Kerala Rain Forecast April 2026: മഴ കിട്ടാത്തവര്‍ വിഷമിക്കേണ്ട; ഏപ്രിലില്‍ വരുന്നുണ്ട് ‘പെരുംമഴ’; വിഷുവാഘോഷം നനയുമോ?

ഏപ്രിലില്‍ കേരളം ഉള്‍പ്പെടെയുള്ള സംസ്ഥാനങ്ങളില്‍ സാധാരണയില്‍ കൂടുതല്‍ മഴ ലഭിക്കാന്‍ സാധ്യതയെന്ന് കേന്ദ്ര കാലാവസ്ഥ വകുപ്പ്. വടക്കുകിഴക്കൻ ഇന്ത്യ ഒഴികെയുള്ള രാജ്യത്തിന്റെ മിക്ക ഭാഗങ്ങളിലും സാധാരണയേക്കാൾ കൂടുതൽ മഴ ലഭിക്കാൻ സാധ്യതയുണ്ട്. വടക്കുകിഴക്കൻ ഇന്ത്യയുടെ പല ഭാഗങ്ങളിലും സാധാരണയേക്കാൾ കുറഞ്ഞ മഴ ലഭിക്കുമെന്ന് പ്രതീക്ഷിക്കുന്നതായി കാലാവസ്ഥ വകുപ്പ് അറിയിച്ചു.

ഏപ്രിലിൽ, രാജ്യത്തിന്റെ പല ഭാഗങ്ങളിലും പരമാവധി താപനില സാധാരണ നിലയിലോ, അതില്‍ താഴെയോ ആയിരിക്കാന്‍ സാധ്യതയുണ്ട്. കിഴക്കൻ, വടക്കുകിഴക്കൻ ഇന്ത്യയുടെ പല ഭാഗങ്ങളിലും വടക്കുപടിഞ്ഞാറൻ ഇന്ത്യയുടെ ചില ഭാഗങ്ങളിലും സാധാരണയിൽ കൂടുതൽ താപനില പ്രതീക്ഷിക്കുന്നു.

ഏപ്രിലിൽ, ഒഡീഷ, പശ്ചിമ ബംഗാള്‍, തമിഴ്‌നാട് എന്നീ സംസ്ഥാനങ്ങളിലെയും, കേന്ദ്രഭരണപ്രദേശമായ പുതുച്ചേരിയിലെയും തീരപ്രദേശങ്ങളിലും ഗുജറാത്ത്, മഹാരാഷ്ട്ര, കർണാടക എന്നിവിടങ്ങളിലെ ഒറ്റപ്പെട്ട പ്രദേശങ്ങളിലും കൂടുതൽ ഉഷ്ണതരംഗള്‍ക്ക് സാധ്യതയുണ്ടെന്നും കാലാവസ്ഥ വകുപ്പ് വ്യക്തമാക്കി.

Also Read: Kerala Weather Update: മഴ നനഞ്ഞ് അവധി ആഘോഷിക്കാം, കാലാവസ്ഥ ഇങ്ങനെ

നിലവിൽ, ഇക്വട്ടോറിയല്‍ പസഫിക് സമുദ്രത്തിൽ ന്യൂട്രൽ എൽ നിനോ-സതേൺ ഓസിലേഷൻ (ENSO) അവസ്ഥകൾ നിലനിൽക്കുന്നുണ്ട്. ഏപ്രിൽ മുതൽ ജൂൺ വരെയുള്ള കാലയളവിൽ ന്യൂട്രൽ എൽ നിനോ-സതേൺ ഓസിലേഷൻ സാഹചര്യങ്ങൾ തുടരാനാണ് സാധ്യത എന്നാണ് മൺസൂൺ മിഷൻ ക്ലൈമറ്റ് ഫോർകാസ്റ്റ് സിസ്റ്റത്തിന്റെ (എംഎംസിഎഫ്എസ്) ഏറ്റവും പുതിയ പ്രവചനങ്ങൾ സൂചിപ്പിക്കുന്നത്. അതിനുശേഷം, എൽ നിനോ സാഹചര്യങ്ങൾ ഉണ്ടാകാനുള്ള സാധ്യത ക്രമേണ വർധിക്കുമെന്നും കേന്ദ്ര കാലാവസ്ഥ വകുപ്പ് അറിയിച്ചു.

കാലാവസ്ഥ വകുപ്പിന്റെ അറിയിപ്പ്‌

अप्रैल 2026 के लिए मासिक वर्षा का आउटलुक

Monthly Rainfall Outlook for April 2026

अधिक जानकारी के लिए, कृपया इस लिंक पर जाएं : https://t.co/AOdiwR5SIc

For more information, visit: https://t.co/ABHV9AhQCC#WeatherUpdate #HeatwaveAlert #SeasonalForecast #TemperatureTrends… pic.twitter.com/SKsLnlgV9R

— India Meteorological Department (@Indiametdept) March 31, 2026