Tea Water For Hair: മുടിയുടെ സൗന്ദര്യത്തിന് കട്ടൻ ചായ ഉപയോഗിച്ചാലോ? ഉപയോഗിക്കേണ്ടത് ഇങ്ങനെ
Black Tea For Hair Growth: സാധാരണ നമ്മൾ കട്ടൻ ചായ തയ്യാറാക്കുമ്പോൾ അതിൽ മധുരത്തിനായി പഞ്ചസാര ചേർക്കാറുണ്ട്. എന്നാൽ തലമുടിയ്ക്കായി തയ്യാറാക്കുമ്പോൾ ഒരല്പം പോലും പഞ്ചസാരയോ മറ്റ് മധുരം നൽകുന്നവയോ ചേർക്കാൻ പാടില്ല. കുറച്ച് വെള്ളത്തിലേക്ക് തെയിലപൊടിയിട്ട് നന്നായി തിളപ്പിച്ച് തണുത്ത ശേഷം മാത്രമെ ഇത് ഉപയോഗിക്കാവൂ.
പ്രതീകാത്മക ചിത്രം
ഉന്മേഷം തോന്നാൻ ഒരു കട്ടൻ അടിക്കുന്നത് പതിവാണ്. എന്നാൽ ഇതേ കട്ടൻ ചായക്ക് നിങ്ങളുടെ മുടിയിൽ ചില അത്ഭുതങ്ങൾ വരുത്താൻ കഴിയുമെന്ന് പറഞ്ഞാൽ വിശ്വസിക്കുമോ? കട്ടൻ ചായ ഒരു പ്രകൃതിദത്ത കേശ സംരക്ഷണ വിദ്യയാണ്. ഇവയിൽ ടാനിനുകൾ, കഫീൻ, കാറ്റെച്ചിനുകൾ, ഫ്ലേവനോയ്ഡുകൾ പോലുള്ള ആന്റിഓക്സിഡന്റുകൾ, ട്രേസ് വിറ്റാമിനുകൾ എന്നിവ അടങ്ങിയിരിക്കുന്നു. മുടി വളർച്ചയ്ക്ക് കട്ടൻ ചായ എങ്ങനെ ഉപയോഗിക്കണമെന്നും തയ്യാറാക്കണമെന്നും നോക്കാം.
സാധാരണ നമ്മൾ കട്ടൻ ചായ തയ്യാറാക്കുമ്പോൾ അതിൽ മധുരത്തിനായി പഞ്ചസാര ചേർക്കാറുണ്ട്. എന്നാൽ തലമുടിയ്ക്കായി തയ്യാറാക്കുമ്പോൾ ഒരല്പം പോലും പഞ്ചസാരയോ മറ്റ് മധുരം നൽകുന്നവയോ ചേർക്കാൻ പാടില്ല. കുറച്ച് വെള്ളത്തിലേക്ക് തെയിലപൊടിയിട്ട് നന്നായി തിളപ്പിച്ച് തണുത്ത ശേഷം മാത്രമെ ഇത് ഉപയോഗിക്കാവൂ.
രോമകൂപങ്ങളെ ഉത്തേജിപ്പിക്കുന്നു: കട്ടൻ ചായയിൽ കഫീൻ ധാരാളം അടങ്ങിയിട്ടുണ്ട്. ഇത് മുടി കൊഴിച്ചിലിന് കാരണമാകുന്ന ഹോർമോണായ DHT (ഡൈഹൈഡ്രോട്ടെസ്റ്റോസ്റ്റിറോൺ) തടയുമെന്ന് അറിയപ്പെടുന്നു. ഇത് തലയോട്ടിയിൽ പുരട്ടുന്നത് തലയോട്ടിയിലേക്കുള്ള രക്തചംക്രമണം വർദ്ധിപ്പിക്കുകയും, രോമകൂപങ്ങൾ സജീവമാകാനും പുതിയ മുടികൾ വളരാൻ കാരണമാകുകയും ചെയ്യുന്നു.
മുടിയുടെ വേരുകളെ: കട്ടൻ ചായയിലെ ആന്റിഓക്സിഡന്റുകളും ടാനിനുകളും തലയോട്ടിയിലെ വീക്കം, ഓക്സിഡേറ്റീവ് സമ്മർദ്ദം എന്നിവ കുറയ്ക്കാൻ സഹായിക്കുന്നു. ഇത് മുടി വളർച്ചയ്ക്ക് അനുയോജ്യമായ ഒരു അന്തരീക്ഷം സൃഷ്ടിക്കുകയും വേരുകളെ ശക്തിപ്പെടുത്തുകയും ചെയ്യുന്നു. അങ്ങനെ മുടി വേരുകളിൽ നിന്ന് പൊട്ടിപോകുന്നത് തടയുന്നു.
തലയോട്ടിയിലെ എണ്ണമയം: കട്ടൻ ചായയിലെ സ്വാഭാവിക എണ്ണകൾ നീക്കം ചെയ്യാതെ തലയോട്ടി സൗമ്യമായി വൃത്തിയാക്കുന്നു. ഇത് എണ്ണമയമുള്ളതോ താരൻ സാധ്യതയുള്ളതോ ആയ തലയോട്ടികൾക്ക് പ്രത്യേകിച്ചും ഉപയോഗപ്രദമായ രീതിയാണ്.
മുടിയിൽ തേയ്ക്കാൻ ചായ എങ്ങനെ തയ്യാറാക്കാം
ചേരുവകൾ: 2 ടേബിൾസ്പൂൺ ബ്ലാക്ക് ടീ ഇലകൾ അല്ലെങ്കിൽ 2 ബ്ലാക്ക് ടീ ബാഗുകൾ, 2 കപ്പ് വെള്ളം
വെള്ളം തിളപ്പിച്ച് ചായ ഇലകളോ ബാഗുകളോ പൊടിയോ ചേർക്കുക. വെള്ളം നന്നായി തിളച്ച് ബ്രൗൺ നിറമാകുന്നതുവരെ വയ്ക്കുക.
പൂർണ്ണമായും തണുക്കാൻ അനുവദിക്കുക. ശേഷം അരിച്ചെടുക്കുക. എളുപ്പത്തിൽ പ്രയോഗിക്കുന്നതിനായി നിങ്ങൾക്ക് ഇത് ഒരു സ്പ്രേ കുപ്പിയിൽ സൂക്ഷിക്കാം.
തണുത്ത ശേഷം ചായ തലയോട്ടിയിലും മുടിയിലും പതുക്കെ പുരട്ടുക. 5 മിനിറ്റ് സൗമ്യമായി മസാജ് ചെയ്യുക. 20-30 മിനിറ്റ് നേരം വയ്ക്കുക, തുടർന്ന് പ്ലെയിൻ വെള്ളത്തിൽ കഴുകുക. ആഴ്ച്ചയിൽ രണ്ട് മൂന്ന് തവണ ഇങ്ങനെ ചെയ്യാം.
