Narendra Modi: പ്രധാനമന്ത്രിയുടെ വരവ്, തിരുവനന്തപുരത്ത് ഇന്നും ഗതാഗത നിയന്ത്രണം; ഇതുവഴി പോകരുത്
April 15 Vishu Day PM Roadshow in Nagercoil Traffic Restrictions in Thiruvananthapuram: പ്രധാനമന്ത്രിയുടെ വരവിന്റെ ഭാഗമായി തലസ്ഥാന നഗരിയില് പകല് 11.30 മുതല് രാത്രി 7 മണി വരെ ഗതാഗത നിയന്ത്രണമേര്പ്പെടുത്തി. വാഹനങ്ങളുടെ കടന്നുപോക്കില് ഏര്പ്പെടുത്തിയ നിയന്ത്രണത്തിന് പുറമെ പാര്ക്കിങ്ങിലും പൊതുജനങ്ങള് ശ്രദ്ധിക്കേണ്ടതുണ്ട്.
നരേന്ദ്ര മോദി
തിരുവനന്തപുരം: പ്രധാനമന്ത്രി നരേന്ദ്ര മോദിയുടെ നാഗര്കോവില് സന്ദര്ശനത്തെ തുടര്ന്ന് തിരുവനന്തപുരത്ത് ഗതാഗത നിയന്ത്രണം. എഐഡിഎംകെ-ബിജെപി സഖ്യത്തിന് വേണ്ടി തിരഞ്ഞെടുപ്പ് പ്രചരണത്തിനായാണ് പ്രധാനമന്ത്രി നാഗര്കോവിലില് എത്തുന്നത്. തിരുവനന്തപുരം വിമാനത്താവളത്തിലെത്തുന്ന അദ്ദേഹം റോഡ് ഷോയായാണ് പരിപാടി സ്ഥലത്തേക്ക് എത്തുക.
പ്രധാനമന്ത്രിയുടെ വരവിന്റെ ഭാഗമായി തലസ്ഥാന നഗരിയില് പകല് 11.30 മുതല് രാത്രി 7 മണി വരെ ഗതാഗത നിയന്ത്രണമേര്പ്പെടുത്തി. വാഹനങ്ങളുടെ കടന്നുപോക്കില് ഏര്പ്പെടുത്തിയ നിയന്ത്രണത്തിന് പുറമെ പാര്ക്കിങ്ങിലും പൊതുജനങ്ങള് ശ്രദ്ധിക്കേണ്ടതുണ്ട്.
തിരുവനന്തപുരത്ത് ഗതാഗത നിയന്ത്രണം
ഡൊമസ്റ്റിക് എയര്പോര്ട്ട് – ചാക്ക – ബേക്കറി ജങ്ഷന് – വിമന്സ് കോളേജ് ജങ്ഷന് – തമ്പാനൂര് ഫ്ളൈഓവര് – കിള്ളിപ്പാലം – പള്ളിച്ചല് റോഡ് ചാക്ക – അനന്തപുരി ഹോസ്പിറ്റല് റോഡ് ചാക്ക – വെണ്പാലവട്ടം – കിംസ് ആശുപത്രി റോഡ് പള്ളിമുക്ക് – കുമാരപുരം – മെഡിക്കല് കോളേജ് ആശുപത്രി റോഡ് എന്നീ റോഡുകളിലാണ് ഗതാഗത നിയന്ത്രണം ഏര്പ്പെടുത്തിയിരിക്കുന്നത്.
ശംഖുമുഖം, ചാക്ക, വഴുതക്കാട്, പൂജപ്പുര, തമ്പാനൂര്, നേമം തുടങ്ങി വിവിധ ഭാഗങ്ങളില് ഗതാഗതം വഴിതിരിച്ചുവിടും. പ്രധാനമന്ത്രി കടന്നുപോകുമ്പോള് ഇടറോഡുകളില് നിന്ന് പ്രധാന പാതകളിലേക്ക് പ്രവേശനമുണ്ടായിരിക്കില്ല. മാത്രമല്ല, ഈ റോഡുകളുടെ ഇരുവശങ്ങളിലും വാഹനങ്ങള് പാര്ക്ക് ചെയ്യാനും പാടുള്ളതല്ല.
Also Read: PM Modi Kerala Visit: പ്രധാനമന്ത്രി നരേന്ദ്ര മോദി ഇന്ന് കേരളത്തിൽ; തൃശൂരിൽ എൻഡിഎയുടെ റോഡ് ഷോ
വിമാനത്താവളത്തിലേക്ക് പോകുന്നവരും ശ്രദ്ധിക്കൂ
ഉച്ചയ്ക്ക് 2 മണി മുതല് വൈകിട്ട് 4 മണി വരെയും വൈകിട്ട് 6 മണി മുതല് 7 മണി വരെയും ശംഖുമുഖം ഭാഗത്ത് നിന്ന് ഡൊമസ്റ്റിക് എയര്പോര്ട്ടിലേക്കും തിരിച്ചും വാഹന ഗതാഗതം അനുവദിക്കില്ല. അതിനാല് വിമാനത്താവളത്തിലേക്ക് പോകേണ്ടവര് അതിനനുസരിച്ച് യാത്ര പ്ലാന് ചെയ്യണമെന്ന് അധികൃതര് അറിയിച്ചു. വിമാനത്താവളത്തിലേക്ക് പോകാനായി ചാക്ക – ഈഞ്ചക്കല് – കല്ലുംമൂട് – വലിയതുറ വഴി തിരഞ്ഞെടുക്കണം. ഗതാഗത നിയന്ത്രണവുമായി ബന്ധപ്പെട്ട കൂടുതല് വിവരങ്ങള്ക്കായി പൊതുജനങ്ങള്ക്ക് 0471 2558731, 9497930055 എന്നീ ഹെല്പ്പ് ലൈന് നമ്പറുകളില് ബന്ധപ്പെടാവുന്നതാണ്.
