PM Modi Viksit Bharat: ‘വിക്സിത് ഭാരത്’ ലക്ഷ്യങ്ങളിലേക്ക് രാജ്യം; പ്രധാനമന്ത്രിയുടെ അധ്യക്ഷതയിൽ സെക്രട്ടറിമാരുടെ ഉന്നതതല യോഗം

ന്യൂഡൽഹി: ‘വിക്സിത് ഭാരത്’ (Viksit Bharat) എന്ന ലക്ഷ്യം കൈവരിക്കുന്നതിനായി ഗ്രാമവികസനം, കൃഷി, സാമൂഹികക്ഷേമം തുടങ്ങിയ വിവിധ അനുബന്ധ മേഖലകളുടെ പുരോഗതി അവലോകനം ചെയ്യുന്നതിനായി പ്രധാനമന്ത്രിയുടെ അധ്യക്ഷതയിൽ സെക്രട്ടറിമാരുടെ ഉന്നതതല യോഗം ചേർന്നു. രാജ്യത്തിന്റെ വികസനത്തിനും ഗ്രാമീണ മേഖലയുടെ വളർച്ചയ്ക്കുമായി നടപ്പിലാക്കുന്ന പദ്ധതികൾ യോഗം വിശദമായി വിലയിരുത്തി. കൂടാതെ ഭരണപരിഷ്കാരങ്ങളും വികസന പദ്ധതികളും നടപ്പിലാക്കുമ്പോൾ ശ്രദ്ധിക്കേണ്ട പ്രധാന വിഷയങ്ങളെക്കുറിച്ചും പ്രധാനമന്ത്രി യോഗത്തിൽ വ്യക്തമായ നിർദ്ദേശങ്ങൾ നൽകിയിട്ടുണ്ട്. ജനങ്ങളുടെ യഥാർത്ഥ ആവശ്യങ്ങൾ കണ്ടറിഞ്ഞ് രൂപകൽപ്പന ചെയ്യുന്ന പരിഷ്കാരങ്ങൾക്ക് മാത്രമേ യഥാർത്ഥ വേഗത കൈവരിക്കാനും അർത്ഥവത്തായ മാറ്റങ്ങൾ കൊണ്ടുവരാനും സാധിക്കൂ എന്ന് അദ്ദേഹം യോ​ഗത്തിൽ വ്യക്തമാക്കി.

സർക്കാരിന്റെ പ്രവർത്തനങ്ങൾ കൂടുതൽ മെച്ചപ്പെടുത്തുക എന്നത് മാത്രമല്ല ഭരണപരിഷ്കാരങ്ങളുടെ ലക്ഷ്യം, മറിച്ച് രാജ്യത്തെ ഒരു പൂർണ്ണ വികസിത രാഷ്ട്രമാക്കി മാറ്റാനുള്ള യാത്രയുടെ വേഗത വർദ്ധിപ്പിക്കുക കൂടിയാണെന്ന് പ്രധാനമന്ത്രി യോ​ഗത്തിൽ ഊന്നിപ്പറഞ്ഞു. വികസിത് ഭാരത് പദ്ധതിയിലൂടെ ഗ്രാമീണ മേഖലയിലെ ജനങ്ങളുടെ ജീവിതനിലവാരം ഉയർത്തുന്നതിനും കർഷകക്ഷേമം ഉറപ്പാക്കുന്നതിനും വിവിധ മന്ത്രാലയങ്ങൾ ഏകോപനത്തോടെ പ്രവർത്തിക്കണമെന്നും അദ്ദേഹം നിർദ്ദേശിച്ചു.

ALSO READ: ജനറിക് മരുന്നുകള്‍ക്ക് 200% തീരുവ; ട്രംപിന്റെ താരിഫ് യുദ്ധം ഇന്ത്യയെ ബാധിക്കും

ലക്ഷ്യമിട്ട വികസന നേട്ടങ്ങൾ കൃത്യസമയത്ത് പൂർത്തിയാക്കി അത് സാധാരണക്കാരായ ജനങ്ങളിലേക്ക് എത്തിക്കാനും സെക്രട്ടറിമാർക്ക് പ്രധാനമന്ത്രി നിർദ്ദേശം നൽകിയിട്ടുണ്ട്. രാജ്യത്തെ ഭരണ സംവിധാനങ്ങൾ അതിവേഗ മാറ്റങ്ങൾക്ക് സാക്ഷ്യം വഹിച്ചുകൊണ്ടിരിക്കുകയാണെന്നും, മാറുന്ന സാഹചര്യങ്ങൾക്കനുസരിച്ച് ഭരണ പ്രക്രിയകളെ ശക്തിപ്പെടുത്തേണ്ടത് അത്യാവശ്യമാണെന്നും പ്രധാനമന്ത്രി മോദി പറഞ്ഞു. വേഗത്തിൽ മാറിക്കൊണ്ടിരിക്കുന്ന സാമൂഹിക-സാമ്പത്തിക അന്തരീക്ഷത്തിന് അനുയോജ്യമായ രീതിയിൽ ഭരണ സംവിധാനങ്ങളെയും നയങ്ങളെയും പരിഷ്കരിക്കുകയും ശക്തിപ്പെടുത്തുകയും ചെയ്യേണ്ടതിൻ്റെ ആവശ്യകതയും അദ്ദേഹെം എടുത്തു പറഞ്ഞു.

സർക്കാരിൻ്റെ ഈ പദ്ധതിയുടെ പ്രധാന ശക്തിയും അടിത്തറയും ഇന്ത്യയിലെ യുവാക്കളാണ്. രാജ്യത്തെ യുവതലമുറയുടെ പങ്കാളിത്തമാണ് ഇന്ത്യയുടെ ഭാവി നിർണ്ണയിക്കുന്നത്. അതോടൊപ്പം യുവാക്കൾക്കിടയിലെ ഉയർന്നുവരുന്ന മയക്കുമരുന്ന് ദുരുപയോഗം എന്ന ഗുരുതരമായ പ്രശ്നം പരിഹരിക്കേണ്ടതിന്റെ പ്രാധാന്യവും പ്രധാനമന്ത്രി അടിവരയിട്ടു പറഞ്ഞു. രാജ്യത്ത് കായികരംഗത്തിന്റെ വളർച്ചയ്ക്കായി ഒരു സംയോജിത സമീപനം സ്വീകരിക്കേണ്ടത് അത്യാവശ്യമാണെന്ന് പ്രധാനമന്ത്രി വ്യക്തമാക്കി. ഭാവിയിൽ ലോകത്തെ പ്രമുഖ കായിക ശക്തിയായി ഇന്ത്യയെ മാറ്റുന്നതിനും ആഗോള കായിക കേന്ദ്രമായി മാറുന്നതിനും വേണ്ട നിർണ്ണായക കാഴ്ചപ്പാടുകളും യോ​ഗത്തിൽ അദ്ദേഹം പങ്കുവെച്ചു.

കായിക മേഖലയിൽ സാങ്കേതികവിദ്യ കൂടുതൽ പ്രയോജനപ്പെടുത്തണം. സ്പോർട്സ് രംഗത്തെ സ്റ്റാർട്ടപ്പുകളിലൂടെ നവീകരണവും പുതിയ ആശയങ്ങളും വളർത്തിയെടുക്കേണ്ടത് അത്യന്താപേക്ഷിതമാണ്. കായിക മേഖലയിൽ സാങ്കേതികവിദ്യ കൂടുതൽ പ്രയോജനപ്പെടുത്തണം. സ്പോർട്സ് രംഗത്തെ സ്റ്റാർട്ടപ്പുകളിലൂടെ നവീകരണവും പുതിയ ആശയങ്ങളും വളർത്തിയെടുക്കേണ്ടത് അത്യന്താപേക്ഷിതമാണ്. യുവാക്കളുടെയും കായിക രം​ഗത്തെയും വളർത്തുന്നതോടൊപ്പം, പ്രധാനമന്ത്രിയുടെ ‘പിഎം കുസും’ (PM-KUSUM) പോലുള്ള സൗരോർജ്ജ പദ്ധതികൾ കർഷകർ വ്യാപകമായി സ്വീകരിക്കുന്നത് കാർഷിക മേഖലയിൽ വിപ്ലവകരമായ മാറ്റങ്ങൾക്ക് വഴിയൊരുക്കുമെന്നും അദ്ദേഹം എടുത്തുപറഞ്ഞു.

വിക്സിത് ഭാരത് ലക്ഷ്യങ്ങളിലേക്ക് രാജ്യം അതിവേഗം മുന്നേറുന്നതിനായി ഉന്നതതല യോഗത്തിൽ വിവിധ മന്ത്രാലയങ്ങളിലെ സെക്രട്ടറിമാർ തങ്ങളുടെ വകുപ്പുകളിലെ പ്രവർത്തന പുരോഗതിയും കാഴ്ചപ്പാടുകളും പങ്കുവെച്ചു. ഓരോ മേഖലയിലും നേരിടുന്ന പ്രായോഗിക വെല്ലുവിളികളും അവ പരിഹരിക്കാൻ സ്വീകരിച്ച നടപടികളും സെക്രട്ടറിമാർ യോഗത്തിൽ വിശദീകരിച്ചു. വികസന പ്രവർത്തനങ്ങൾ ഭാവിയിൽ ഏതൊക്കെ ദിശയിലാണ് മുന്നോട്ട് പോകേണ്ടതെന്നതിനെക്കുറിച്ചുള്ള കൃത്യമായ നിർദ്ദേശങ്ങളും കാഴ്ചപ്പാടുകളും പ്രധാനമന്ത്രി സെക്രട്ടറിമാർക്ക് നൽകിയിട്ടുണ്ട്. കാബിനറ്റ് സെക്രട്ടറി, പ്രധാന മന്ത്രാലയങ്ങളുടെ സെക്രട്ടറിമാർ, പ്രധാനമന്ത്രിയുടെ ഓഫീസിലെ മുതിർന്ന ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.

English Summary:

Prime Minister today chaired a high-level meeting with Secretaries to review progress Viksit Bharat Goals, at his residence at 7, Lok Kalyan Marg earlier today. He suggested undertaking a comprehensive mapping of emerging requirements across various Ministries and Departments.

Updating….