Viral Video: യുവതിയെ കടന്നുപിടിച്ച് ബലമായി ചുംബിച്ച് വനിത എഎസ്ഐ; വീഡിയോ വൈറൽ, ഒടുവിൽ സസ്പെൻഷൻ
Lady Police Officer Attempts to Kiss a Woman: സ്ത്രീ സുരക്ഷാ ഉറപ്പാക്കുന്നതിന് വേണ്ടി അടുത്തിടെയാണ് സിലിഗുഡി പോലീസ് കമ്മീഷണറേറ്റ് 24 മണിക്കൂർ പിങ്ക് പെട്രോൾ വാനുകൾ ആരംഭിച്ചത്.

കൊൽക്കത്ത: പിങ്ക് പോലീസിന്റെ പട്രോളിംഗിനിടെ സ്ത്രീയെ ബലമായി കടന്ന് പിടിച്ചു ചുംബിച്ച വനിതാ എഎസ്ഐയെ അന്വേഷണ വിധേയമായി സസ്പെൻഡ് ചെയ്തു. പിങ്ക് പെട്രോൾ സംഘത്തിൽ ഉണ്ടായിരുന്ന എഎസ്ഐ ടാനിയ റോയ്ക്കെതിരെയാണ് നടപടി സ്വീകരിച്ചത്. പശ്ചിമ ബംഗാളിലെ സിലിഗുഡിയിൽ വെച്ചാണ് സംഭവം നടന്നത്. ടാനിയ റോഡിൽ ഉണ്ടായിരുന്ന ഒരു സ്ത്രീയെ സംസാരിക്കുന്നതിനിടയിൽ ബലമായി കടന്ന് പിടിച്ചു ചുംബിക്കുകയായിരുന്നു.
ടാനിയ യുവതിയെ ചുംബിക്കുന്ന വീഡിയോ സംഭവ സ്ഥലത്ത് നിന്നും ഒരാൾ പകർത്തിയിരുന്നു. ഇത് സമൂഹമാധ്യമങ്ങളിൽ വന്നതോടെ വൈറലായി. വീഡിയോ പ്രചരിച്ചതോടെ ഇവർക്കെതിരെ വലിയ രീതിയിലുള്ള വിമർശനങ്ങളാണ് ഉയർന്നത്. ഇതിന് പിന്നാലെയാണ് നടപടി. സംഭവം നടക്കുന്ന സമയത്ത് ടാനിയ മദ്യപിച്ചിട്ടുണ്ടായിരുന്നു എന്നാണ് റിപ്പോർട്ട്. നേരത്തെയും ഇവർ പലരോടും മദ്യപിച്ച് മോശമായി പെരുമാറിയിട്ടുണ്ടെന്നാണ് വിവരം.
സ്ത്രീ സുരക്ഷാ ഉറപ്പാക്കുന്നതിന് വേണ്ടി അടുത്തിടെയാണ് സിലിഗുഡി പോലീസ് കമ്മീഷണറേറ്റ് 24 മണിക്കൂർ പിങ്ക് പെട്രോൾ വാനുകൾ ആരംഭിച്ചത്. ഇതിലെ ഒരു പെട്രോൾ സംഘത്തിലെ വനിതാ എഎസ്ഐയാണ് ടാനിയ റോയ്. നേരത്തെ, സിലിഗുഡിയിലെ ഒരു സ്കൂളിന് സമീപത്ത് വെച്ച് രാത്രിയിൽ സംസാരിക്കുകയായിരുന്ന പ്രായപൂർത്തിയാകാത്ത രണ്ട് വിദ്യാർത്ഥികളെ ടാനിയ മർദ്ദിച്ചതായും പരാതിയുണ്ട്. അന്നും ഇവർ മദ്യലഹരിയിൽ ആയിരുന്നെന്ന് കണ്ടെത്തിയിരുന്നു.
ഇതിന് പിന്നാലെയാണ് യുവതിയെ ചുംബിച്ച വിവാദം ഉയർന്നത്. സംഭവത്തിൽ എഎസ്ഐക്കെതിരെ വകുപ്പുതല അന്വേഷണം ആരംഭിച്ചതായി മുതിർന്ന ഉദ്യോഗസ്ഥർ അറിയിച്ചു.
വീഡിയോ കാണാം
𝗧𝗵𝗶𝘀 𝗶𝘀 𝗪𝗕 𝗽𝗼𝗹𝗶𝗰𝗲 𝗳𝗼𝗿 𝗬𝗼𝘂 !!
Legs wobble while patrolling, a woman hugged & kissed by WB police, suspended on complaint.The Siliguri Metropolitan Police launched a pink police van for the Women’s Safety.
According to sources, the pink van hit a gambler on… pic.twitter.com/UG7VU7yqQJ— Krishanu Singha (@KrishanuOnline) October 24, 2024