Bengaluru Train: ബെംഗളൂരുവിലേക്ക് മറ്റൊരു ട്രെയിന്‍ കൂടി; ഈ റൂട്ടിലെ യാത്ര എളുപ്പമാകും
Bengaluru Holi 2026 Special Trains List: ബെംഗളൂരു, കലബുറഗി, ബീദാര്‍, കൊല്‍ക്കത്ത എന്നീ റൂട്ടുകളില്‍ യാത്ര ചെയ്യുന്നവര്‍ക്കായി അധിക ട്രെയിന്‍ സര്‍വീസുകളും പ്രഖ്യാപിച്ചു. യാത്രക്കാരെ തിക്കുതിരക്കുമില്ലാതെ നാട്ടിലെത്താന്‍ ഈ ട്രെയിനുകള്‍ സഹായിക്കും.
ട്രെയിന്‍ യാത്ര
ബെംഗളൂരു: ഹോളി ആഘോഷങ്ങളുടെ ഭാഗമായി ബെംഗളൂരുവില്‍ നിന്ന് കര്‍ണാടകയുടെ മറ്റുഭാഗങ്ങളിലേക്ക് ധാരാളം ട്രെയിനുകളാണ് സൗത്ത് വെസ്‌റ്റേണ്‍ റെയില്‍വേ ഒരുക്കിയിരിക്കുന്നത്. ബെംഗളൂരു, കലബുറഗി, ബീദാര്‍, കൊല്‍ക്കത്ത എന്നീ റൂട്ടുകളില്‍ യാത്ര ചെയ്യുന്നവര്‍ക്കായി അധിക ട്രെയിന്‍ സര്‍വീസുകളും പ്രഖ്യാപിച്ചു. യാത്രക്കാരെ തിക്കുതിരക്കുമില്ലാതെ നാട്ടിലെത്താന്‍ ഈ ട്രെയിനുകള്‍ സഹായിക്കും.
ബെംഗളൂരുവില്‍ നിന്നുള്ള ട്രെയിനുകള്‍
ട്രെയിന്‍ നമ്പര്‍ 06539 എസ്എംവിടി ബെംഗളൂരു-ബീദാര്‍ എക്‌സ്പ്രസ് സ്‌പെഷ്യല്‍ ട്രെയിന്‍ മാര്‍ച്ച് 29 വരെ സര്‍വീസ് നടത്തുന്നതാണ്. വെള്ളി, ഞായര്‍ ദിവസങ്ങളിലാണ് ഈ ട്രെയിനിന്റെ സര്‍വീസ്.
ശനി, തിങ്കള്‍ ദിവസങ്ങളില്‍ സര്‍വീസ് നടത്തുന്ന ട്രെയിന്‍ നമ്പര്‍ 06540 ബീദാര്‍-എസ്എംവിടി ബെംഗളൂരു എക്‌സ്പ്രസ് സ്‌പെഷ്യല്‍ ട്രെയിന്‍ മാര്‍ച്ച് 30 വരെയും യാത്ര നടത്തും.
എല്ലാ ശനിയാഴ്ചകളിലും സര്‍വീസ് നടത്തുന്ന ബെംഗളൂരു കന്റോണ്‍മെന്റ്-കാലാപൂര്‍ വീക്ക്‌ലി എക്‌സ്പ്രസ് സ്‌പെഷ്യല്‍ ട്രെയിന്‍ (06207) മാര്‍ച്ച് 28 വരെയായിരിക്കും ഉണ്ടാകുക.
കലബുറഗി-ബെംഗളൂരു കന്റോണ്‍മെന്റ് വീക്ക്‌ലി എക്‌സ്പ്രസ് സ്‌പെഷ്യല്‍ ട്രെയിന്‍ (06208) മാര്‍ച്ച് 29 വരെ എല്ലാ ഞായറാഴ്ചകളിലും ഓടും.
വ്യാഴാഴ്ചകളില്‍ സര്‍വീസ് നടത്തുന്ന സാന്ദ്രഗാച്ചി-യെലഹങ്ക വീക്ക്‌ലി എക്‌സ്പ്രസ് (02843)ട്രെയിനും മാര്‍ച്ച് 26 വരെയുണ്ടാകും.
Also Read: Bengaluru Vande Bharat: 13 മണിക്കൂറില്‍ യാത്ര തീരും; ബെംഗളൂരുവില്‍ നിന്ന് ഗോവയിലേക്ക് വന്ദേഭാരത്
യെലഹങ്ക-സാന്ദ്രഗാച്ചി വീക്ക്‌ലി എക്‌സ്പ്രസ് സ്‌പെഷ്യല്‍ ട്രെയിന്‍ നമ്പര്‍ 02864 ശനിയാഴ്ചകളില്‍ മാര്‍ച്ച് 28 വരെ സര്‍വീസ് നടത്തും.
ട്രെയിന്‍ നമ്പര്‍ 06565 എസ്എംവിടി ബെംഗളൂരു-മാള്‍ഡ ടൗണ്‍ എക്‌സ്പ്രസ് സ്‌പെഷ്യല്‍ ട്രെയിന്‍ ഫെബ്രുവരി 22, മാര്‍ച്ച് 1, മാര്‍ച്ച് 8 എന്നീ തീയതികളില്‍ രാത്രി 11.40ന് ബെംഗളൂരുവില്‍ നിന്ന് പുറപ്പെടും.
മാള്‍ഡ ടൗണ്‍-എസ്എംവിടി ബെംഗളൂരു വീക്ക്‌ലി എക്‌സ്പ്രസ് സ്‌പെഷ്യല്‍ ട്രെയിന്‍ (06566) ഫെബ്രുവരി 25, മാര്‍ച്ച് 4, മാര്‍ച്ച് 11 തീയതികളില്‍ വൈകീട്ട് 4 മണിക്ക് മാള്‍ഡയില്‍ നിന്ന് യാത്ര തിരിക്കും.
