കൊച്ചിയിൽ അതിഥി തൊഴിലാളി സ്ത്രീകള്‍ തമ്മിലുണ്ടായ തര്‍ക്കത്തിൽ 13കാരിക്ക് വെട്ടേറ്റു

പ്രതീകാത്മക ചിത്രം

കൊച്ചി: കാക്കനാട് അതിഥി തൊഴിലാളികൾ തമ്മിലുണ്ടായ തർക്കത്തിൽ 13 കാരിക്ക് വെട്ടേറ്റു. സൈബ അക്താര എന്ന പെൺകുട്ടിക്കാണ് തലയ്ക്കു ഗുരുതരമായി വെട്ടേറ്റത്. സംഭവത്തിൽ ഗുരുതരമായി പരിക്ക് പറ്റിയ പെൺകുട്ടിയെ കളമശ്ശേരി മെഡിക്കൽ കോളേജിൽ പ്രവേശിപ്പിച്ചു.

രാത്രി 7 മണിയോടെയാണ് സംഭവം തർക്കത്തിനിടെ ഒരു സ്ത്രീ മറ്റൊരു സ്ത്രീയെ വാക്കത്തി കൊണ്ട് ആക്രമിക്കാൻ ശ്രമിച്ചപ്പോൾ ഇതിനിടെ 13 കാരിക്ക് വെട്ടേൽക്കുകയായിരുന്നു. ആക്രമണം തടയാൻ ശ്രമിച്ച മറ്റൊരാൾക്കും പരിക്ക് പറ്റിയതയാണ് വിവരം.