Goa Shirgaon Temple Stampede : ഗോവയിലെ ക്ഷേത്രത്തിൽ തിക്കിലും തിരക്കിലും പെട്ട് ആറ് പേർ മരിച്ചു, നിരവധി പേർക്ക് പരിക്ക്

പനാജി : ഗോവ ഷിരഗാവണിലെ ക്ഷേത്രത്തിലെ തിക്കലും തിരക്കലും പെട്ട് ആറോളം പേർ മരിച്ചു, 50ൽ അധികം പേർക്ക് പരിക്കേറ്റതായിട്ട് റിപ്പോർട്ട്. ഷിരഗാവൺ ക്ഷേത്രത്തിൽ എല്ലാ വർഷവും നടക്കുന്ന ലെയ്റായി ദേവി യാത്രയ്ക്കിടെ ശനിയാഴ്ച പുലർച്ചെയാണ് അപകടം സംഭവിച്ചിരിക്കുന്നത്. നിയന്ത്രണാതീതമായി തിരക്ക് അനുഭവപ്പെട്ടതോടെയാണ് അപകടം ഉണ്ടാകാൻ കാരണമെന്നാണ് പ്രാഥമിക നിഗമനം. പരിക്കേറ്റവരെ ഉടൻ തന്നെ സമീപത്തെ അശുപത്രിയിൽ എത്തിച്ചു. പത്തോളം പേരുടെ നില ഗുരതമാണ് ഗോവ ആരോഗ്യ മന്ത്രി വിശ്വജിത് റാണെ അറിയിച്ചു.

വാർത്ത പുറത്ത് വന്നതിന് പിന്നെ സംഭവത്തിൽ വിശദാംശങ്ങൾ തേടി പ്രധാനമന്ത്രി നരേന്ദ്ര മോദി ഗോവ മുഖ്യമന്ത്രി പ്രമോദ് സാവന്തിനെ ടെലിഫോണിൽ ബന്ധപ്പെട്ടു. സംഭവത്തിൽ പ്രധാനമന്ത്രി ദുഃഖം രേഖപ്പെടുത്തികൊണ്ട് എക്സ് പോസ്റ്റ് പങ്കുവെക്കുകയും ചെയ്തു. അപകടത്തിൽ മരണപ്പെട്ടവരുടെ കുടംബത്തിന് എല്ലാ പിന്തുണ നൽകുമെന്നും പരിക്കേറ്റവർക്ക് മികച്ച ചികിത്സ ഉറപ്പാക്കുമെന്നും മുഖ്യമന്ത്രി അറിയിച്ചു.

ALSO READ : നഴ്സിനെ കല്ലുകൊണ്ട് തലയ്ക്കടിച്ച് കൊലപ്പെടുത്തിയ നിലയിൽ; ഭർത്താവ് പിടിയിൽ

അതേസമയം അപകടത്തിൻ്റെ യഥാർഥ കാരണം ഇതുവരെ അധികൃതർ വ്യക്തമാക്കിട്ടില്ല. തിരക്ക് നിയന്ത്രിക്കാൻ വേണ്ടത്ര സുരക്ഷ സംവിധാനങ്ങൾ ഉണ്ടായിരുന്നില്ലയെന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. നോർത്ത് ഗോവയിലെ ഷിരാഗാവണിൽ എല്ലാ വർഷം ആഘോഷിക്കുന്ന ഉത്സവമാണ് ലെയ്റാ ദേവി യാത്ര