Electricity Consumption: സംസ്ഥാനത്ത് വൈദ്യുതി ഉപഭോഗം സർവ്വകാല റെക്കോർഡിൽ; ജാഗ്രത നിർദ്ദേശവുമായി കെഎസ്ഇബി
Electricity Consumption: ഇന്നലത്തെ മൊത്തം വൈദ്യുതോപഭോഗം 116.11 ദശലക്ഷം യൂണിറ്റ് ആണ്. 2024 മെയ് 3 ന് രേഖപ്പെടുത്തിയ മൊത്തം ഉപഭോഗം 115.94 ദശലക്ഷം യൂണിറ്റ് ആയിരുന്നു. ഈ റെക്കോർഡ് ആണ് കഴിഞ്ഞ ദിവസം മറി കിടന്നത്. ഇതേ കാലയളവിലെ കഴിഞ്ഞ വർഷത്തെ കണക്കുകൾ നോക്കുമ്പോൾ 8 ദശലക്ഷം യൂണിറ്റിന്റെ വർധനവാണ് ഇപ്പോൾ കാണിക്കുന്നത്. ചൂട് വർധിച്ചതോടെ വീടുകളിലും സ്ഥാപനങ്ങളിലും.........
പ്രതീകാത്മക ചിത്രം
തിരുവനന്തപുരം: സംസ്ഥാനത്ത് വേനൽ ചൂട് കടുത്തതോടെ വൈദ്യുത ഉപഭോഗവും സർവ്വകാല റെക്കോർഡിലേക്ക്. ഇന്നലെ വൈകുന്നേരത്തെ മാത്രം കണക്കുകൾ പ്രകാരം വൈദ്യുതി ആവശ്യകത 6013 മെഗാവാട്ടായി ഉയർന്നു. കേരള ചരിത്രത്തിൽ തന്നെ ഇത് ആദ്യമായിട്ടാണ് പീക്ക് സമയത്തെ വൈദ്യുതിവൈദ്യുതി ആവശ്യകത 6000 മെഗാവാട്ട് പിന്നിടുന്നത്. ഈ മാസം പതിനാലാം തീയതി ഏറ്റവും കൂടിയ മെഗാവാട്ടായി 6012 രേഖപ്പെടുത്തിയിരുന്നു. ഇതാണ് ഇപ്പോൾ കഴിഞ്ഞദിവസം തിരുത്തിയത്.
ഇന്നലത്തെ മൊത്തം വൈദ്യുതോപഭോഗം 116.11 ദശലക്ഷം യൂണിറ്റ് ആണ്. 2024 മെയ് 3 ന് രേഖപ്പെടുത്തിയ മൊത്തം ഉപഭോഗം 115.94 ദശലക്ഷം യൂണിറ്റ് ആയിരുന്നു. ഈ റെക്കോർഡ് ആണ് കഴിഞ്ഞ ദിവസം മറി കിടന്നത്. ഇതേ കാലയളവിലെ കഴിഞ്ഞ വർഷത്തെ കണക്കുകൾ നോക്കുമ്പോൾ 8 ദശലക്ഷം യൂണിറ്റിന്റെ വർധനവാണ് ഇപ്പോൾ കാണിക്കുന്നത്. ചൂട് വർധിച്ചതോടെ വീടുകളിലും സ്ഥാപനങ്ങളിലും എസി, കൂളർ തുടങ്ങിയ ഉപകരണങ്ങൾ അമിതമായി ഉപയോഗിക്കുന്നതാണ് ഇത്തരത്തിൽ ഉപഭോഗം വർധിക്കാൻ കാരണമെന്ന് കെഎസ്ഇബി.
ALSO READ:ഇനി അയലയും മത്തിയും കഴിക്കാൻ കൊതിക്കുമോ? കേരളത്തിൽ മത്സ്യലഭ്യത കുറഞ്ഞു
ഇപ്പോഴുള്ള ഈ പ്രതിസന്ധിയും മറികടക്കുന്നതിന് വേണ്ടി വൈദ്യുതിയുടെ ഉൽപാദനവും വർധിപ്പിക്കുമെന്ന് കെഎസ്ഇബി അറിയിച്ചിട്ടുണ്ട്. എന്നാൽ, പുറത്തുനിന്ന് വൈദ്യുതി വൻതോതിൽ വാങ്ങേണ്ടി വരുന്നത് ബോർഡിന് വലിയ സാമ്പത്തിക ബാധ്യതയാണ് സൃഷ്ടിക്കുന്നത്. അധികമായി വാങ്ങുന്ന ഈ വൈദ്യുതിയുടെ ചെലവ് വരും മാസങ്ങളിലെ ഇന്ധന സർചാർജിൽ പ്രതിഫലിക്കാൻ സാധ്യതയുണ്ടെന്നും സൂചന.
