Baby Skincare Tips: നിങ്ങളുടെ കുഞ്ഞിന്റെ ചർമ്മം ശരിയായ രീതിയിൽ എങ്ങനെ പരിപാലിക്കാം?

മുതിർന്നവരുടെ ചർമ്മത്തേക്കാൾ മൃദുവും നേർത്തതുമാണ് കുഞ്ഞുങ്ങളുടെ ചർമ്മം. അവരിൽ ചർമ്മം സെൻസിറ്റീവായതിനാൽ നിരവധി ചർമ്മപ്രശ്നങ്ങളും നേരിടേണ്ടി വന്നേക്കാം. മുതിർന്നവരെ പോലെ അവരിൽ ചർമ്മ സംരക്ഷണങ്ങൾ വിദ്യകളൊന്നും അതികം പരീക്ഷിക്കാനും സാധിക്കില്ല. അതിനാൽ സ്റ്റിറോയിഡ് ക്രീമുകൾ, പാരബെൻസ് അല്ലെങ്കിൽ ആൻറിബയോട്ടിക്കുകൾ ഉപയോഗിക്കുമ്പോൾ ശ്രദ്ധിക്കണം.

ഒന്ന് മുതൽ രണ്ട് വർഷം വരെ ശിശുക്കളുടെ ചർമ്മ പൂർണ്ണമായും പക്വത പ്രാപിക്കുന്നില്ലാത്തതിനാൽ ആദ്യ വർഷങ്ങളിൽ അധിക പരിചരണം ആവശ്യമാണ്. കുഞ്ഞിന്റെ ചർമ്മത്തിന് താപനില നിയന്ത്രിക്കാൻ കഴിയില്ല, അതിനാൽ അവർക്ക് അനുയോജ്യമായ രീതിയിൽ റൂമുകളിൽ താപനില ഉറപ്പാക്കുക. കുഞ്ഞിന് ചുണങ്ങുണ്ടെങ്കിൽ സാധാരണയായി അമിതമായ ചൂടോ വസ്ത്രങ്ങളിൽ നിന്നുള്ള അലർജിയോ ആയിരിക്കും കാരണം.

കുഞ്ഞുങ്ങൾക്ക് സൂര്യതാപം പെട്ടെന്നാണ് ഏൽക്കുന്നത്. രാവിലെ 10 മുതൽ വൈകുന്നേരം നാല് വരെ അധികം സൂര്യപ്രകാശം ഏൽക്കുന്നത് ഒഴിവാക്കുകയും പതിവായി അവരിൽ ഉപയോ​ഗിക്കുന്ന സൺസ്‌ക്രീൻ ഉപയോഗിക്കുകയും ചെയ്യുക. കുഞ്ഞിന്റെ ചർമ്മത്തിൽ സ്വാഭാവിക മോയ്‌സ്ചറൈസിംഗ് കുറവായതിനാൽ അവ അധികം ആവശ്യമാണ്.

കുഞ്ഞുങ്ങളുടെ ചർമ്മത്തിൽ ph ഒരു പ്രധാന പങ്ക് വഹിക്കുന്നു. ജനനസമയത്ത് ph 7 ഉം അത് 5 ഉം ആയി മാറുന്നു. മുതിർന്നവരുടെ ചർമ്മത്തിന് അസിഡിക് ph ഉണ്ട്. അസിഡിക് ph അണുബാധയിൽ നിന്ന് നമ്മെ സംരക്ഷിക്കുന്നു. സോപ്പ്-രഹിതവും പ്രകോപനരഹിതവുമായ ഉൽപ്പന്നങ്ങൾ ഉപയോഗിക്കുക. അലന്റോയിൻ, ചാമോമൈൽ തുടങ്ങിയവ ഇത്തരത്തിൽ പിഎച്ച് നിലനിർത്താൻ ഉപയോ​ഗിക്കാം.

കുട്ടികളിൽ എക്സിമ സാധാരണമാണ്. ചർമ്മത്തിന്റെ മടക്കുകളിൽ വരണ്ടതും ചുവന്നതുമായ ചൊറിച്ചിലും പിന്നീട് അവ പാടുകളായി കാണപ്പെടുകയും ചെയ്യുന്നു. സുഗന്ധദ്രവ്യങ്ങൾ, മിനറൽ ഓയിൽ, പാരബെൻസ് എന്നിവ ഇല്ലാത്ത നല്ല ചേരുവകളായ ചമോമൈൽ, അലന്റോയിൻ, ഓട്സ്, വെളിച്ചെണ്ണ, വിറ്റാമിൻ ഇ, ഷിയ ബട്ടർ, ബദാം ഓയിൽ എന്നിവ കുട്ടികളിൽ ഉപയോ​ഗിക്കാവുന്നതാണ്.

കുട്ടികൾ സൂര്യപ്രകാശമേൽക്കുന്നുണ്ടെങ്കിൽ സിങ്ക് ഓക്സൈഡ് അല്ലെങ്കിൽ ടൈറ്റാനിയം ഡൈ ഓക്സൈഡ് പോലുള്ളവ അടങ്ങിയത് ഉപയോ​ഗിക്കാവുന്നതാണ്. ഇവ മൂലം അലർജി ഉണ്ടാകാനുള്ള സാധ്യത വളരെ കുറവാണ്. കുഞ്ഞുങ്ങളുടെ ചർമ്മം ‌ലോലമായതിനാൽ വളരെ പെട്ടെന്ന് നിർജ്ജലീകരണം സംഭവിക്കാൻ സാധ്യതയുണ്ട്. അതിനാൽ ജലാംശം നിലനിർത്താൻ ശ്രദ്ധിക്കണം.