Kerala Assembly Election 2026: കേരളമുൾപ്പെടെ അഞ്ച് സംസ്ഥാനങ്ങളിൽ നിയമസഭാ തിരഞ്ഞെടുപ്പ് പ്രഖ്യാപനം ഉടൻ; വോട്ടെടുപ്പ് ഏപ്രിലിലോ?
Election Commission May Announce Assembly Poll Dates: 2021-ലെ തിരഞ്ഞെടുപ്പിനെ അപേക്ഷിച്ച് ഇക്കുറി വോട്ടെടുപ്പ് ഘട്ടങ്ങളുടെ എണ്ണം കുറയ്ക്കാനാണ് കമ്മീഷന്റെ ആലോചന. കുറഞ്ഞ ഘട്ടങ്ങളിൽ വോട്ടെടുപ്പ് പൂർത്തിയാക്കാൻ കേന്ദ്ര സേനയുടെ വലിയ തോതിലുള്ള വിന്യാസം ഉണ്ടാകും.
Kerala Assembly Election
ന്യൂഡൽഹി: കേരളം ഉൾപ്പെടെയുള്ള അഞ്ച് സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും നിയമസഭാ തിരഞ്ഞെടുപ്പ് തീയതികൾ മാർച്ച് 15-ന് ശേഷം ഏത് സമയവും പ്രഖ്യാപിച്ചേക്കും. പശ്ചിമ ബംഗാളിലെ അന്തിമ വോട്ടർപട്ടികയുമായി ബന്ധപ്പെട്ട അപ്പീൽ നൽകാനുള്ള സമയപരിധി മാർച്ച് 15-ന് അവസാനിക്കുന്ന സാഹചര്യത്തിലാണിത്.
കേരളം, തമിഴ്നാട്, അസം, പശ്ചിമ ബംഗാൾ എന്നീ സംസ്ഥാനങ്ങളിലും പുതുച്ചേരി കേന്ദ്രഭരണ പ്രദേശത്തുമാണ് ഇക്കുറി വോട്ടെടുപ്പ് നടക്കുന്നത്. കേരളം, തമിഴ്നാട്, പുതുച്ചേരി എന്നിവിടങ്ങളിൽ ഒരൊറ്റ ഘട്ടമായി വോട്ടെടുപ്പ് പൂർത്തിയാക്കാനാണ് കേന്ദ്ര തിരഞ്ഞെടുപ്പ് കമ്മീഷൻ ലക്ഷ്യമിടുന്നത്. എന്നാൽ പശ്ചിമ ബംഗാൾ, അസം എന്നിവിടങ്ങളിൽ ഒന്നിലധികം ഘട്ടങ്ങളിലായി വോട്ടെടുപ്പ് നടന്നേക്കും.
Also Read- ആര്ത്തവാവധി നല്കിയാല് പിന്നെയാരും സ്ത്രീകളെ ജോലിക്കെടുക്കില്ല: സുപ്രീംകോടതി
2021-ലെ തിരഞ്ഞെടുപ്പിനെ അപേക്ഷിച്ച് ഇക്കുറി വോട്ടെടുപ്പ് ഘട്ടങ്ങളുടെ എണ്ണം കുറയ്ക്കാനാണ് കമ്മീഷന്റെ ആലോചന. കുറഞ്ഞ ഘട്ടങ്ങളിൽ വോട്ടെടുപ്പ് പൂർത്തിയാക്കാൻ കേന്ദ്ര സേനയുടെ വലിയ തോതിലുള്ള വിന്യാസം ഉണ്ടാകും. ഏകദേശം 1.5 ലക്ഷത്തോളം ജവാന്മാരെ വിന്യസിച്ചേക്കുമെന്നാണ് സൂചന. പശ്ചിമ ബംഗാളിൽ മാത്രം നിലവിൽ 500 കമ്പനി സേനയെ മുൻകൂട്ടി വിന്യസിച്ചിട്ടുണ്ട്.
പശ്ചിമ ബംഗാളിലെ 294 മണ്ഡലങ്ങളിലും വരണാധികാരികളെ നിയമിച്ചുകൊണ്ടുള്ള വിജ്ഞാപനം തിരഞ്ഞെടുപ്പ് കമ്മീഷൻ പുറപ്പെടുവിച്ചു. കേരളം, തമിഴ്നാട്, പുതുച്ചേരി എന്നിവിടങ്ങളിൽ അന്തിമ വോട്ടർപട്ടിക സംബന്ധിച്ച അപ്പീൽ നടപടികൾ ഇതിനകം പൂർത്തിയായിട്ടുണ്ട്. പശ്ചിമ ബംഗാൾ നിയമസഭയുടെ കാലാവധി മെയ് 7-ന് അവസാനിക്കുന്നതിനാൽ, ഏപ്രിൽ മാസത്തിലും മെയ് ആദ്യവാരത്തിലുമായി വോട്ടെടുപ്പ് പ്രക്രിയകൾ പൂർത്തിയാകാനാണ് സാധ്യത.
