ജിഎസ്ടി ഉദ്യോഗസ്ഥരുടെ അറസ്റ്റ് അധികാരം നിർത്തലാക്കുന്നു; പ്രോസിക്യൂഷൻ പരിധി ഉയർത്തി

ന്യൂഡൽഹി : ബിസിനസ് രംഗത്ത് കൂടുതൽ അനുകൂലമായ സാഹചര്യം ഒരുക്കുന്നതിന്റെ ഭാഗമായി ജിഎസ്ടി നിയമങ്ങളിൽ സുപ്രധാനമാറ്റങ്ങളുമായി ജിഎസ്ടി കൗൺസിൽ. മന്ത്രി നിർമല സീതാരാമന്റെ അധ്യക്ഷതയിൽ ചേർന്ന യോഗത്തിലാണ് ജിഎസ്ടി ഉദ്യോഗസ്ഥരുടെ അറസ്റ്റ് അധികാരങ്ങൾ നിർത്തലാക്കാനും പ്രോസിക്യൂഷൻ പരിധി ഒരു കോടി രൂപയിൽ നിന്ന് അഞ്ചു കോടി രൂപയായി ഉയർത്താനും അംഗീകാരം നൽകിയത്.

പിഴത്തുക 25,000 രൂപയിൽ നിന്ന് പതിനായിരം രൂപ…

കുറഞ്ഞ ശിക്ഷാ വ്യവസ്ഥകൾ ഒഴിവാക്കിക്കൊണ്ട് ശിക്ഷ ഓരോ കേസിലെയും സാഹചര്യങ്ങൾക്കനുസരിച്ച് ജുഡീഷ്യൽ വിവേചനാധികാരത്തിന് വിടാൻ കൗൺസിൽ തീരുമാനിച്ചതായി റിപ്പോർട്ട്. പ്രത്യേക പിഴയൊന്നും നിശ്ചയിച്ചിട്ടില്ലാത്ത പൊതു കേസുകളിൽ ബാധകമായ പിഴത്തുക 25,000 രൂപയിൽ നിന്ന് പതിനായിരം രൂപയായി കുറയ്ക്കും എന്നും മന്ത്രാലയം വ്യക്തമാക്കി.

ALSO READ:യുപിഐ ഇടപാടുകൾക്ക് ഫീസ്! ജനുവരി മുതൽ ഈടാക്കാൻ കേന്ദ്രം

റിക്കവറി പലിശ ആനുപാതികമായ പിഴ…

റിട്ടേൺ വൈകി ഫയൽ ചെയ്യുകയോ തെറ്റുകൾ വരുത്തുകയോ പെയ്മെന്റുകൾ വയ്കുകയോ ചെയ്യുന്ന നികുതി ധായകർക്ക് റിക്കവറി പലിശ ആനുപാതികമായ പിഴ എന്നിവയ്ക്ക് പുറമേ മറ്റു കടുത്ത നടപടികൾ നേരിടേണ്ടി വരില്ല. രാജ്യത്തുടനീളം ഉള്ള ബിസിനസ് സ്ഥാപനങ്ങൾ കർശനമായ നികുതി വ്യവസ്ഥകൾക്കെതിരെ പരാതി ഉന്നയിക്കുകയും ബിസിനസ് കൂടുതൽ എളുപ്പമാക്കാനുള്ള നടപടികൾ ആവശ്യപ്പെടുകയും ചെയ്തിരുന്നു.

ജിഎസ്ടി നിരപ്പുകളിൽ മാറ്റങ്ങൾ വരുത്തുന്നതിന് ഉപരിയായി ബിസിനസ് നടപടികൾ ലളിതമാക്കുന്നതിനും അനുസരണ ഭാരങ്ങൾ കുറയ്ക്കുന്നതിനുള്ള പ്രക്രിയ അധിഷ്ഠിത പരിഷ്കാരങ്ങളിലാണ് കൗൺസിൽ ശ്രദ്ധ കേന്ദ്രീകരിച്ചിരിക്കുന്നത് എന്ന് യോഗത്തിനുശേഷം മാധ്യമങ്ങളെ അഭിസംബോധന ചെയ്തുകൊണ്ട് മന്ത്രി നിർമല സീതാരാമൻ വ്യക്തമാക്കി.

ENGLISH SUMMARY

The GST Council has introduced significant changes to GST regulations as part of efforts to create a more favorable business environment. A meeting chaired by Minister Nirmala Sitharaman approved the withdrawal of arrest powers for GST officials and the raising of the prosecution threshold from ₹1 crore to ₹5 crore.Taxpayers who file returns late, make errors, or delay payments will not face severe measures other than recovery interest and proportionate penalties.