Renu sudhi: ചുവന്ന കൊടി കാണുമ്പോൾ രക്തം തിളയ്ക്കും; രാഷ്ട്രീയ നിലപാട് വ്യക്തമാക്കി രേണു സുധി
Renu Sudhi Declares Political Support for LDF: ഇപ്പോഴത്തെ ഭരണാധികാരികൾ തന്നെ വീണ്ടും അധികാരത്തിൽ വരണമെന്നാണ് തന്റെ ആഗ്രഹമെന്ന് രേണു പറഞ്ഞു. സർക്കാരിന്റെ പ്രവർത്തന മികവിന് ഉദാഹരണമായി കോട്ടയം മെഡിക്കൽ കോളേജിന്റെ വികസനത്തെ താരം ചൂണ്ടിക്കാട്ടി. അവിടുത്തെ സൗകര്യങ്ങൾ കണ്ണാടി പോലെ തിളങ്ങുകയാണെന്നും പാവപ്പെട്ടവർക്ക് വേണ്ടി നിലകൊള്ളുന്ന പാർട്ടിയാണ് ഇടതുപക്ഷമെന്നും രേണു കൂട്ടിച്ചേർത്തു.
Renu Sudhi
കൊച്ചി: ബിഗ് ബോസ് മലയാളം സീസൺ 7-ലൂടെ ശ്രദ്ധേയയായ നടി രേണു സുധി തന്റെ രാഷ്ട്രീയ ചായ്വ് തുറന്നുപറഞ്ഞു. നിയമസഭാ തിരഞ്ഞെടുപ്പിന്റെ പശ്ചാത്തലത്തിൽ അമ്മ ജിടിവിക്ക് നൽകിയ അഭിമുഖത്തിലാണ് താൻ ഒരു കടുത്ത എൽഡിഎഫ് അനുഭാവിയാണെന്ന് താരം വെളിപ്പെടുത്തിയത്.
ചെറുപ്പം മുതലേ താൻ ഇടതുപക്ഷ ചിന്താഗതി വെച്ചുപുലർത്തുന്ന ആളാണെന്നും പാർട്ടിയുടെ പ്രവർത്തനങ്ങളിൽ സജീവമായി പങ്കെടുത്തിട്ടുണ്ടെന്നും രേണു പറഞ്ഞു. “ചുവന്ന കൊടി കാണുമ്പോൾ ബ്ലഡിൽ കൂടി ഒരു സാധനം ഇങ്ങോട്ട് ഇരച്ചുകയറും. എനിക്കത് മറച്ചുവെക്കേണ്ട കാര്യമില്ല. കേരളം ചുവക്കട്ടെ എന്ന് ആത്മാർത്ഥമായി ആഗ്രഹിക്കുന്ന ആളാണ് ഞാൻ.” – രേണു സുധി വ്യക്തമാക്കി.
ഇപ്പോഴത്തെ ഭരണാധികാരികൾ തന്നെ വീണ്ടും അധികാരത്തിൽ വരണമെന്നാണ് തന്റെ ആഗ്രഹമെന്ന് രേണു പറഞ്ഞു. സർക്കാരിന്റെ പ്രവർത്തന മികവിന് ഉദാഹരണമായി കോട്ടയം മെഡിക്കൽ കോളേജിന്റെ വികസനത്തെ താരം ചൂണ്ടിക്കാട്ടി. അവിടുത്തെ സൗകര്യങ്ങൾ കണ്ണാടി പോലെ തിളങ്ങുകയാണെന്നും പാവപ്പെട്ടവർക്ക് വേണ്ടി നിലകൊള്ളുന്ന പാർട്ടിയാണ് ഇടതുപക്ഷമെന്നും രേണു കൂട്ടിച്ചേർത്തു.
ബിഗ് ബോസിന് ശേഷം ഉദ്ഘാടനങ്ങളും ആൽബം ഷൂട്ടിംഗുകളുമായി തിരക്കിലായ രേണുവിന്റെ ഈ രാഷ്ട്രീയ പ്രഖ്യാപനം സോഷ്യൽ മീഡിയയിൽ വലിയ ചർച്ചകൾക്ക് തുടക്കമിട്ടിട്ടുണ്ട്.
