക്കണമെന്നാണ് പ്രൊഡക്ഷൻ ഹൗസ് ആയ കെവിഎം പ്രൊഡക്ഷൻസിനെ ടാഗ് ചെയ്ത് പലരും സോഷ്യൽ മീഡിയയിൽ പ്രതികരിക്കുന്നത്.