LED Dome Planetarium: 42.7 ദശലക്ഷം പിക്സൽ ; ഇന്ത്യയിലെ ആദ്യത്തെ എൽഇഡി പ്ലാനറ്റോറിയം പ്രധാനമന്ത്രി മോദി ഉദ്ഘാടനം ചെയ്തു
PM Narendra Modi Inagurates Indias First LED Dome Planetarium: ലോകത്തിലെ തന്നെ ആദ്യത്തെ എൽഇഡി (LED) ഡോം പ്ലാനറ്റോറിയങ്ങളിൽ ഒന്നാണിത്. 8K-യിൽ കൂടുതൽ റെസല്യൂഷനുള്ള അതിശയിപ്പിക്കുന്ന ദൃശ്യങ്ങളിലൂടെ സന്ദർശകർക്ക് പ്രപഞ്ചത്തിന്റെ വിസ്മയങ്ങൾ നേരിട്ടറിയാനുള്ള സൗകര്യമാണ് ഇതിലൂടെ അവസരം ഒരുക്കിയിരിക്കുന്നത്.2022-ൽ കേന്ദ്ര ധനമന്ത്രി നിർമ്മല സീതാരാമൻ തറക്കല്ലിട്ട പദ്ധതിക്കായി, തന്റെ എംപി ഫണ്ടിൽ (MPLADS) നിന്നും 5 കോടി രൂപ അനുവദിച്ചതായും അവർ നവംബർ 12-ന് വ്യക്തമാക്കിയിരുന്നു.മൈസൂർ സർവകലാശാലയുമായി സഹകരിച്ച് ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്ട്രോഫിസിക്സ്.....
Prime Minister Narendra Modi inaugurated the Cosmos-Mysuru Planetarium on Friday
ന്യൂഡൽഹി: കർണാടകയിലെ ശാസ്ത്ര വിദ്യാഭ്യാസത്തിനും ജ്യോതിശാസ്ത്ര പഠനത്തിനും പുത്തൻ ഉണർവേകി പ്രധാനമന്ത്രി നരേന്ദ്ര മോദി വെള്ളിയാഴ്ച ‘കോസ്മോസ്-മൈസൂരു’ പ്ലാനറ്റോറിയം ഉദ്ഘാടനം ചെയ്തു. ലോകത്തിലെ തന്നെ ആദ്യത്തെ എൽഇഡി (LED) ഡോം പ്ലാനറ്റോറിയങ്ങളിൽ ഒന്നാണിത്. 8K-യിൽ കൂടുതൽ റെസല്യൂഷനുള്ള അതിശയിപ്പിക്കുന്ന ദൃശ്യങ്ങളിലൂടെ സന്ദർശകർക്ക് പ്രപഞ്ചത്തിന്റെ വിസ്മയങ്ങൾ നേരിട്ടറിയാനുള്ള സൗകര്യമാണ് ഇതിലൂടെ അവസരം ഒരുക്കിയിരിക്കുന്നത്.
മൈസൂർ സർവകലാശാലയുമായി സഹകരിച്ച് ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്ട്രോഫിസിക്സ് (IIA) ആണ് ഈ അത്യാധുനിക പ്ലാനറ്റോറിയം വികസിപ്പിച്ചെടുത്തത്. കേന്ദ്ര ശാസ്ത്ര സാങ്കേതിക വകുപ്പ്, ആണവോർജ വകുപ്പ്, കേന്ദ്ര സർക്കാരിന്റെ പ്രിൻസിപ്പൽ സയന്റിഫിക് അഡ്വൈസറുടെ ഓഫീസ് എന്നിവയുടെ പിന്തുണയും ഈ പദ്ധതിക്കുണ്ട്. 2022-ൽ കേന്ദ്ര ധനമന്ത്രി നിർമ്മല സീതാരാമൻ തറക്കല്ലിട്ട പദ്ധതിക്കായി, തന്റെ എംപി ഫണ്ടിൽ (MPLADS) നിന്നും 5 കോടി രൂപ അനുവദിച്ചതായും അവർ നവംബർ 12-ന് വ്യക്തമാക്കിയിരുന്നു.
പ്ലാനറ്റോറിയത്തിന്റെ പ്രധാന ആകർഷണം….
കോസ്മോസ്-മൈസൂരു പ്ലാനറ്റോറിയത്തിന്റെ പ്രധാന ആകർഷണം സ്കൈ തിയേറ്ററിനുള്ളിലെ 15 മീറ്റർ ചരിഞ്ഞ എൽഇഡി ഡോമാണ് . പരമ്പരാഗത പ്ലാനറ്റോറിയങ്ങളിൽ നിന്ന് തികച്ചും വ്യത്യസ്തമാണ് ഈ തിയേറ്റർ. ഇതിൽ ഏകദേശം 160 സന്ദർശകരെ ഉൾക്കൊള്ളാൻ കഴിയും. 42.7 ദശലക്ഷം പിക്സലുകളുള്ള 6,148 എൽഇഡി പാനലുകളാണ് പ്രൊജക്ടറുകൾ ഉപയോഗിക്കുന്നതിന് പകരംഇവിടെ ഉപയോഗിച്ചിരിക്കുന്നത്. ഈ സാങ്കേതികവിദ്യ താഴികക്കുടത്തെ തന്നെ ഒരു വലിയ സ്ക്രീനായി മാറ്റുകയും, ആകാശഗോളങ്ങളുടെയും ജ്യോതിശാസ്ത്ര പ്രതിഭാസങ്ങളുടെയും അതിസൂക്ഷ്മമായ ദൃശ്യങ്ങൾ പ്രദാനം ചെയ്യുകയും ചെയ്യുന്നു.
ഇതു കൂടാതെ രണ്ട് ഇന്ററാക്ടീവ് എക്സിബിഷൻ ഹാളുകൾ, 150-ലധികം പേർക്ക് ഇരിക്കാവുന്ന ലെക്ചർ ഹാൾ, പരിശീലന കേന്ദ്രം, റെക്കോർഡിംഗ് സ്റ്റുഡിയോ എന്നിവയും ഈ സമുച്ചയത്തിലുണ്ട്. ജന്തർ മന്തറിൽ നിന്ന് പ്രചോദനം ഉൾക്കൊണ്ടുള്ള ജ്യോതിശാസ്ത്ര മോഡലുകൾ, ഐഎസ്ആർഒ (ISRO) പ്രദർശനങ്ങൾ, ഓപ്പൺ എയർ ആംഫി തിയേറ്റർ എന്നിവയാണ് മറ്റ് പുറംകാഴ്ചകൾ.വിദ്യാർത്ഥികളെയും ഗവേഷകരെയും വിനോദസഞ്ചാരികളെയും ഒരുപോലെ ആകർഷിക്കുന്നതിലൂടെ, ശാസ്ത്ര വിദ്യാഭ്യാസത്തിന്റെ പ്രധാന കേന്ദ്രമെന്ന നിലയിൽ മൈസൂരുവിന്റെ സ്ഥാനം കൂടുതൽ ശക്തിപ്പെടുത്താൻ ഈ പ്ലാനറ്റോറിയത്തിന് സാധിക്കുമെന്ന് അധികൃതർ പ്രതീക്ഷിക്കുന്നു.
ENGLISH SUMMARY
Giving a fresh impetus to science education and the study of astronomy in Karnataka, Prime Minister Narendra Modi inaugurated the ‘Cosmos-Mysuru’ planetarium on Friday. It is one of the world’s first LED-dome planetariums. Through stunning visuals with a resolution exceeding 8K, it offers visitors the opportunity to experience the wonders of the universe firsthand.
