Year Ender 2025: മലയാള സിനിമയിലെ മൂല്യമേറിയ താരങ്ങള്: 2025- ൽ ഏറ്റവും പ്രതിഫലം വാങ്ങിയ താരങ്ങൾ
Highest-Paid Malayalam Actors: നിരവധി ബിഗ് ബജറ്റ് ചിത്രങ്ങളാണ് ഈ വർഷം തിയറ്ററുകളിൽ എത്തിയത്. സിനിമയുടെ ബജറ്റിന്റെ വലിയ ഒരു ഭാഗം അഭിനേതാക്കളുടെ പ്രതിഫലമാണ്. ഇത്തരത്തിൽ ഈ വർഷം ഏറ്റവും കൂടുതൽ പ്രതിഫലം വാങ്ങിയ മലയാള താരങ്ങൾ ആരൊക്കെയെന്ന് നോക്കാം.
2025 അവസാനിക്കാൻ ഇനി ദിവസങ്ങൾ മാത്രം ബാക്കിയിരിക്കെ മലയാള സിനിമരംഗത്ത് വിപ്ലവകരമായ മാറ്റങ്ങളാണ് ഉണ്ടായിരിക്കുന്നത്. നിരവധി ബിഗ് ബജറ്റ് ചിത്രങ്ങളാണ് ഈ വർഷം തിയറ്ററുകളിൽ എത്തിയത്. സിനിമയുടെ ബജറ്റിന്റെ വലിയ ഒരു ഭാഗം അഭിനേതാക്കളുടെ പ്രതിഫലമാണ്. ഇത്തരത്തിൽ ഈ വർഷം ഏറ്റവും കൂടുതൽ പ്രതിഫലം വാങ്ങിയ മലയാള താരങ്ങൾ ആരൊക്കെയെന്ന് നോക്കാം. ബിസിനസ് കണക്ട് ഇന്ത്യ വെബ്സൈറ്റ് പ്രസിദ്ധീകരിച്ച കണക്ക് പ്രകാരം മോഹൻലാലാണ് ഒന്നാം സ്ഥാനത്ത്. തൊട്ടു പിന്നാലെ മമ്മൂട്ടിയും പട്ടികയിൽ ഇടം നേടി.
മോഹൻലാൽ
മലയാളികൾ സ്വകാര്യ അഹങ്കാരമായ മോഹൻലാൽ 40 വർഷത്തിലേറെ അഭിനയ രംഗത്ത് നിറ സാന്നിധ്യമാണ്. ഇതിനകം 400-ലധികം സിനിമകളിൽ താരം അഭിനയിച്ചിട്ടുണ്ട്. ഇതിനു പുറമെ സംവിധാനം, നിർമ്മാണം തുടങ്ങി വിവിധ മേഖലകളിലും കഴിവ് തെളിയിച്ചിട്ടുണ്ട്. അദ്ദേഹം ഒരു സിനിമക്ക് വേണ്ടി ഏകദേശം 6-8 കോടി വരെയാണ് വാങ്ങുന്നത്.
മമ്മൂട്ടി
മലയാള സിനിമയുടെ വല്യേട്ടൻ ആണ് മെഗാസ്റ്റാർ മമ്മൂട്ടി. 50 വർഷത്തോളമായി അഭിനയ രംഗത്തുള്ള മമ്മൂട്ടിയെ തേടി 2025-ലെ മികച്ച നടനുള്ള സംസ്ഥാന അവാർഡും എത്തി. താരം ഒരു സിനിമക്ക് വേണ്ടി വാങ്ങുന്നത് ഏകദേശം 5-7 കോടി വരെയാണ്.
പൃഥ്വിരാജ് സുകുമാരൻ
അച്ഛന്റെ പാത പിന്തുടർന്ന് സിനിമയിലെത്തിയ പൃഥ്വിരാജ് ഇന്ന് ബോളിവുഡിൽ വരെ നിറസാനിധ്യമാണ്. അഭിനയം, നിർമ്മാണം, സംവിധാനം, വിതരണം തുടങ്ങി തൊട്ടതെല്ലാം പൊന്നാക്കിയ പൃഥ്വിരാജിന്റെ കരിയർ വളർച്ച ആരെയും അത്ഭുതപ്പെടുത്തുന്നതാണ്. നന്ദനം എന്ന മലയാള ചിത്രത്തിലൂടെ എത്തിയ പൃഥ്വിരാജ് ഒരു സിനിമക്ക് വേണ്ടി ഏകദേശം 4-6 കോടി വരെ പ്രതിഫലം വാങ്ങുന്നുണ്ട്.
Also Read:ആകാശം തൊട്ട മോളിവുഡ്; ഇക്കൊല്ലം ഏറ്റവുമധികം കളക്ഷൻ നേടിയ മലയാളം സിനിമകൾ
ദുൽഖർ സൽമാൻ
മലയാള സിനിമയിലൂടെ അഭിനയ ജീവിതം തുടങ്ങി ഇപ്പോൾ തെലുഗു, തമിഴ്, ഹിന്ദി ചിത്രങ്ങളിലെ നിറ സാന്നിധ്യമായി മാറിയ താരമാണ് ദുൽഖർ സൽമാൻ. തുടക്കത്തിൽ അച്ഛന്റെ പേരിൽ അറിയപ്പെട്ട താരം തന്റെതായ ഒരു ഐഡൻ്റിറ്റി നേടിയെടുക്കാൻ അധികം സമയം വേണ്ടി വന്നില്ല. അഭിനയത്തിനു പുറമേ ഇദ്ദേഹത്തിൻ്റെ ഒരു വിതരണ കമ്പനിയും ഉണ്ട്. നിലവിൽ 3-5 കോടി വരെയാണ് ഇദ്ദേഹം ഒരു സിനിമക്ക് വേണ്ടി വാങ്ങുന്ന പ്രതിഫലം.
ഫഹദ് ഫാസിൽ
മലയാള സിനിമയിൽ ഫഹദിൻ്റെ വളർച്ച ആരെയും അമ്പരപ്പിക്കുന്നതാണ്. ഏറ്റവും പുതിയ റിപ്പോർട്ട് പ്രകാരം ഏകദേശം 3-4.5 കോടി വരെയാണ് ഇദ്ദേഹം ഒരു സിനിമക്ക് വേണ്ടി പ്രതിഫലം വാങ്ങുന്നത്.
ടൊവിനോ തോമസ്
യുവ നടൻമാരിൽ ഏറ്റവും തിരക്കേറിയ താരമാണ് നടൻ ടൊവിനോ തോമസ്. ഇപ്പോഴും സിനിമയിൽ സജീവമായി പ്രവർത്തിക്കുന്ന ടൊവിനോ ഒരു സിനിമയ്ക്ക് വേണ്ടി വാങ്ങുന്നത് ഏകദേശം 2.5-4 കോടി രൂപയാണ്.
