Bad Breath: വായ്നാറ്റം അസഹനീയമോ? കാരണങ്ങൾ എന്തെല്ലാം; അറിയാം ആരോഗ്യത്തെക്കുറിച്ച്
Causes Of Bad Breath; വായ്നാറ്റത്തെ വൈദ്യശാസ്ത്രപരമായി ഹാലിറ്റോസിസ് എന്ന് വിളിക്കുന്നു. അമേരിക്കൻ ഡെന്റൽ അസോസിയേഷന്റെ അഭിപ്രായത്തിൽ, മുതിർന്നവരിൽ പകുതിയോളം പേർക്കും ഇത്തരം സാഹചര്യം നേരിടേണ്ടി വരുന്നു. ഇത് സാധാരണയായി ശുചിത്വം, മോണരോഗം, വരണ്ട വായ, സൈനസൈറ്റിസ്, അല്ലെങ്കിൽ പ്രമേഹം വൃക്കരോഗം പോലുള്ള രോഗങ്ങളുടെ മുന്നറിയിപ്പായിരിക്കാനും സാധ്യതയുണ്ട്.
പ്രതീകാത്മക ചിത്രം
വായ്നാറ്റം എന്നത് മിക്കവാറും എല്ലാവരും അനുഭവിക്കുന്ന ഒരു പ്രശ്നമാണ്. ഏത് സമയത്തും ഇത് അനുഭവപ്പെടാം. ചിലപ്പോൾ നിങ്ങൾ കഴിക്കുന്ന ഭക്ഷണത്തിൻ്റെ പാർശ്വഫലമോ, എന്നാൽ മറ്റ് ചിലപ്പോൾ ഇത് ആരോഗ്യ പ്രശ്നങ്ങളുമായും ബന്ധപ്പെട്ടേക്കാം. സാധാരണയായി വായ്നാറ്റം മറയ്ക്കാൻ പലരും പുതിന ഇല കഴിക്കുകയോ ച്യൂയിംഗ ചവയ്ക്കുകയോ ചെയ്യാറുണ്ട്. എന്നാൽ വായ്നാറ്റം ഒരു വിട്ടുമാറാത്ത പ്രശ്നമായി മാറുമ്പോൾ, അത് നിങ്ങളുടെ ആത്മവിശ്വാസത്തെ വരെ കാര്യമായി ബാധിച്ചേക്കാം.
വായ്നാറ്റത്തെ വൈദ്യശാസ്ത്രപരമായി ഹാലിറ്റോസിസ് എന്ന് വിളിക്കുന്നു. അമേരിക്കൻ ഡെന്റൽ അസോസിയേഷന്റെ അഭിപ്രായത്തിൽ, മുതിർന്നവരിൽ പകുതിയോളം പേർക്കും ഇത്തരം സാഹചര്യം നേരിടേണ്ടി വരുന്നു. ഇത് സാധാരണയായി ശുചിത്വം, മോണരോഗം, വരണ്ട വായ, സൈനസൈറ്റിസ്, അല്ലെങ്കിൽ പ്രമേഹം വൃക്കരോഗം പോലുള്ള രോഗങ്ങളുടെ മുന്നറിയിപ്പായിരിക്കാനും സാധ്യതയുണ്ട്.
ഒരു ദന്തരോഗവിദഗ്ദ്ധനോടോ ഡോക്ടറോടോ പോലും ചിലർ പറയാൻ മടിക്കുന്ന കാര്യമാണ് വായ്നാറ്റം. എന്നാൽ വായ്നാറ്റം സാധാരണവും, ചികിത്സിക്കാവുന്നതുമാണ്. മിക്ക കേസുകളിലും, ദിനചര്യയിൽ വരുത്തുന്ന ചെറിയ മാറ്റങ്ങൾ മൂലമോ സാധ്യമായ കാരണങ്ങൾ മനസ്സിലാക്കുകയോ ചെയ്താൽ തീരാവുന്ന പ്രശ്നമാണിത്. വായ്നാറ്റത്തിന് കാരണമെന്താണെന്നും അത് എങ്ങനെ പരിഹരിക്കാമെന്നും ഒരു ആരോഗ്യ വിദഗ്ദ്ധനെ സമീപിക്കേണ്ട സമയം ഏതാണെന്നും നമുക്ക് പരിശോധിക്കാം.
വായ്നാറ്റത്തിന് കാരണം എന്താണ്?
വായ്നാറ്റത്തിന് നിരവധി കാരണങ്ങളുണ്ട്, അവയെല്ലാം ഭക്ഷണവുമായോ ശുചിത്വമായോ ബന്ധപ്പെട്ടതല്ല. ഏറ്റവും സാധാരണമായ കാരണങ്ങൾ ഏതെല്ലാമെന്ന് നോക്കാം.
മോശം ശുചിത്വം: ഭക്ഷണ അവശിഷ്ടങ്ങൾ നിങ്ങളുടെ മോണയ്ക്കും പല്ലുകൾക്കുമിടയിൽ കുടുങ്ങിക്കിടക്കുന്നു. നന്നായി വൃത്തിയാക്കിയില്ലെങ്കിൽ, അവയിലൂടെ പിന്നീട് അസഹനീയമായ ദുർഗന്ധം വമിക്കാൻ കാരണമാകും. നിങ്ങളുടെ വായിലെ ബാക്ടീരിയകൾ ഈ അവശിഷ്ടം കഴിക്കുകയും സൾഫർ വാതകങ്ങൾ പുറപ്പെടുവിക്കുകയും ചെയ്യുന്നു, ഇതാണ് ദുർഗന്ധത്തിന് കാരണമാകുന്നത്. നന്നായി വൃത്തിയാക്കിയില്ലെങ്കിൽ പ്ലാക്ക്, മോണ രോഗങ്ങൾ എന്നിവയ്ക്കും കാരണമാകും.
വരണ്ട വായ: ഉമിനീർ വായ വൃത്തിയാക്കുകയും ദുർഗന്ധം ഉണ്ടാക്കുന്ന കണികകളെ തുടച്ചുനീക്കുകയും ചെയ്യുന്നു. നിങ്ങളുടെ ശരീരത്തിൽ ആവശ്യത്തിന് ഉമിനീർ ഉത്പാദിപ്പിക്കപ്പെടുന്നില്ലെങ്കിൽ, വായ്നാറ്റം ഉണ്ടാകുന്നു. മരുന്നുകൾ, സമ്മർദ്ദം, ആവശ്യത്തിന് ദ്രാവകങ്ങളുടെ അഭാവം, അല്ലെങ്കിൽ വായ തുറന്ന് ഉറങ്ങുന്നത് എന്നിവ കാരണം വരണ്ട വായ ഉണ്ടായേക്കാം. നാഷണൽ ഇൻസ്റ്റിറ്റ്യൂട്ട് ഓഫ് ഡെന്റൽ ആൻഡ് ക്രാനിയോഫേഷ്യൽ റിസർച്ചിന്റെ അഭിപ്രായത്തിൽ, ചില സാഹചര്യങ്ങൾ വായ വരളുന്നത് സീറോസ്റ്റോമിയ എന്ന രോഗ കാരണം മൂലമാകാം.
ഭക്ഷണം, പാനീയങ്ങൾ: ഉള്ളി, വെളുത്തുള്ളി, സുഗന്ധവ്യഞ്ജനങ്ങൾ തുടങ്ങിയ ചില ഭക്ഷണങ്ങൾ കഴിക്കുമ്പോൾ രൂക്ഷഗന്ധം വമിക്കുക മാത്രമല്ല, നിങ്ങളുടെ ശരീരത്തിൽ സൾഫർ സംയുക്തങ്ങൾ പുറത്തുവിടാനും കാരണമാകുന്നു. ഇത് നിങ്ങളുടെ രക്തപ്രവാഹത്തിലേക്കും ശ്വാസകോശത്തിലേക്കും പ്രവേശിക്കുകയും നിങ്ങളുടെ ശ്വാസം ദുർഗന്ധമുള്ളതായി മാറുകയും ചെയ്യുന്നു. മദ്യവും കാപ്പിയും പലപ്പോഴും ഇതിന് കാരണക്കാരാണ്.
നിങ്ങളുടെ ടൂത്ത് ബ്രഷ് മൂന്നോ നാലോ മാസത്തിലൊരിക്കൽ മാറ്റുക. ജലാംശം നിലനിർത്തുന്നത് സാധാരണ ഉമിനീർ ഉൽപാദനം നിലനിർത്താൻ സഹായിക്കുന്നു. വായ വരണ്ടതാക്കുന്ന പഞ്ചസാരയോ അസിഡിറ്റി ഉള്ളതോ ആയ പാനീയങ്ങൾ ഒഴിവാക്കുക. ഭക്ഷണത്തിൽ വെളുത്തുള്ളിയും ഉള്ളിയും കുറയ്ക്കുക. നിങ്ങൾ അവ കഴിച്ചാൽ, പിന്നീട് പല്ല് തേയ്ക്കുകയോ കഴുകുകയോ ചെയ്യുക.
