Air Force’s Fighter Jet Crashes: വ്യോമസേന വിമാനം തകർന്നുവീണു; രാജസ്ഥാനിൽ പൈലറ്റടക്കം രണ്ടുപേർക്ക് ദാരുണാന്ത്യം

Air Force's Fighter Jet Crashes

ജയ്‌പുർ: വ്യോമസേന വിമാനം തകർന്നുവീണ് പൈലറ്റടക്കം രണ്ടുപേർക്ക് ദാരുണാന്ത്യം. രാജസ്ഥാനിലെ ചുരുവിൽ ഭാനുഡ ഗ്രാമത്തിന് സമീപം ഇന്ന് ഉച്ചയ്ക്ക് ഒരു മണിയോടെയാണ് സംഭവം. SEPECAT ജാഗ്വാര്‍ വിമാനമാണ് ഒരു വയലിൽ തകര്‍ന്നു വീണത്. വിമാനം പൂർണമായും കത്തിനശിച്ചു. മ‍ൃതദേഹങ്ങൾ തിരിച്ചറിയാനുള്ള ശ്രമങ്ങൾ പുരോ​ഗമിക്കുകയാണ്.

സൂറത്ത്ഗഡ് വ്യോമതാവളത്തിൽ നിന്ന് പറന്നുയർന്ന വിമാനമാണ് തകർന്ന് വീണത്. പരിശീലനപ്പറക്കലിനിടെയാണ് അപകടമെന്നാണ് പുറത്തുവരുന്ന റിപ്പോർട്ട്. ഇതു സംബന്ധിച്ച് കൂടുതൽ വിവരങ്ങൾ പുറത്തുവരുന്നതേയുള്ളൂ.സംഭവത്തിൽ വ്യോമസേന അന്വേഷണം ആരംഭിച്ചിട്ടുണ്ട്.

Also Read:അങ്ങേയറ്റം ദുഃഖകരമായ സംഭവം; ഗുജറാത്തില്‍ പാലം തകര്‍ന്ന് 9 പേര്‍ മരിച്ചതില്‍ പ്രധാനമന്ത്രി

അതേസമയം ഏപ്രിലിൽ ഗുജറാത്തിലെ ജാംനഗറിന് സമീപം വ്യോമസേനയുടെ ഒരു ജാഗ്വർ യുദ്ധവിമാനം തകർന്നുവീണ് പൈലറ്റ് മരിച്ചിരുന്നു.